Bir necha kundan buyon ijtimoiy tarmoqlarda 1000 kitob bo‘yicha turli bahs-munozaralar urchigandan-urchiyapti. Hozir loyiha nomiga qarab, kitob bo‘yicha bahslar ham nihoyat bizda avj olyapti ekan deb o‘ylashingiz mumkin. Ammo munozaralar kitoblar ustida emas, loyiha tashkilotchilari orasida kechyapti. Mayli, kim haq, kim nohaq unisidan xabarim yo‘q. Chunki loyiha qaynayotgan qozonga yaqin ham yo‘lamaganman. Ammo men 1000 kitobdagi dastlabki 50 kitob haqida yana ham kengroq ma’lumotlar bo‘lishini, bahs-munozara bo‘lsa ham aynan shular atrofida bo‘lishini xohlagandim. Nega aynan shu 50 ta kitob tanlandi dastlab, qaysi kategoriyalar bo‘yicha tanlangan edi? Keyingi yilgi kitoblar rejasi qanaqa bo‘lishi kerak? Nega uni o‘tirib olib muhokama qilmayapmiz? Xullas, fokus boshqa tomonga burilib ketdi. Biz uchun bu narsalar tezroq yakunlanib, kutilayotgan 50 ta kitob tezroq nashr etilishi muhim. Loyiha kanali esa kitoblar haqida yana bir bor ma’lumot berib o‘tibdi. Shuni o‘qib turamiz, hozircha. @marufjonblogi