شاعران پاوه ۲۷
میرزا محمدنعیم یوسفی
سال 1297 خورشیدی در شهر پاوە چشم بەجهان گشود. تحصیلات آن دورە را تا کلاس ششم به پایان رسانید و در اداره بهداشت وقت استخدام گردید.ایشان در میان مردم پاوه به میرزا نعیم شناخته میشوند اشعار ایشان در قالب هجایی و با مضمامین عرفانی، مناجات و وصف طبیعت سروده شدە است. آقای یوسفی بسیار از اشعار شاعران پیشین سبک گوران را استنساخ نموده و چندین دفتر شعر از خود به یادگار نهاده است. ایشان در سال 1381 چشم از جهان فروبست.
دانای دادگەر سانع کاران
ئاگا جە ئەحواڵ گشت دەردەداران
ڕەحمان و ڕەحیم سەتار سەرپۆش
بە زکر زاتت دڵ مەیۆ وە جۆش
نە خۆف ئەعماڵ دایم بێهۆشەن
ئۆمێدم عەتای ڕەحمەکەی تۆشەن
ئوستاد قەدٚیم زات بێزەواڵ
ماسوا جە غەیر دانای کول حاڵ
ئەعماڵ و ئەحواڵ نمەبۆ پنهان
هەرچیم کەردەبۆ جە لاتەن عەیان
شەست و پەنج جە عومر دەورانم ویەرد
غەیر جە مەعسیەت هیچ خاسیم نەکەرد
دڵ دیار نیەن جە غەفڵەت خەفتەن
وەلای ڕای نەهات ندٚامەت کەفتەن
تاکەی وە غەفڵەت یەن دڵ سەختەنی
تاکەی تۆ وەی تەوره هەر بەدٚبەختەنی؟
تاکەی وەی تەورە هەر های نە غەفڵەت
تاکەی چوون عاسی نەڕای ندٚامەت؟
تاکەی هەر نەشۆن سەوددٚای سیاهی
هەوەسیای هەوەس ڕاگەی تەباهی
مەر تۆ نەزانات کە چێشت کەردەن؟
سەنگینی گونا پەشتت خەم کەردەن
ئا پەرسە جە وێت بزانە چێشەن
جە سەنگینی بار یانەی دڵ ڕێشەن
وەختەی قیامەت وەنەت بۆ زاهر
تۆ بێقەدرەنی چوون سەنگ باهر
جە خاو غەفڵەت بەڵکەم بی بێدار
ڕوو کەی وە دەرگای دانای کردگار
واچە یا کەریم کەرەم بێشمار
سازەندەی ئەوقات گشت لەیل و نەهار
بە سدق و یەقین بە توبەی ڕاسی
نە جۆرمی گونا بدٚەیم خەلاسی
من جە نادانی هەرچێوەم کەردەن
خالق جە تەخسیر بەندٚەش ویەردەن
هەرچیت فەرماوان پاسەمە نەکەرد
ئەمر و نەهی تۆم هیچ وە جا ناوەرد
من خۆ شەرمەسار عاسی و خەجاڵەت
پەنام هەر بە تۆن ساحێب عەداڵەت
جە ڕۆی نادانی هەرچیم کەردە بۆ
با کەردەم جەلای تۆ ویەردە بۆ
چەفتی و کەسیفی نامان ڕووی کارم
خاترت جەم بۆ وازح دیارم
***
سا یاڕەب کەرەم بنمانە پەنەم
ئیمان و ئامان نەسانی چەنم
بارم تاوانەن کەردەم ناڕوان
مەگەر لوتف وێت، کەرەم فراوان
من بارم لەنگ و ڕای سەفەر دوورەن
پەی ڕای بێپایان تۆشە زەروورەن
باخچەی عبادٚەت بێسوودٚ و سەمەر
منیچ میراوەی جە هیچی خەوەر
نەفەسڵ پیری دار مەنیەو نە باخ
حاسڵ عومرم بیەن ئاخ و داخ
بە کەردەی سیاو ڕەنگی متقاڵی
کێ لوان حزوور بە دەسی هاڵی
«نعیم»ڕوو زەرد و سیا چارەنی
باز هەم بەلوتفش ئومیدٚوارەنی؟
#عدنان_مرادی#هامفردان#شعر_گوران