On the moon

Бу дунёда ўлимдан бошқаси ёлғон.

@moonabsurd

)
кеча келган аноним хабарлардан 3тасини қолдираман:

- Kuzlab ketyapman . . qishda)

- Miyezda xar xil kichkina kichkina xashoratlar tinmi yugurvotganga oxshamidimi?

- Rejissor faqat erkaklar boʻladi deb oʻylardim

@moonabsurd

Если нечего сказать — лучше помолчи,
И от глупости тебя тишина спасёт.
Выпадало выбирать мне не по совести..
Снегом замело пути, вот и всё…всё.
Виноваты-правы мы — кто рассудит?
Всех расставил по местам автор судеб.

Знает, как дотла гореть, только пепел.

@moonabsurd

- Ойи, менимча сиз кофени мендан кўпроқ яхши кўрасиз.
- Ахмоқона гапларни гапирма, Американобек.

@moonabsurd

- сен тушларимга ишга кириб олдингми?

@moonabsurd

«Эрталаб, тунда қилиб қўйган ишларимизга афсусланамиз» деб ёзардим, лекин ярашди :)

Премиум контент сизларга

@moonabsurd

Январь, 6. 23:13

Шахматни фалсафасини яхши кўраман. Хақиқатдан хам зўр. Хар ўйнаганимда бутун хаётга тепадан қараётганимдек хис қиламан. Тушунтираман:

Шахмат - бу ҳаётнинг тахтадаги акси. Пешкалар олдинга қадам ташлайди, биринчи бўлиб қурбон бўлади, ўзидан юқориларни, тепадагиларни ҳимоя қилиш учун. Лекин фақат барча тўсиқларни енгиб ўтганидан кейин улардан бири, айнан пешкалардан бири ферзга айланиши мумкин - ўйинни ўзгартира оладиган ягона кучга..

Шоҳ, худди ҳокимият рамзига ўхшайди, лекин аслида ҳақиқий кучи йўқ. Унинг ҳаёти фақат унинг хавфсизлиги йўлида ўлишга тайёр бўлганлар эвазига давом этади. У яширинади, секин ҳаракат қилади, лекин уни йўқотиш - ҳамманинг охири. Унинг қудрати фақатгина бошқалар уни ҳимоя қилиш учун ўзини фидо қилганича мавжуд бўлиб туради.

Урш бошланишдан аввал эса иккала халқ хам бир хил кучга эга эди. Шунча-ки бири оқ, иккинчиси қора.

Ҳар бир қадам - ҳисоб-китоб ва хавф. Стратегия қурбонликларда қурилади. Ўйин, ҳаракатланадиган фигуралар бор экан, давом этади. Иккита тараф бир бирларини еб битирмагунча.

Охирида эса…
Ўйин тугагандан сўнг хамма фигуралар битта қутига тушади.

Кайф )

@moonabsurd

- ўзинглар ёмонсизлар.
(с) Об-хаво

@moonabsurd

бу ер,
бу осмон,
бу денгиз -
менинг масканим.
@moonabsurd

хузур бер менга.

@moonabsurd

04:28.

00:03 – Эртага ҳам съёмка бор эди, Мунис. – режиссёрнинг ассистенти чиқиб кетаётганимда ортимдан шошиб айтишга улгурди.

Гапи томоғига тиқилганидан қўпол овози ингичга бўлиб қолди. Жуда уялиб гапираётгани сезилиб турипти, чунки соат 00:00дан ошди, чарчаганман, мазза қилиб дам оламан деганимда шу хабарни эндигина айтяпти.

Биламан, айб унда хам йўқ, у хам итдек чарчаган. Нега энди итдек?Шунча-ки юртимизни съёмкаларида ишлайдиган оддий одамдек чарчаган. Ах, ха, тўғри…итдек.

Хуллас, менга бу хабар ёқмаганини билдирмасликка ҳаракат қилдим. Ўзи съёмкаларда конфликт чиқарувчи одамлардан эмасман. Шу феълим учун ҳам продакшнлар мен билан ишлашни яхши кўришади. Улар мени профессионал деб ўйлашади, аслида эса шунчаки ўзимни ҳар қандай низога сарфлашни ёқтирмайман.
Бироқ ишдаги тартибсизлик ва нотўғри кетаётган системани кўрсам, жим туришни ёмон кўраман. Буни ҳамма биларди.

Ўша ингичка овоз билан, кўзлари умид билан мўлтираб, режиссёрнинг ассистенти ҳалигача ёнимда турибди.
Мен чуқур нафас олдим. Байрам яқинлашиб қолганини эсладим. Яна 1-2 сум ишлаб олсам, ёмон бўлмасди.
– Хўп, майли, кўришамиз, – дедим-да, кетдим.

Мана, бир йилдан бери давом этаётган проектим ҳам якунига етиб қолди.
Таксида уйга қайтаётганимда, бугунги кун ҳақида ўйлаб кетдим:

Сўнгги съёмка кунлари бўлгани учун ҳамма бир-бирига самимий сўзлар гапирди.
Бу худди уруш тугаганда аскарлар ўз юртига тарқалишидан олдин, тирик қолган шерикларига бирга босиб ўтган йўллари ҳақида сўнгги сўзларини айтишга ўхшарди.
Ҳар хил сўзлар эшитдим… партнёрларимдан, устозларимдан, ҳамкасбларимдан. Албатта, ҳаммаси самимий, ёқимли.
Энг ёдимда қолгани:
– Сен режиссёрсан. Менга сени фильмларингда чиқиш насиб қилсин.

Мухими гапнинг ўзида эмас, уни қандай айтилганида. Паузалар билан…Ишонч билан…Буни дарҳол ҳис қиласан.

Албатта, режиссёрлигимни ўзим ҳам биламан. Лекин онамнинг қорнидан тушган пайтларимда экранларнинг юлдузи бўлган одам, энди сенга оқара бошлаган сочлари билан тик қараб: “Фильмларингда роль ижро қилишни истайман,” деса…
Бу ғурурланиш учун эмас…тўхтамаслик учун мотивация.

Менда бўлди. Эрталаб съёмкам бор. Хайр.

@moonabsurd

“Ўтмишинг билан яшама” деган гап мен томонга тушди.

Ўтмишинг. билан. яшама.

Тасаввур қилинг, мен ўтмишсиз яшаяпман. Умуман ўтмишсиз. Мендан уни олиб қўйишди. Йўқ энди у.
Мендан нима қолади? Ўша Мунис қоладими?
Ахир биз ўтмишимиз билан тикланмаймизми? Ўша қилинган хатоларимиз, ўтган йўлларимиз, керак бўлса травмаларимиз билан “мен” бўлмаймизми?
Қанақасига ўтмишим билан яшамайман, агар хатто энди тўғилган чақалоқ хам оқ вароқдек келмаса? У хам ўзининг ўтмиши билан келса?
Қанчалик аччиқ бўлмасин,
инсон ўтмиши билан бир бутун.

Майли,
Ўзи бу хаёллар 00:00 дан кейин келиши керак эди миямга, негадир обеддан бошланди.
Хуллас:
Мени мендан сўраманглар.
Ўзим хам билмайман. .


@moonabsurd

кел, 3 дақиқага дунёни ишларидан чалғитай сени.

@moonabsurd

02:15

бу чехолни рухимга яқин дўстим бир пайтлар учиб кетишидан аввал совға қилганди. Ўшандан бери уни алмаштирганим йўқ. Чунки чуқур маъно юклаб қўйганман бу чехолга. Лекин қизиғи шундаки, бу туҳфа кимгадир боғлиқ эканлиги учун эмас, чехолдаги иллюстрацияни ўзимча хис қилиб тахлил қилганим учун.
Тушунтираман, мен учун қанақа маънони билдиради:

- Қачон юрагинг билан дўстлашсанг, шундагина у гуллайди.

Мен ўзим билан ўзим жуда кўп курашаман, ва шу дақиқаларда чехолимга кўзим тушади, (телефон эса хозирги вақтда доим ёнимизда) гўё юрагим менга тинчлан, дегандек таскин беради.


Ғалати, а?

@moonabsurd

Дунё эрияпти.

@moonabsurd

мани болам кутубхонаси йўқ уйда тўғилмайди.

@moonabsurd

Ғалати туйғу, а:
инсонни ўзидан воз кечоласан-у, уни эслатадиган қўшиқлардан эса йўқ :)

@moonabsurd

Декабрь, 18. 2024

Баъзан ўйлаб қоламан,
ўз сўзларимда нима учун шунчалик қатъий тураман? Нега айтиб қўйган гапимни амалга ошириш мен учун бунчалик муҳим?
Балки сабаб, ҳаётимда хеч қачон қилмаслигим ёки қилишни истамаслигим мумкин бўлган нарсаларни ўйлашдан қўрқишимдадир.
Тушунтириб бераман:

Мен Олий Қудратга, Оламга, Коинотга ишонаман… Ҳар бир фикримиз кучли хабар эканига ишонаман. Фикр пайдо бўлди — демак, у аллақачон яшаяпти, нафас оляпти. Ҳатто уни амалда қилмасам ҳам, фикрнинг ўзи дунёда из қолдириши ва Оламни ўзгартириши мумкин. Ғалати-а?
Шунинг учун нафратга, ҳасадга ёки қасосга хатто хаёл билан хам ёндашишдан ўзимни олиб қочаман. Бу сояни на ўз қалбимга, на атрофимдаги маконга киритишни истамайман. Албатта, хар доим хам ўхшамайди.

Эҳтимол, тушунишингиз учун, бу Зардуштийлик фалсафасининг ғояларини акс эттиради, у ерда фикр, сўз ва амал — ягонадир. У ерда ҳақиқат ва нур (аша) ҳамма нарсанинг асоси бўлиши керак дейилади. Агар фикр тоза бўлмаса, ҳаракат қандай тоза бўлиши мумкин?

Шунда савол туғилади: биз фақатгина ўйлаганимиз орқали нима ишлар қилиб қўйганимизни биламизми? Ичимизда қандай Олам яратилаяпти? Ёки биз бу оламни нимага айлантиряпмиз?

Кант немис фалсафасида шундай дейди: ахлоқ бизда бошланади, ўзимиз ва дунё олдидаги бурчимизда. Фазилат — бу танлов.

Балки…Бизга зарар келтирадиган нарсалар ҳақида ўйламаслик осонроқ эмасми? Осонроқ эмас албатта, энг қийини шу бўлса керак ўзи))

Мен Яратувчи фикрни танлайман. (харакат қиламан)
Айтган сўзимни амалга ошираман. (харакат қиляпман)
Амал қилганимни эса аввал ўйлаб оламан. (баъзида ўхшамайди)
Мен сўзларни хавога учирмайман. (ёмғир бир-бир ювиб кетмаса агар)

Сенчи? Онгинг билан ёлғиз қолганингда нима ҳақида ўйлайсан? Масалан эрталаб 7да? Фикрларинг қандай Оламни яратяпти? Хайирли тонг.)

@moonabsurd

- Хм…Юрагинг парчаландими?
- Ие, қанақа қилиб йўқ юрак парчаланади? Бўладиган ишни гапиргин, юр кофе ичамиз.

@moonabsurd

мусиқани ўзидан маст бўлишни ўргатаман. алкогольга йўқ денг, курсларимга ёзилинг. қиммат.
:)

@moonabsurd