الخادم محسن الباوي✏

مولاتي زينب(ص) عندةَ رحيل مولاتي الزهراء(ص) تحاچي اخوها الحسين(ص) وتشكيلة جروح أمها الزهراء(ص) …


خوية حسين_أمي راح تغمض عيون وتروح
خوية حسين_يعني من هسة ابتدت بينة لجروح
خوية حسين_لو مشت امي بعد ماعندي روح


يُمه تانيني الهجر مابية حيلة
عمر وردة وروحتچ كلش طويلة
انة زينب يُمه متعودة بحنانچ
سنين عمري بروحتچ چانت قليلة


خمسه ييمه اسنيني
ورحتي بعجل من عيني
كسر الضلع ماذيني__ويلي يُمه ويلي

بلگوة حتى انفاسچ
موت وقهر نضراتچ
من الضلع حسراتچ__ويلي يُمه ويلي


واويلاه يايمه
واويلاه يايمه

____________________________

خوية حسين_مارحم امي أبد كسر الضلع
خوية حسين_عاشت ايام الدمع ما ينگطع
خوية حسين_بيش مطلوبة وتصير بهلوضع


تنضر اعلينة وحزن ينزل دمعها
حتى من تبچي يألمهة ضلعها
تگلي يازينب دمع عينچ هضمني
شگد حنينة بلرغم يهضم وضعها


يُمه اموت ابدونچ
عشت العمر بعيونچ
كسره الوكت من دونچ_ويلي يُمه ويلي

ضلعچ كسرتة چبيرة
كلش صعب تجبيرة
شلون التراب يديرة_ويلي يُمه ويلي


واويلاه يايمه
واويلاه يايمه

____________________________

خوية حسين_گلي من اشتاگ اشوفن امي وين
خوية حسين_راسم بروحي كسر تدري الونين
خوية حسين_هاي أولها بدت بينة السنين


خوية أمشي للحسن نبچي سوية
أمنة راحت ماترد أمنة الزچية
شگد حنينة بسرعه راحت مندينة
وانتهة كلشي واجت ليها المنية


ماتت كسرها وياها
حيل الضلع اذاها
تراب الگبر غطاها…ويلي يمُه ويلي

راحت يويلي الزهره
يايمه فگدچ كسره
تبقة برحيلچ حسره…ويلي يمُه ويلي


واويلاه يايمه
واويلاه يايمه

____________________________

خوية حسين_لل مصايب أنفتح يا خوية باب
خوية حسين_هذا طولك يبقة بحضان التراب
خوية حسين_وانة زينب انهضم واشبع عذاب


خوية عاشر كربلة تكبر غربتي
انتة؟بحضان الترب وانة بدمعتي
انتة؟ مذبوح وعطش يكسر دليلك
وانة خوية بكربلة تهضم طلعتي


ماكو ليحامي اخيامي
كلهم ذبح جدامي
تكبر جروح ألامي…ويلي يمُه ويلي

اترك حنان اعيونك
اصبح غريبة بدونك
بترابه يصبح لونك…ويلي يمُه ويلي


واويلاه يايمه
واويلاه يايمه

____________________________

✍️محسن الباوي

اللهم عجل لوليك الفرج
____________________________
https://t.center/muhseen0

لحن القصيدة 👇👇

مولاتي الزهراء(ص) تنعىٰ ولدها المظلوم مولاي المحسن(ص) وتتحسر على فقده وتگول ….


ثالث اخوانك حسبتك
واسمك المحسن عقدته…
حضَّرت مهدك واگولن
أبني گُربت ليه جيته…
ما دريت الباب مذبح
هذا جرحي الما حسبته…


يا يُمه…لو ردتّ احسبه مو ساعة عمرك
يا يُمه…من فيّ حناني ورحت اعلة گبرك
يا يُمه…ذبحولي حلمي طاااااايح انظرك


يبني فكلي عين__بس مرة
عيونك ارد اشوف__منتضرة
لحظة ما عشت__ياحسرة…ييُمه


كلشي مني راح يوليدي…

١______________________________

چنت اتاني تگلي يُمه
وماتت (اليُمة) اعلبابي…
صح ضلع كسرولي لكن؟
موتك الزيّد عذابي…
نسمة ماةخلوك تشتم
أمك شثگله مصابي…


يا يُمه…صح انا ضلعي تكتل كسرته
يا يُمه…لكن رحيلك اكلف هضمته
يا يُمه…فترة ييُمه واحسبني ميتة💔


انا هم اموت__تانيني
ضلعي ما يطيب__يحنيني
أسنينك انگضت___وسنيني__ييُمه


كلشي مني راح يوليدي…

٢____________________________

إنذبحت بعيني الأماني
عالأرض لمن نظرتك…
چانت احلامي؟ اشوفك
وي حسن وحسين اخوتك…
هذا الي امأذيني يبني
انولدت اگبالي فرگتك…


يا يُمه…حرموني أنظر دورت عيونك
يا يمُه…لا؟ ما اعيشن يوليدي دونك
يا يمُه…(بلدم) تبدل ياااااويلي لونك


كسري مو سهل__يتجبر
أبني والضلع__ما اگدر
بحسرة گمت انوح__وتحير__ييُمه


كلشي مني راح يوليدي…

٣_____________________________

ردتّ (الوليلك) وحضنك
بحضني تستوطن حناني…
ومن تغمض يبني عينك
اصفن ارسملك أماني…
مثل كل ام انا اريدن
أبني يكبرلي وتاني….


يا يمُه…تكبر و اگولّ اشمحلاته أبني
يا يُمه…يذبح رحيلك كلش كسرني
يا يُمه…ليش انا أبني يحرمونه حضني


ما بقتلي روح__بغيابك
دمعي كله طاح__بعتابك
وحيلي كله مات__بمصابك__ييُمه


كلشي مني راح يوليدي…

٤_____________________________
(مولاتي چانت تتمنه مولاي المحسن(ص) يكبر ويصير ذخر للحسين(ص) بكربله..


خضرت دمعاتي لچمة
حبست بروحي المشاعر…
تأملت يوليدي اشوفك
من يجي يا يَمه عاشر…
توگف تناصر أخيك
وما يظل بلحومة حاير…


يُمه…ردتكّ تشدله ظهره وتنصره
يُمه…حته بعيونه ما تبقه كسرة
يُمه…يذبل جماله العاشر يغيره


يبقه بس يدير__بعيونه
وياخذ العطش__كل لونه
ما تظل خيم__من دونه…ييُمه


كلشي مني راح يوليدي…

٥______________________________

✍️محسن الباوي

اللهم عجل لوليك الفرج
_______________________________________
https://t.center/muhseen0

لحن القصيدة 👇👇

مولاتي فاطمة الزهراء(ص) قبل الرحيل تحضن وليدها الحسين(ص) وتشمة بصدرة وتقبلة بنحرة وتبچي تدري بلراح يصير…


شمتة بصدرة
وقبلت نحرة…تدري موتة ينذبح

تبچي وتضمة
تگلة يا يُمة…بكربلة حضني يشح

يُمه يوليدي
ابقة بين ايدي…ياخذك مني الرمح


اشرب ييُمه الماي اگبالي
باچر يشح الماي__
وبحضني يبني طولّ منامك
باللطف ولاكو فياي__


شلون يبني شلون_ماكو فياي بوسط الهيمة
تحير حيل تحير_تشوف بعينك حرگ الخيمة
يموت كلشي يموت_محد مثلة لعاشر ضيمة


اه…ااايحسين يايُمه…

______________________________________

تقبلة بچفة
تمسحة بلهفة…تدري بلخنصر يروح

كلشي تحسبلة
لكربلة تعدلة…كلشي بلعاشر جروح

تمسح اعيونة
تعاين بلونة…تذبل الوانة وتروح


يذبل جمالة ويرحل كلشي
ضامي تعرفة يموت__
وبصدرة تشتم تدري بمصيرة
ياويلي خيل تفوت__


تگول اه تگول…خد وليدي ينام بصحرة
فياي ماكو فياي…وكلها تعرفك ابن الزهرة
تنام من تنام….يُمه الخيل تهدلك عشرة


اه…ااايحسين يايُمه…

___________________________________

والجروح تزيد
تبقة انتة وحيد…تلتفت محد الك

والخيول تغار
وحدك تحتار…تنذبح كلها هلك

والمصيبة الماي
يذبحك بهداي…گطرة لا ما توصلك


تلتم عليك خيول وعساكر
ماتبقة الك خوان__
بعينك تعاين نار الخيمة
اهنانة تضل حيران__


يضيع كلشي يضيع…لمن عينك تنضر زينب
تروح وين تروح…تصير الخيمة جمره وتلهب
ضيم تحمل ضيم…من فراگك زينب تتعب


اه…ااايحسين يايُمه…

_________________________________

تنذبح ضامي
وترحل احلامي…تنتهي وكت الضهر

كربلة غربة
وشكثر صعبة…زينب تحير العصر

ينتهي كلشي
وبلدرب تمشي…وينكسر گلب الخدر


لمن تودعك تصبح غريبة
هواي العقيلة تحير__
متعودة يمك تگضي عمرها
تالي وحيدة تصير__


تصير حيف تصير…من عيونك تالي بهزلة
جروح كلة جروح…درب الغربة يهضم كلة
شام اه الشام…ماضن زينب تصبر عدلة


اه…ااايحسين يايُمه…

___________________________________

✍️محسن الباوي

اللهم عجل لوليك الفرج
___________________________________
https://t.center/muhseen0

لحن القصيدة 👇👇

مولاتي السيده زينب (ص) و أول ايام فراق امها مولاتي الزهراء (ص) تگعد مولاتي زينب تبچي وتذكر ايامها الچانت وي امها الزهراء(ص) وتگول….


يا يمه وينچ…
ياوحشة اغيابچ
فز جرحي يم بابچ
كل ما اشوفنة
ياخذني لمصابچ

يخنگ رحيلچ…
عمر الورد عمرچ
مو ينكسر ضلعچ
كسرة غصن ويلي
كلش صعب وضعچ


صرت اليتيمه
وراحت بعد لا ماترد…ذيچ الليالي
صرت اليتيمه
يا موتتچ اصعب جرح…تعبتلي حالي
صرت اليتيمه
معقوله ما شوفچ بعد…يسأل دلالي


كسرّ ضلعچ__كسر كلبي
تعب روحچ__اثر تعبي


ويلاه يُمه ويلاه…
١_____________________________

انة الهضمني…
من (الهوه) تشمة
تجرحها كل نسمة
يعني النفس گوة
شگد تبقه متئلمة

لزيدلي حزني…
لبسمار يا طگتة
بدم الضلع شفتة💔
موتني يا يمُه
مو هينه سالفتة


ومحسن رحيلة
ما لحگ يشم الهوه…ويفتح عيونة
ومحسن رحيلة
هم زيد بروحچ كسر…ضل دمة لونة
ومحسن رحيلة
ما يهده جرحه وروحتچ…يمه الحنونه


متت سكته__وذبل حيلي
على دموعي__خلص ليلي


ويلاه يُمه ويلاه…

٢______________________________

امشي لمچانچ…
وتردلي چم ذكره
اهنا صلت الزهره
اهنا حضنت احسيني
بگلبي تشب جمره

اذكر حنانچ…
يلزهره يا يمُه
يلروحتچ لچمه
عشت بجرح موتچ
بدموعي متحزمه

(👇اهنا مولاتي زينب(ص) تباوع لخوها الحسين(ص) وتگله..)

يحسين خويه
راحت بعد امنة الگبل…چانت تلمنة
يحسين خويه
من هسه نيشان الجرح…كاسر ضهرنة
يحسين خويه
مهضومه راحت فاطمه…ومنها انحرمنة


حزن فگدچ__حزن دايم
فلا يهده__لفگد فاطم

ويلاه يُمه ويلاه…
٣______________________________

انفاسچ جروح…
متعوبة من ضلعچ
لا مو سهل وضعچ
تصديلي محتاره
ينزل جرح دمعچ

انضرلچ جروح…
تگليلي يا زينب
جايچ حزن اصعب
يرحون كل اهلچ
وحيل الگلب يتعب


يمُه يزينب
كل ما اشوفن دمعتچ…ارسم مصيبه
يمُه يزينب
انة امچ وگلبي بقه…بجمرت لهيبه
يمُه يزينب
مو زينب اسمچ بلغرب…يصبح غريبه


على جروحي__جرح گلبچ
بلا اخوانچ__فقط وحدچ

ويلاه يُمه ويلاه…
٤_______________________________

بابچ رساله…
للعاشر! وضيمه
بنارچ تشب خيمه
نار الجذع تكبر
تودينة بل هيمه

ضلعچ دلاله…
لجروحي وداني
من ابقه بس اني
محتاره ودموعي
بلغربه نيشاني


هاي البدايه
من نارچ لنار الخيم…ما تطفه ناري
هاي البدايه
حبل الدمع ما ينگطع…يكسر قراري
هاي البدايه
مكتوبه من زغري يضل…بية انتضاري


كبر جرحي__بصغر عمري
جرح موتچ__حنة ضهري

ويلاه يُمه ويلاه
٥_____________________________

✍️محسن الباوي

اللهم عجل لوليك الفرج
______________________________________
https://t.center/muhseen0

لحن القصيدة 👇👇

مولاي امير المؤمنين (ص) يوصل لمكان دفن مولاتي الزهراء (ص) يوگف بجانب النعش يحچي بدموعة ويگلها….

#ثگيل_

فاطمه شلون... جبتچ عل گبر
زهرة الكون... ضلعچ منكسر
ياهو مثل تعبي
بيدي ادفنت گلبي
فاطمه شلون... جبتچ عل گبر

_______________________________________

شنهي عمري من مشيتي
موش انة الحدبت حتة خيالي

انباگ حيلي شهگه شهگه
بگلبي شوغات وجرح هيچ الليالي

ولله حيره الزهره ورده
وصارت ابين الترب روحي ودلالي


علغالي ما يحلة الدفن
وشلون اذا ام الحسن
منها ضلع حيف انكسر
مسطوره باوعت الجفن


ما وچدت دربي
بيدي ادفنت گلبي

فاطمه شلون جبتچ عل گبر...

1_______________________________

محني ضهري كلة بعدچ
گوه اجر انفاسي يازهرت حياتي

حرز بيتي ومني راحت
بين احضان الترب ليش امنياتي

كلشي يوحي لحزني بية
كمت اتمنى لون يحضر مماتي


بلهندس ادفنت الضوه
بليل اختنگ حتى الهوه
يترادم بروحي الحچي
ياريت موتتنه سوووه


عيني بدمع تربي
بيدي ادفنت گلبي

فاطمه شلون جبتچ عل گبر....

2_______________________________

سنيني بعدچ دمعه صارن
بلمدامع چلبت تطفيلي ناري

عايش الدنيه اعله مودچ
وحشه صار بروحتچ يبچيلي داري

يبست بروحي الأماني
وكل خضار الدنيه ما يكفي انتضاري


ما ينسطر خد الورد
وشلون اذا من چف حقد
ياگلبي ماتت فاطمه
وراحت بعد لا ماترد


اتناثر حزن حبي
بيدي ادفنت گلبي

فاطمه شلون جبتچ عل گبر....

3______________________________

الليل خنگة يچوي گلبي
چودر بروحي التعب بعدچ يفاطم

انه حيدر سيفي يشهد
محني ما بيه بعد حمل الصوارم

الخطوه تاخذ حيل مني
ليش راحت فاطمه ليهسه نادم


بعيوني ما باقي دمع
عل باب اشعلچ شمع
البسمار لو يعرف حچي
عاتبته چي طگ الضلع


كلش عتگ صبري
بيدي ادفنت گلبي

فاطمه شلون جبتچ عل گبر...


4______________________________

شما اطب للبيت ابچي
ياهو يتلگاني فاطم مني راحت

يركض حسين اويگلي
امنه ما ترجع بعد بلماضي صارت

تعود اعلل فرگه بويه
فاطمه بنص الگلب بس بويه ماتت


بحساسي بس ضيم الهجر
فراگ المحب يكسر كسر
حرز السمه بنص الترب
تاخذني شوغات السهر


عيني دمع صبي
بيدي ادفنت گلبي

فاطمه شلون جبتچ عل گبر...


5______________________________

✍️محسن الباوي

اللهم عجل لوليك الفرج
___________________________________
https://t.center/muhseen0

لحن القصيده👇👇

بعد رحلة السبي ترجع مولاتي زينب(ص)لگبر اخوها الحسين(ص) وتشكيلة الصار وياها تگعد يم گبرة وتگلة…



اجيتك والدمع مطبوع_بعيوني بعيوني
اجيتك فاگدة الراي…

يم گبرك طحت مشتاگة_للخوة للخوة
زينب تعبت هواي…

وصلتك؟ بس لچن ياخوية_اعذرني اعذرني
رقية ماكو وياي…


رديتلك وشلون ردة
ماتن بناتك وحدة وحدة
رديتلك مو ذيچة زينب
مكسور گلبي صار مدة


ميتة من رديت…خوية
لشوفتك حنيت…خوية
منّ التعب مليت…خوية انة زينب…


انة زينب يخوية يخوية يخوية

______________________________________

وصلتك والهضم ماخذني_ياخوية ياخوية
اجيت اشكيلك الصار…

ما بيهم محنهّ الناس_أذوني أذوني
جروحي كلش اكبار…

ما ترهملي فوگ الناگة_مچتوفة مچتوفة
بچفي احبال تندار…


رديتلك؟ وجروحي كلفات
ياشامهم وگفني ساعات
رديتلك؟ وحبال وياي
ياخدري الخلص حرامات


انة شفت الموت…خوية
ودمعتي تابوت…خوية
حسرتي بسكوت…خوية انة زينب…


انة زينب يخوية يخوية يخوية

___________________________________

كل ساعه التفت هلبت_تردولي تردولي
كتلني الشوگ يحسين…

خلصت الدرب بلگوة_ما يگضي ما يگضي
درب الغربه موزين…

ماهمني الدرب كل همي_لفراگك لفراگك
غيابك تارس العين…


رديتلك؟ ماشايفة النوم
ألضيم رافگني كل يووم
رديتلك؟ ولحيل خلصان
وگليبي ياخوية ملچوم


بية زاد الشوگ…خوية
جفني ما مطبوگ…خوية
گلبي ضل محروگ…خوية


انة زينب يخوية يخوية يخوية

__________________________________

مو نفسة الضعن ياخوية_ردينة ردينة
كلشي تغير وراح…

چم طفلة دفنت بلشام_ذبلانة ذبلانة
بعد شلون ارتاح…

علي لسجاد بدموعة_يحاچيني يحاچيني
ولگبرك حزن طاح…


رديتلك؟ ماهي رقية
لا؟خوله ولاكو صفية
رديتلك؟ بيدي أدفنتهن
والحسره مبينة علية


شلون ارد للبيت…خوية
حيره وحتاريت…خوية
بحسرتي ضليت…خوية انة زينب…


انة زينب يخوية يخوية يخوية

___________________________________

✍️محسن الباوي

اللهم عجل لوليك الفرج
___________________________________
https://t.center/muhseen0

لحن القصيدة👇👇

عزيزة قلب الحسين مولاتي رقية(صلوات الله عليها)
تحاچي ابوها وتشتكيلة تتمنة وتتحسر مولاتي رقية وتگول…


ترفة بحچايةّ انكتل
چفي مو مالت حبل
انة بلماي؟ انجرح مو سلسلة…

ماعرف؟ شنهي اليسر
ولاعرف؟ معنى القصر
انة بت عزّ ودلال مدللة…


لو بدية…بحضني راسك مو رمح؟
لو بدية…بيدي اشربك لو تصح
لو بدية…ترد الي مااااااا منذبح


متموت عطشان يبرد دليلك
وركاض اشبگك تحضني بيدك
هيچ اامنياتي بوية وجيلك


ويلاه يبوية ويلاه…
____________________________

باگت احلامي الهزل
لشام ما يرحم طفل
الذَبح والينة يحدي القافلة…

عيونك الحلوة ردت
من اطيحن؟ تلتفت
لشام ما بية بعد اتحملة…


لو بدية…أيدي بيدك؟ مو حبل
لو بدية…بحضنك اگعد مو هزل
لو بدية…للسبي كون الگة حل


غير انة بنتك بوية الحبيبة
انة رقية وصرت الغريبة
الشام لكسرني وادم عجيبة


ويلاه يبوية ويلاه…

____________________________

بوية من شوگي متت
شفت راسك؟ما عشت
لفرگتك ماني ابد متعلمة…

انة متعلمة اجيك
منْ بعيد تفك اديك
واغفة بحضانك يبوية ونايمة…


لو بدية…ما أشوفك بلطشت
لو بدية…هيچ موقف ما شفت
لو بدية…بابا يرجعلي گلت


واغفة بحنانك موش بخرابة
وكلساعّ اكلك بابا يبابة
گلبي برحيلك زايد عذابة


ويلاه يبوية ويلاه…

____________________________

هاذة ابوي انتة الحنين
شصاير بحالك حسين
حگي يابوية علة عيونك اموت…

أل عمتي زينب اروح
منّ لتعب ماعدنة روح
عمة مخنوگ لهوة بريتي يفوت…


لو بدية…ما اجي لدرب اليسر
لو بدية…عمتي ما تدخل قصر
لو بدية…لچن مو بيدي الأمر


بلشام ماتت كلّ الضعينة
شگد ردنة چفك يلزم ادينة
ضعنة بغيابك بوية انسبينة


ويلاه يبوية ويلاه…

____________________________

✍️محسن الباوي

اللهم عجل لوليك الفرج
___________________________
https://t.center/muhseen0

لحن القصيدة 👇👇

بداية رحيل مولاتي زينب(صلوات الله عليها)
الى طريق السبي،،تسولف مولاتي لحضات الوداع وي اخوتها من جابو نوگ الهزل والغربة وتگول…



أول خطوة لمن عنكم اخذوني
ماردتة؟ وداعي يصير بعيوني
فرق بين الوداع؟ بهزلة تاليتة
وفرق لمن طلعتي بكافل ضعوني


جيت بمهابة__وبنص اخوتي__يگضي الدرب
متعلمة يمي__كافل خيامي__يشوفة الگلب
ما أدري وكتي_من فيّ كفيلي__امشي بغرب


امشي غريبة واااانة العقيلة
لا مو مقامي اصعد هزيلة
حرگولي گلبي وكبرت غربتي
ألمن اروحن ياهو اشتكيلة


زينب ياغريبة…زينب ياغربية…

____________________________

انا لمحد عرفني؟وتالي عرفوني
زينب عل هزل گامو يصيحوني
مرات الذبح مو سيف؟ بلچلمة!
من صاحو غريبة ااانة موتوني


چلمة غريبة__ذبحتلي حيلي__فوگ الهزل
أيد الأميرة__يلزمها كافل__مو للحبل!
كلشي تغيرّ__ذيچ المهابة__صارت قبل


ذيچ المهابة لچانت علية
مني؟ خذتها چلمة سبية
معقولة انة هيچي مصيري
تعبانة امشي وحبلي بدية


زينب ياغريبة…زينب ياغريبة…

___________________________

حتى امن البچي بلشام منعوني
اريد انعى هلي بس ما يخلوني
بترابة نومتي ماترهم لزينب
بخرابة مضلمة بلشام گعدوني


وسط الخرابة__انعة اخوتي__وابچي شكثر
مو شاني ولله__امشي سبية__بدرب اليسر
يلچمني گلبي__بهاية المصيبة__طَبتّ القصر


أدخل قصرهم هاية المصيبة
اااااانة الگضتني چلمةّ غريبة
بت حيدر انة وصعبه علية
صاحولي باسمي ولله عجيبة


زينب ياغريبة…زينب ياغريبة…

___________________________

اجت كلّ العشاير حيل هضمتني
خذتّ نسوانها بس انة!! خلتني
أدير عيوني ألمن ماهم اخواني
مو سهلة غربتي حيل موتتني


الغربه چبيرة__وانة وحيدة__أهلي ردت
محد رحمني__ضايع دلالي__بروحي حرت
انة الحبيبة__چنت بخيامي__وهسة متت


بعيوني ضلت حسره چبيرة
امشي ويوادم ماعدها غيرة
كلفة مشيتي الحداية غربة
تهضم دليلي چلمةّ أسيرة


زينب ياغريبة…زينب ياغريبة…

____________________________

✍️محسن الباوي

اللهم عجل لوليك الفرج

__________________________
https://t.center/muhseen0

لحن القصيدة 👇👇

مولاي صاحب الزمان(عج) بين غربة العقيلة زينب(ع) وغربة مولانا سيد الشهداء(ع)…


شلون__عمتي غريبة شلون
هاذا الجرح ميهون__صوت المدامع علة

نار__أخذت خيمها النار
وصار الخدر محتار__ودرب الحرم بلفلة


(تشكي لمولاي صاحب الزمان(عج) وتگلة..)
الخوة شحلات الخوة
منها بعد حرموني…
شفتة وخنگني فراگة
جابو هزل يسبوني…
خلوني أودعة وأمشي
لحسين ادير اعيوني…


وداع حسيني
صار بعيني
بينة وبيني…فوگ النوگ

تبدي الغربة
الشام ودربة
كلفة وصعبة…طبتّ السوگ


اااه واويلاه…

______________________________________

الشام__شالعلي گلبي الشام
كل خطوة دربة بعام__عماتي وسفة انسبن

دمّ__حگي دموعي دمّ
موتني هذا الهم__من الهوة يستحن


زينب أسمها تغيرّ
صاحو غريبة وراحت…
چبيرة غدتّ تعبانة
چم مرة زينب طاحت…
هاي الگبل مهيوبة
ماتت اهلها وماتت…


تعبت زينب
ضلت تنحب
جمره وتلهب…ااااا يلشام

عمتي بهزلة
الشام شخلة
شامت كلة…وبس ألالام


اااه واويلاه…

__________________________________

(ينعى جده الحسين(ع) يوم العاشر ويگول..)

طاح__فوگ الترايب طاح
ضامي ويزينب صاح__گربّ يخوية الذبح

الگوم__لذبحة تريد الگوم
يدير النضر ملچوم__لخيامة محد يصح


أذتة شمسّ الحومة
وطبع الشمس حراگة…
يلوج بعذابة وضيمة
مالة بعد كل طاگة…
وزادت جروحة لزينب
صاحت ألة مشتاگة…


جرح العاشر
يكسر خاطر
ماضل ناصر…ضيم الصار

ابن الزهرة
الخيل تعبرة
هضمه وكسرة…ضل محتار


اااه واويلاه…

__________________________________

ماي__كلما اشوفة الماي
يبچيني حزنة هواي__كاتلني جرح العطش

مات__حسين وبقة عطشان
وماصح ألة دفااان___ماصحلة حتى النعش


ماكو نعش ويلمة
كلش چبيرة جروحة…
معقولة ابن الزهرة
وحدة يحير بروحة…
ماتت بعد خوانة
كلها غدتّ مذبوحة…


يوْمي بچفه
ومشتد نزفه
كلش كلفه…ضل مذبوح

تغير لونة
لحلوة عيونة
مامش عونة…شگد مجروح

اااه واويلاه…
___________________________________

اللهم عجل لوليك الفرج

✍️محسن الباوي
__________________________________
https://t.center/muhseen0

لحن القصيدة👇👇

رحلة الشام وطريق السبي والمصائب💔
مولاتي العقيلة(صلوات الله عليها)
تسولف حزنها وتگول…



الف بيت الشام بيهة وانة گعدوني بخرابة
شما تهود لحضة عيني يعرض العاشر عذابة
يم اخوتي چنت أميرة وهسة انامن علترابة


يموت الماتت اخوانة
اجيت اهواي تعبانة
خدري مو سبي مچانة…

وانة؟ بحزني علناگة
اصيحن يهلي مشتاگة
حسين يموتّ فراگة…


هاية زينب…تموت هاي الحچاية
گالو أسمي…وطاحت دمعتي هواية
شلون بية….بضعني الغربة حداية


اه زينب..غريبة زينب

____________________________

جبت عمري بنص اخوتي ماسمعت حچاية تجرح
امن الصبح هسة اسيره بناگه هزله اعيوني افتح
چنت ألمح عين اخوتي وبلرمح تاليها ألمح


اصدن علرمح گوه؟؟
وضل اشتاگ للخوه
يادرب اليسر بلوه…

چنت بعيون عباسي
ولا مره نزل راسي
راح وراحت انفاسي…


روحي ماتت…غريبة صارت اضعوني
انة ميتة…يوم اخواني عافوني
ماهي سهلة…اصد ارماح بعيوني


اه زينب..غريبة زينب

___________________________

مو ألي الناگه الهزيله ها يروحي شويه هيدي
راح اموتن من عذابي ولله كلفه احبالي بيدي
ماگدرت اچفوفي اشيلن تعباني اهواي گيدي


چم مره انشلع گلبي
ولله ماشفت دربي
بعد ماشوف من تعبي….

حلوه الخوه ياوادم
وينك ياكمر هاشم
عفتك علترب نايم…


گضت روحي…صاير دمعي تابوتي
متت سكتة…من يوم الطلع صوتي
اعيش ألمن…نذبحت مابقت خوتي


اه زينب..غريبة زينب

___________________________

لحگو زينبكم غريبة هاية وادم موش أهلنة
هاية وادم غربة كلها؟ وكلها ما بيهم محنة
بسوگ دخلوني غريبة الحادي ياخذنة ويردنة


بعد مالي ابد چلمة
هسه بدمعي متحزمة
بهزلة ماني متعلمة…

روحي بلسبي حتارت
چم طفلة وطفل ماتت
وين بيا زمن صارت…


فوگ تعبي…حيلّ الغربه أذتني
ضاع خدري…بناگه هزله وْدتني
گضو اهلچ؟…هاي الگلمه موتتني


اه زينب..غريبة زينب

___________________________

خادم الزهراء ص

✍️محسن الباوي
___________________________
https://t.center/muhseen0

لحن القصيدة 👇👇