Дийдорлашиб турайлик дўстим.Тўйиб суҳбат қурайлик дўстим,
Бирга давр сурайлик дўстим.
Кўринмайсан, йўқ бўлиб кетма,
Дийдорлашиб турайлик дўстим.
Бу дунёдан чарчасак ҳориб,
Гаплашайлик кўнгилни ёриб.
Йиғилишиб бир жойга бориб,
Дийдорлашиб турайлик дўстим.
Ўтар умр, ўтар ёз қишлар,
Сира тугаб кетмаскан ишлар.
Аҳир бир гап бўлар ташвишлар,
Дийдорлашиб турайлик дўстим.
Четда юриб келсанг йилда сан,
Аммо доим номи тилдасан.
Кўнгилдасан ўзинг дилдасан,
Дийдорлашиб турайлик дўстим.
Бирга ўсдик ёш бола эдим,
Бир товоқдан бирга ош едим.
Сени Аллоҳ учун дўст дедим,
Дийдорлашиб турайлик дўстим.
Майли жигар ҳафтада ойда,
Фарқиси ҳўқ қай вақт, қай жойда.
Меҳр кўзда, оқибат фойда,
Дийдорлашиб турайлик дўстим.
Яхши ёмон ёмғир қоринга,
Ўзим дастак бўлай коринга.
Доим шукр дейман боринга,
Дийдорлашиб турайлик дўстим.
✍ Одилбек Қодиров
✅Яхшилик учун яқинларингизга ҳам улашинг ❗️
┄┄┅┅✿🍃❀❤️❀🍃✿┅┅┄┄
💝 𝐌𝐀𝐍𝐎𝐋𝐈 𝐔𝐌𝐑 – Ма'ноли - Ва Ибратли Канал ✅
