الخادم محسن الباوي✏

#قصائد_محرم_
#محرم_الليلة_العاشرة_

ضهر العاشر مولاتي زينب(صلوات الله عليها)
تنعى اخوها الحسين(صلوات الله عليه)



على حدود المخيم دارت الگوم
وعلينة الخيل هدتّ خوية وتحوم
اختنگ حتى الهوة من نار الاخيام…
إركضت وانة؟ الأبد ما راكضة بيوم


يخويه حسين واويلاه…

____________________________

أحشم بيمن وكلكم مطاعين
أدري حسين ميت واصرخ حسين💔
ماني مصدگة بهذا الجرة وصار…
يعوفوني وحيدة وكلها ميتين


يخويه حسين واويلاه…

____________________________

شما أمشي الاگي الخيل وحتار
واركض علخيم بس؟ الخيم نار
موتني وهضمني عاشر الضيم…
يلعاشر مثيلك ابد ماااااااا صار


يخويه حسين واويلاه…

____________________________

ما صحلك يخوية حتى دفااان
أبن الزهرة هذا بشمس ذبلان
والهضمت دليلي ما شرب ماي…
مات حسين بس ياحيف عطشان


يخويه حسين واويلاه…

____________________________

صحت علخيل هذا حسين ياخيل
هوةَ شباقي بي علدوس من حيل
مذبوح وجروحة صارن اااهواي…
يم جسمة اجيت؟ وگلت ياويل


يخويه حسين واويلاه…

____________________________

مو اااااانة الغريبة العليّ تنگال
بس طحتو يخوية جابو احبال
مو هذا الگتلني تدري يحسين…
يخوية موادعك مذبوح چتال


يخويه حسين واويلاه…

____________________________
#محرم_1446هـ_

خادم الزهراء ص

✍️محسن الباوي
____________________________
https://t.center/muhseen0

لحن القصيدة 👇👇

#قصائد_محرم_
#محرم_الليلة_العاشرة_💔
مولاتي الرباب💔بعد ان اشتد العطش بلخيام
تحاچي وليدهة عبدلله الرضيع ودگلة يمة....


ناغي بية بلكي تنسة
منين اجيب الماي يبني...

بروحي صاير كلشي يابس
كلشي يابس حتى حضني...

انتة وردة وانة گاعك
بلايه ماي نموت يعني...

ذبلت احلامي برحيلك
والسهم يوليدي هدني...


طولك....توة بدة بعيني حلم
طولك....مو مالت ايحضنة السهم
طولك....بعيوني بس ضيم انرسم


يايمة يعبدلله...يايمة يعبدلله...

1_________________________________

ردتة يكبر يبني طولك
حتى اگول ابني شحلاته...

السهم گلي اشيفهمة
نحرك اولايت ترافه....

منين اجة وخربلي كلشي
ابد ما عنده مخافه....

بعيني كل الدنية صارت
سودة متروسه صلافه...


نحرك....خضر جرح بس يا جرح
نحرك....تالي صبح فوگ الرمح
نحرگ....كلش ترف مو للذبح


يايمة يعبدلله...يايمة يعبدلله...

2______________________________

ردت اموت ودمعي گضني
حسين اجاني وگلبي شيب...

شفتة مكسور ابمشيتة
شايلك وگليبة يلهب...

گلي عبدلله يريدچ
هاي اخر نضره وتعب..

السهم ليش؟؟ برگبتك
لمثلك انتة بورده يلعب....


فگدك...عيشني كل عمري بسهر
فگدك...كاسرلي يوليدي ضهر
فگدك...موتني بس ضيم وقهر


يايمة يعبدلله....يايمة يعبدلله....

3_______________________________

وين اديرن عيني بعدك
بيا حلم گلي تجيني...

كلشي ساكت بية صاير
التحچي ضلت عندي عيني...

بس دمع تحچي عيوني
من رحت زايد ونيني...

ياهضيمة شلون بية
بحضني ما باقي حنيني...


مهدك...كلما اصد گلبي يحن
مهدك...يبني چنت انتة الوطن
مهدك....لمن رحت زااااد الحزن


يايمة يعبدلله....يايمة يعبدلله....

4_________________________________

المن اسهر تالي عمري
بغير طولك شنهي ليلي...

عمرك ازغير اعلة ذبحك
يمة بعدك راح حيلي...

انة أم وحگي يبني
راح اموتن ااااا يويلي...

ابني مهده باقي خالي
بعده ما يبرد غليلي...


بعدك...عمرك ترف مو للدمة
بعدك...نحرك يبس من الضمة
بعدك...طولك كسر گلب السمة


يايمة يعبدلله....يايمة يعبدلله....

5_______________________________
#محرم_1444_هـ

خادم الزهراء ص

✍️محسن الباوي
______________________________________
https://t.center/muhseen0

لحن القصيدة 👇👇

#قصائد_محرم_
#محرم_الليلة_العاشرة_💔
مصائب يوم العاشر وجروح مولاي سيد الشهداء صلوات الله عليه

#ثگيل_

جروح...... علغبره اعيون احسين
جروح....... خيل ودارت صوبين

عطشانه اعيونك ..... بهيمه يخلونك

_______________________________________

اول اركان المصيبة
چثتك ضلت سليبة
كوثر انته شلون تعطش
يابس بدمك عجيبة


اهواي الجروح.... علثرى تنوح
باقي ضامي لوحدك شابع هضيمة
ولترب حار...... وانته محتار
ماكو مثلك منذبح حرگوله خيمة


صار.... لونك ذابل تعبان
صار.... دهرك بعيونك خان

متغير لونك..... بهيمه ايخلونك...


1_________________________________

ينسحك صدرگ حوافر
الخيل عمية وما تناضر
شدو الخيل وعموهن
وبلهضيمة حسين صاير


سوالف الهيل ....داستة الخيل
يمشي بعيونه العطش زيد مصابة
وحده حاير..... بلايه ناصر
ليش صارت لحيتة بلدم خضابة


سال.... دمك خلص يحسين
سال.... وحدك وهلك ميتين

ليش ايتعبونك.... بهيمه ايخلونك


2_________________________________

ابچي يم طاري المحابس
خنصرك ماخلة واهس
وسفه گطعو خنصر ايدك
وسلبو منك ملابس


ترهم اشلون...... من يسلبون
وجثتك فوك الترب نبعت حمية
جرحك اهواي..... فاگد الماي
ناس منهم ما شفت بس الاذية


نار...... بگلبك تسعر مصيوب
نار...... ضامي وصاير متعوب

بخيل ايسحكونك ..... بهيمه ايخلونك


3________________________________

ركضت النار بخيامة
بلحچي يصعب كلامة
گلبه مايحمل مصايب
سنينه خلصت مو سلامة


بحسرته ونام ..... وينضر اخيام
لاحه دخان الخيم وباوع رقية
للسبي تروح.... وتاخذ الروح
رقيه ورده وعل الهزل تمشي سبية


شلون...... راسك يصبح برماح
شلون...... وانته الطولك مصباح

محتاره اضعونك.... بهيمه ايخلونك

4________________________________

خدك توسد ترايب
وضعنك توسد خرايب
زينب خلافك اسيرة
والضعن صارو غرايب


يهضم الشام..... بين الزلام
مچتفه وتمشي سبيه ويلي زينب
من عله النوگ...... تدخل السوگ
بيا وكت تالي الاميره هيچي تنحب


وين ...... طولك يحسين الراح
وين....... ضعنك ماشه الذباح


علناگه ابدونك..... بهيمة يخلونك

5_________________________________
#محرم_1444هـ_

خادم الزهراء ص

✍️محسن الباوي
_____________________________________
https://t.center/muhseen0

لحن القصيدة 👇👇

#قصائد_محرم_
#محرم_الليلة_العاشرة_💔

#فزاعيات_
يوم العاشر بعد ان دنت الخيالة من جسم الحسين (ص)تنضر مولاتي زينب (ص) على جسم اخوها الحسين وتگلة......


گوم احسين لا تگرب الخيالة

______________________________

شمس ضهرية مو مالت ابد نومة
والهضمتني اكثر ماهن اهدومة
لم روحك يخوية ومشي بلحومة

انتة اهواي صاير طولك اوشالة
گوم احسين لا تگرب الخيالة

______________________________

شمرت اعيوني يمك شلي بعيوني
شفتك منذبح وانة انخطف لوني
تعبوني يخوية اهواي تعبوني

الحافر موش (خير) خير گبالة
گوم احسين لا تگرب الخيالة

______________________________

نبض گلبي وكف من شفت ذباحك
سكتة بكيفة يذبح وانتة بصياحك
حنين انتة يخوية يكتل انياحك

موت گلبي ضل يتلوع ابحالة
گوم حسين لا تگرب الخيالة


______________________________

اصعدت عل تلة لاكن خوية ماشفتك
مشيت ابلا شعور ورحت دورتك
اول تالي صارت ماتشوف اختك


لگيت احسين كلها مگطعة اوصالة
گوم احسين لا تگرب الخيالة

______________________________

خلص ياضهر لو تاخذ الروح
منين اندار هوة حسين مذبوح
عليه الخيل كامت تلفي وتروح


نايم عل تراب وعايف اعيالة
گوم حسين لا تگرب الخيالة


______________________________
#محرم_1443هـ_

خادم الزهراء ص

✍️محسن الباوي

______________________________
https://t.center/muhseen0

#قصائد_محرم_
#محرم_الليلة_العاشرة_💔
مصائب يوم العاشر وجروح مولاي سيد الشهداء صلوات الله عليه


جروح...... علغبره اعيون احسين
جروح....... خيل ودارت صوبين

عطشانه اعيونك ..... بهيمه يخلونك


_______________________________________

اول اركان المصيبة
چثتك ضلت سليبة
كوثر انته شلون تعطش
يابس بدمك عجيبة


اهواي الجروح.... علثرى تنوح
باقي ضامي لوحدك شابع هضيمة
ولترب حار...... وانته محتار
ماكو مثلك منذبح حرگوله خيمة


صار.... لونك ذابل تعبان
صار.... دهرك بعيونك خان

متغير لونك..... بهيمه ايخلونك...


1_________________________________

ينسحك صدرگ حوافر
الخيل عمية وما تناضر
شدو الخيل وعموهن
وبلهضيمة حسين صاير


سوالف الهيل ....داستة الخيل
يمشي بعيونه العطش زيد مصابة
وحده حاير..... بلايه ناصر
ليش صارت لحيتة بلدم خضابة


سال.... دمك خلص يحسين
سال.... وحدك وهلك ميتين

ليش ايتعبونك.... بهيمه ايخلونك


2_________________________________

ابچي يم طاري المحابس
خنصرك ماخلة واهس
وسفه گطعو خنصر ايدك
وسلبو منك ملابس


ترهم اشلون...... من يسلبون
وجثتك فوك الترب نبعت حمية
جرحك اهواي..... فاگد الماي
ناس منهم ما شفت بس الاذية


نار...... بگلبك تسعر مصيوب
نار...... ضامي وصاير متعوب

بخيل ايسحكونك ..... بهيمه ايخلونك


3________________________________

ركضت النار بخيامة
بلحچي يصعب كلامة
گلبه مايحمل مصايب
سنينه خلصت مو سلامة


بحسرته ونام ..... وينضر اخيام
لاحه دخان الخيم وباوع رقية
للسبي تروح.... وتاخذ الروح
رقيه ورده وعل الهزل تمشي سبية


شلون...... راسك يصبح برماح
شلون...... وانته الطولك مصباح

محتاره اضعونك.... بهيمه ايخلونك

4________________________________

خدك توسد ترايب
وضعنك توسد خرايب
زينب خلافك اسيرة
والضعن صارو غرايب


يهضم الشام..... بين الزلام
مچتفه وتمشي سبيه ويلي زينب
من عله النوگ...... تدخل السوگ
بيا وكت تالي الاميره هيچي تنحب


وين ...... طولك يحسين الراح
وين....... ضعنك ماشه الذباح


علناگه ابدونك..... بهيمة يخلونك

5_________________________________
#محرم_1444هـ_

خادم الزهراء ص

✍️محسن الباوي
_________________________________
https://t.center/muhseen0

لحن القصيدة 👇👇