1000KITOB qanday loyiha⁉️ Ijtimoiy tarmoq foydalanuvchilari loyiha maqsadi va faoliyatiga doir savollar bermoqda. Shuning uchun loyiha haqida qisqacha maʼlumot berishni lozim topdik. 1000KITOB — Oʻzbekiston Respublikasi Prezidentining 380-sonli qaroriga asosan xorijiy tillardagi eng sara darsliklar, ilmiy-ommabop va badiiy asarlarni o‘zbek tiliga tarjima qilish va chop etish loyihasi. Loyiha doirasida 2024-yilda 50 nomdagi kitobni oʻzbek tiliga oʻgirish va chop etish rejalashtirilgan. Yoshlar ishlari agentligida loyiha ishlarini yuritish uchun jamoa (loyiha ofisi) tashkil qilingan. Shuningdek, Oʻzbekistondagi oʻz sohasining yetakchi mutaxassislaridan iborat ekspertlar guruhi ham tuzilgan. (Guruh aʼzolari keyingi postlarimizda batafsil eʼlon qilinadi). Ekspertlar tanlagan 50 nomdagi kitob tarjimasi uchun mualliflik huquqlarini loyiha ofisi Yoshlar ishlari agentligi nomiga xarid qiladi. Soʻng kitoblar tender asosida noshirlarga taqdim etiladi. Ularning tarjima va nashr sifatini loyiha jamoasi hamda ekspertlar guruhi nazorat qiladi. Hozirda tarjima uchun mualliflik huquqlarini xarid qilish boʻyicha muzokaralar hamda potensial hamkor noshirlarni oʻrganish jarayoni kechmoqda. Loyihaga doir yangiliklardan xabardor boʻlish uchun 1000KITOBning ijtimoiy tarmoqlardagi sahifalarini kuzatib boring: Telegram | Facebook | Instagram | YouTube