View in Telegram
* * *
Бир бор ёлғон айтсанг кечирар Аллоҳ,
Айт, нимаси ёмон мен ўлмай қолсам.
Биргина сўзингдан топгуси паноҳ,
Яшаши керакку қанотсиз қуш ҳам!
Ёлғон бўлса ҳам айт, соғиндим деб айт,
Фақат севмаганман, кет мендан дема!
Сен менга ҳаводан зарурроқ бир пайт,
Бахти йўқ инсоннинг гуноҳи нима?
Менга дунёларни бергин демасман,
Биздек ёт эмаслар бегоналар ҳам.
Одамдек яшашга лойиқ эмасми,
Ишқдан абгор бўлган бечоралар ҳам.
Умримда шундай бир лаҳза бўлсайди,
Жондан ўтмай қўйса борки хўрликлар.
Худони ҳаммадан кўпроқ эслайди,
Севиб, севилмайин қолган шўрликлар!
Сендан нима кетди, бир илтифот эт,
Ўша ёлғон сўзни бир бор айтақол.
Тирик қолишимга боис бўлиб кет,
Ўлмай қолишимга сабаб бўлиб қол!
Малика Тавфиқ
✅Яхшилик учун яқинларингизга ҳам улашинг ❗️
┄┄┅┅✿🍃❀❤️❀🍃✿┅┅┄┄
💝 𝐌𝐀𝐍𝐎𝐋𝐈 𝐔𝐌𝐑 – Ма'ноли - Ва Ибратли Канал ✅
Love Center - Dating, Friends & Matches, NY, LA, Dubai, Global
Find friends or serious relationships easily