⏺Палата спикері Ерлан Қошановтың төрағалығымен Мәжіліс Бюросының отырысы өтіп, алдағы жалпы отырыстың күн тәртібінің жобасы нақтыланды. Депутаттар ҚР Су кодексінің жобасын және су ресурстарын қорғау мен пайдалану мәселелері бойынша ілеспе түзетулерді бірінші оқылымда қарайды. Құжат Мемлекет басшысының тапсырмасына сәйкес климаттың өзгеруі мен көршілес мемлекеттердің саясатын ескере отырып, су заңнамасын жетілдіру мақсатымен әзірленген. Кодекс жобасының негізгі ережелері еліміздің су әлеуетін сақтау және оны тиімді пайдалану үшін су ресурстарын қорғаудың басымдығын қамтамасыз етеді. Суды пайдалану лимиттерін анықтау тетігі қайта қаралды. Ол экологиялық ағынды суды анықтағаннан кейін қалған судың көлемі шегінде есептелетін болады. Ілеспе заң жобасында 5 кодекс пен 9 заңға өзгерістер мен толықтырулар енгізіледі. Бұдан бөлек, депутаттар халықаралық келісімдерді ратификациялауға қатысты бірқатар заң жобаларын қарап, жұмысқа алады. Толығырақ parlam.kz сайтында. https://t.center/mazhilis_kz