قناة خطباء المنبر الحسيني للقصائد

#طور_الفراق
#لحن مستهل يبوفاضل طيحت إيدك مو وقتها



وينه وينه    الشايل أحزان البريه
وينه وينه    الياخذ  بثار  الزكيّه
وينه وينه    لهسه تنتظره السبيّه
وينه وينه ...

آيمهدي    عاشق  وحلمي  أشوفك
آيمهدي    يمتى تحضرني واطوفك
آيمهدي    شوقي  قَبّلها  كفوفك
آيمهدي ...


بإنتظاره     قلبي متروس بحسرته
بإنتظاره     دمعي  بخدودي حَفرته
بإنتظاره    حزني للملقىَ نشرته
بإنتظاره ...



🖊خادمة أبي الفضل

#شهادة_الإمام_الحسن_العسكري ع
#طور_أمك_إجيت_انه (للشيخ محمد درويش)
#لسان حال الإمام العسكري ع ووصيته لولده الإمام المهدي عج



يوليدي يالمهدي  ..  هاك إسمع اوصيّه
خَلّ دمْعَك ال بالعين  ..  للداسه أعوجيّه
ونحره دِماه تسِيل .. فوق السَّمهريّه
وجِسمه التِوذر حيل  .. بسيوف آل اميّه


وونِّينَك  لعَمتَك  ..  ام الخِدر والصّون
التتستّر بِديها  ..  وال توجعها المتون
والصِعدَت الهِزَل  ..  والعسكر ايْنْظرون
تنشد يا ولياني  ..  أمشي بسبي تِدرون


خلّ الدّمع ميزاب  ..  للعمه والإيتام
بيهن حدىَ الذّباح .. حد ما وصل للشام
ومن دَخْلَن الديوان .. ما فزعت الأعمام
لو حاضر انت هناك .. وامحضّر الصمصام

ولا تنسى ام حسين  ..  ماتت من العَصره
ومن عصرِةَ الملعون  ..  صاب الصدر كَسره
نفس الهجم عالدار  ..  خلّ الخيّم جمره
ومحسنها لمن طاح  ..  عبدالله طرّ نحره


🖊خادمة ابي الفضل

#طور_الفراق
#لسان حال السيدة الزهراء ع تنعي المحسن ع:


▪︎...تروي مولاتنا الزهراء ع :


*الزهراء عليها السلام تروي ما جرى عليها من العذابات !!!!*

عن السيدة الزهراء (ع):

*.... وركل الباب برجله، فرده علي وأنا حامل فسقطت لوجهي، والنار تسعر وتسفع وجهي، فضربني بيده حتى انتثر قرطي من أذني، وجائني المخاض، فأسقطت محسنا قتيلا بغير جرم.*



آيمحسن      انتَ يا  اول مصابي
آيمحسن      الشاهد انتَ اعلى عذابي
آيمحسن       صبغت دمومك ثيابي


يالعفتني    بساعة الظالم إجاني
يالعفتني    اتحسر ابفقدك  اعاني
يالعفتني    إشتاقك ابكل الثواني


ياجنيني    موتتك فجعت دليلي
ياجنيني    طيحتك هدّتلي حيلي
ياجنيني     روح للجنة اندعيلي


آ يمحسن    يبني ماشفت الولادة
آيمحسن     لا نمت فوك الوسادة
آيمحسن     قبل لاتولد شهادة



يا محسن نفسي أريد احكيلك
ضلعي ما انعاه راح انعيلك
فكري اشوفن زينب تلوليلِك
يالرِحت مني قبل ما اشيلك


✍  الشاعرة زينب الخفاجي
✍  خادمة أبي الفضل

لعن الله ظالميك يا فاطمة
#اطوار_مختلفه
#هجوم_ الدار
#لسان حال الأمام الحسين ع عندما نظر إلى مصيبة أمه الزهراء ع وقد ترائت له مصيبة كربلاء: 



لفى عاشور بضلوعي  .. من هَجموا أيا زهره
ومِن شعلوا عليك النّار  .. خيامي اتوجَرت جمره
طفوفي مرّت اقبالي  .. كل صوره تِشب حسره
فدوه لكل ضلع بيكِ  ..  ودليلي عليكِ شو يصبره

#ليش سيدي اباعبدالله!!!

صوت أضلاعِك اسمعها  .. وهِي تتكسر بعصره
لن يدي على صدري  .. وحس بيّه انا الكسره
ودِماكِ السالت اعلى القاع .. لإبنك تصبغ ابنحره
وحزني بطيحتك يُمّه  .. ابد ما يوم بعد يبرى


#وبعد مولاي يا اباعبدالله ما الذي تراه وتسمعه اذا جنّ الليل ؟؟؟

#طور_مختلف

بسواد الليل أفز واسمَع  ..  ونينك والألم معصور
وتِصد عيني على زينب  ..  تقبّل خدك المسطور
اسمالله عليك يا يُمّه  ..  وتمسح ع الصدر مكسور
وبحُرقتها همست لي .. مثلها حالَك بعاشور

#لحن جاوبني يا علي


يخويه ويش تقول
يل وارث البتول
بصدرك تجي الخيول
وتطحن إلك ضلوع


وقبل الطعن تشوف
اخو اتوذره السيوف
ومنه النظر خُسُوف
من هسه هِل دموع

#بعد إش قالت زينب روحي فداها

وهمست إله بأمر
بعد ذبح النحر
امشي انا  إبأسر
وقلبي إلَك يِلوع

✍خادمة ابي الفضل

آآه  ..  آآه 
تقله خويه خويه

صرنا يتامى ابلايه جدنه
منهو الذي يمسح دمعنه
وياهو الذي يضَمِد جرحنه
كسروا ياخو زينب گلبنه

امي حچت لي خوية امرين
عن سَم الحسن بيد الملاعين
وعن طف وسيوف ونار صوبين
وحچت لي عن عظُم يومك يالحسين


يگلها خويه يزينب يومي مَيهم
امصاب الضلع والمحسن اعظم
بكسر صدر امي احس گلبي تحطّم
احسبي اليوم مات احسين بالهم

✍الشاعرة زينب الخفاجي

#طور_الفايزي/ أومت_بديها
#هجوم_الدار
#حالة الزهراء ع عند الهجوم على باب دارها



تنشد أبوها وتِسْتِعذ من شر الاصحاب
وتدفع بديها بكل عزم صايط على الباب
تنادي تصيح من الألم محروق الحجاب
بنت النبي الزهرا أنه وأم الأطياب

دار الهدى دار الوحي ال هيه داري
جاها لعين ومارعى حملي و خماري
وبدفعته ضلعي انكسر وزيّد مراري
محسن جنيني سَقّطِت والدّمه جاري

اعظم مصيبة فتّت المُهجتي هاليوم
عيالي شفتهم والوجه منخطف مهموم
امهم يويلي مهشمه والوجه ملطوم
وحيدر يقيدونه بحبل ايردلي يا قيوم

#هنا الزهراء توجه خطابها لأمير المؤمنين
الله الله في صبرك يا ابالحسن :

انا الوديعه بذِمِتك حامي الحميّه
ومهجة فؤادك من بعد خير البريّه
عُذرك على راسي وأنه ادري الوصيّه
كلشي يهون لخاطرك وترد عليّه

#طور الفراق :

آيحيدر .. الظالم بكفه صفعني
آيحيدر ..  حالي يدري وبس هظمني
آيحيدر  .. ايمينه شُلت هالضربني

يجاوبها حيدر

روحي زهره  .. واجبة عليّه الوصيّه
روحي زهره  .. اصبر بضرب الزكيّه
روحي زهره  .. ايامي كلها فاطميّه


🖊خادمة أبي الفضل

#طور_يا_ابن_أمي_عالتربان
#تصوير_سؤال_الإمام المهدي عج لباب الزهراء ع





المهدي وأريد اخبار  بالفاطميّه
إروي يا باب اشصار لأمي الزكيّه
بعتبتها لون الدم إحكي القضيّه
أدري انزرع بسمار  للغاضريّه💔

#يجاوبه الباب:


الزهره اعلى باب الدار هجموا عليها
لاذت وراي اتصيح تِدفع بديها
جاني الرجس بالنار تِنده علِيها(علي)
اتخاف الحجاب ايطيح من يأذيها


خلوا الحطب عالباب إسمع وضعها
تبت يدّ الحطاب يا كف دفعها
هوّ اليقول الصار لكسره اِسمعتها
صاب الصدر مسمار إتهشم ضلعها

#جرى ما جرى إلى أن أخرجوا أمير المؤمنين من الدار ، قامت فاطمة تنظر وتنادي إين أمير المؤمنين ، واعليااااه .. واويلاااه !!!


إحتارت تدير العين تدوّر نظرها
وين الولي بو حسين نسيت كسِرها
كلش يهون مصاب حيدر جِبِرها
ركضت وراه بآه وقنفذ سطرها

طور الفراق

#وينه وينه .. تسأل عن علي ، تسأل عن إمام زمانها :

وينه وينه  ..  الخيمة اللي تفيّ عليّه
وينه وينه  ..  صاحت ودمعه جريه
وينه وينه  ..   دونه بتموت الزكيه

مالي غيره  .. يطيّب اجروحي وكسرتي
مالي غيره  .. بكفه يمسحلي عبرتي
مالي غيره   .. بفقده تتزايد حسرتي



🖊خادمة أبي الفضل

#طور_إسمع_عتابي
#الهجوم على دار السيدة الزهراء  ع
#لسان حال الزهراء ع



نار اعلى بابي
والزَم حِجابي
آ يا مُصابي
خانوا الوصيّه

بابي ادفعوها
بنار  احرَقوها
ضلوعي اعصِروها
وادفع بديّه

ل محسن عويلي
يا عيني سِيلي
هدّمُولي حِيلي
طِحَت بوطيّه


الحاقِد هِضَمني
مْنِبني حَرَمني( مْنِبني _ من إبني)
وقَنفُذْ  لِطَمني
اش أذى بيّه


نفس النّواصِب
بطفّ النّوايب
تِذبَح حبايب
في الغاضريّه


🖊️خادمة أبي الفضل

#رحيل_النبي_الأكرم_محمد ص
#طور_زينب_إجت_لحسينها
#تصوير شكوة الامام علي ع لرسول الله ص ع عندما هجموا على باب داره الشريف :




بنت الرسالة مألمه
و ونّة بُكاها للسِمه
امُة ما عِدها مرحمه (يا لأُمة السوء)
كسروا ضلوع الفاطمه

روحَك يا طه اتعذَبَت
مظلومة من عُقبك بُقَت
بعدك وسافه اتمرمَرت
حتى حَمِلها اسَقَطت

سَقّط حَمِلها هالنّذِل
يوم الدّخَل بيت العدل
وهيِه تنادي ابكل وجل
إلحق (علي) حِسّه الأجل

ضربوها تِدري عالوجِن
وجمره بخدود ام الحسن
ويلي على كِثر المِحن
ابدونك يا طه ابلا وطن

نار المخيم جُهِزت
يوم اعلى فاطم سُعِرت
وزينب يويلي اتروَعَت
سهام  النوايب سُدِدّت


🖊خادمة أبي الفضل

#رحيل_النبي_الأكرم_محمد ص
#طور_حضريني_يالزهره
#لحن_أمك_إجيت_انه (للشيخ محمد درويش)
#وداع السيدة فاطمة ع لأبيها رسول الله (ص)


لا تغمض اعيونك  .. خَلّ عينك بعيني
ما اتحمل افراقك  ..  يا بويه تدريني


قلبي يوّج جمره  ..  يا رحمة الباري
استوحش انا بعدك  ..  ودمعي يظل جاري
لو انظر افراشك  ..  خالي وسط داري
منين الصبر جِيبه  ..  وحدي لا تخليني


يا حسرة افراقك  ..  يا خيمة اللي تلمني
بوداعَك الليلة  ..  حال الحزن هدّني
خلني أموت اوياك  ..  وبلحدك اتضمني
متخوفه من باكر .. صَحبك اتأذيني


يا بنتي سِمعيني  .. خلي الصبر جلباب
الما تشبه الأصحاب .. عليك يدفعوا الباب
وضلعك يكسرونه  ..  ومحسن على الاعتاب
وحيدر يقيدونه  .. وبإسمي تناديني


" 💔أبه يا رسول اهكذا يفعل بإبنتك وحبيبتك من بعدك .."



🖊خادمة أبي الفضل

#رحيل_النبي_الأكرم_محمد ص
#طور_الفايزي /بحراني
#وصية الرسول الأكرم ص لإبنته السيدة الزهراء ع




▪︎....يا بنية! أنت المظلومة بعدي.. وأنت المستضعفة بعدي.. فمن آذاك قد آذاني، ، ومن برك فقد برني، ومن جفاك فقد جفاني، ومن وصَلَك فقد وصلني، ومن قطعك فقد قطعني، ومن أنصفك فقد أنصفني، ومن ظلمك فقد ظلمني، لأنك مني وأنا منك، وأنت بضعة مني، وروحي التي بين جنبي، إلى الله اشكو ظالميك يا فاطمة، وكأني برسول الله يخبر إبنته بما يجري عليها من بعده :


عندي وصية فاطمة قرّبي إليّه
بيها مصايب فادحة وكل الآذيّه

عذريني من احكي آنه ياروح ابوها
طبع البنت بعد الأبو يدللوها
بثالث رحيلي تنظري دارك يدخلوها
يدرونه حيدر بالصبر مأمور بوصيّه

بابك يحرقونه بحقد وتلتهب نيران
وكنّك تلوذي ابكل وجل بساتر البيبان
اضلوع إلك يا مهجتي تكسر العدوان
ومحسن جنينك ينقتل ابلا خطيّه

وسبطي العزيز يشاهدك والقلب ذايب
هوّ واخيه تبتدي  بيهم مصايب
وحيدر ابوهم بالحبل تشده النواصب
يحتسب لله ويصطبر حامي الحميّه


🖊خادمة أبي الفضل

#رحيل_النبي_الأكرم_محمد ص
#طور_تمنيته_يدوم_الليل
#إستمهال ملك الموت عند باب رسول الله صلى الله عليه وآله.



▪︎...تقول الرواية: بينما هم كذلك اذا بمنادٍ على الباب..يا آل بيت رسول الله أنا غريب،هل تأذنون للغرباء بالدخول؟؟

*قالت فاطمة: "يا هذا إن رسول الله مشغول بنفسه عنك"،فمضى،ثم عاد مرة اخرى ونادى: "انا غريب هل تأذنون للغرباء بالدخول؟".

فقالت فاطمة:" يا هذا..ان رسول الله مشغول بنفسه عنك"..ثم في المرة الثالثة عاد ونادى نفس النداء..ففتح رسول الله عينيه..وقال: بنية فاطمة،أتعلمين من هو هذا؟؟*
*قالت :" من يا ابه"؟؟؟*
*قال: هذا مفرق الجماعات،هذا هادم اللذات،هذا ملك الموت،ما استأذن على احد قبلي ولا يستأذن على احد بعدي

وكأني بالزهراء تخاطب ملك الموت، تستمهله :



اعلى هونك يا ملاك الموت .. ما اتحمّل ألم فرقاه
مِنّه رايده اتودع  .. أحشمك لو أروح اوياه
روحي معلّقه بروحه ..  شِلي بعمري بعد عيناه
عسى يومه لبو الزهره ..  بعيد ولا يخليني


بحنانه عايشه وعطفه  ..  يَملك الموت في كل يوم
يُمُرّ بابي وهلا قِله  ..  يا وجه ابلعرش مرسوم
مو هينه أودعنّه ..  بوداعه تبتدي الهموم
إرحم حالتي اتمهل  ..  يمن حُكمك ياذيني


اذا يرحل عن دياري .. داري يِدخله الحَطّاب
وضلعي يِكسره بدفعة  .. من يعصرني خلف الباب
ويطيح المحسن المظلوم .. بلا احضاني على الِتراب
واظل بعده بليا روح .. وتِذبل زهرة سنيني


🖊خادمة أبي الفضل

#رحيل_النبي_الأكرم_محمد ص
#طور_الفراق
#طور_مستهل_طيحت_إيدك_مو_وقتها
#شكوى السيدة فاطمة ع عند قبر أبيها رسول الله ص :



▪︎....أبتاه رفعت قوتي، وخانني جلدي، وشمت بي عدوي، والكمد قاتلي، يا أبتاه بقيت والهة وحيدة، وحيرانة فريدة، فقد انخمد صوتي، وانقطع ظهري، وتنغص عيشي، وتكدر دهري، فما أجد يا أبتاه بعدك أنيسا لوحشتي ...


آيبويه    يا ابو النّفس الكريمه
آيبويه    عايشه احزان و هظيمه
آيبويه    دنيتي كلش أليمّه
آيبويه ...

انه بعدك      عيني ما غَمّض جِفنها
انه بعدك      عيني مطفوحه بدَمِعها
انه بعدك      ايتيمه متغيّر وضِعها
انه بعدك ...  

وابغيابك      حَلّت انواع المصايب
وابغيابك      دنيا مَتروسه بنوايب
وابغيابك     هجمت اعلينا النواصب
وابغيابك ...


🖊خادمة أبي الفضل

📍معدّل
#رحيل_النبي_الأكرم_محمد ص
#طور_خويه_وحده_من اليتامى
#شكوة أمير المؤمنين ع عند قبر رسول الله ص



من بعد موتَك نبينه         صارت ابداري الرزيّه
هَجمَت اصحاب السقيفه  وبِلشت احزان الزكيه


خالفوا انصوص الوصيّه   وهجمت اعلينه الاعادي
اضرموا  ابابي شراره       ولاذت ابنيتك تنادي
اتكَسر اتهشم ضلعها         وهيّه تِصرخلك ياهادي
ونّت الزهره كَوَتني           وصحبك اتجاسر عليّه


هَملِت اعيون الوديعة     ولِزمت ابونّه ضلعها
تنادي لحقيني يفضه      ومنها متغير وضعها
المحسن بعتبه نِظرته     وغُسله صاير من دمعها
وانا مقيود بوصيّه          بالحبل شدوا إديّه



🖊خادمة أبي الفضل

#رحيل_النبي_الأكرم_محمد ص
#طور_تمنيته_يدوم_الليل
# إخبار الرسول ص بما سيجرى بعده على أهل بيته وقد أخذ يد فاطمه وضمها الى صدره:


تنزل هالمِحَن بويه          بعد عيني ايا زهره
الصبر جلباب تِلبسونه     بهذا أُوصيّ العتره


تِلحقيني يا روح الروح     بس مغَيّره الاحوال
منك هالضلع مكسور        ودمعك عالوجنِ سيال
وعين من اللطم حمره      و ونّه اتفتت الدّلال
ويظل حيدر جليس الدار  حقه مْسَلّب بكَثره


مقيود بحبل مقيود      ابو الحملات تشوفونه
يجرونه بلا عمامه        وولادك ينظرونه
واحد يجهش وباكي     ابويه ليش تِجرونه
وواحد ينشد عليّه        يجدي خانت الزمره


*#فأجهشوا كلهم بالبكاء ،،هنا فاطمة كأني توجهت لملك الموت..أمهلهُ الرحيل*
*ما عندي جَلد على فراقه*
*اشم بيه ريحة أمي..*
*أشتم منه الحنان والطيبه..*


يا ملك الموت رُوح بعيد   هاذا والدي الغالي
خَليني بعد ضُمّه              وصوتي بالدعا عالي
يربي اتّطول بعمره           و  ويانه يظل تالي
كافي مّيَتمه بصغري        وقلبي ملوع و حَسره


🖊خادمة أبي الفضل

#طور_بحراني
#الى_روح_الشهيد_علي_سلمان
وكل الشهداء الذين كانوا في الأربعين السابق


قبل السنة كانت شباب تمشي بأربعينه
الرايه يحملون بعشق للقطعوا ايمينه

وهاذي الزيارة تختلف اويه الصّور جِينه
كلها شباب وصالحة راحت فدا حسينه

هاذا خضابه من النّحر وينزف اوتينه
وهاذا تقطع بالعشق وما ظلت ايدينه

منهم تِغْسَل وانْدِفن وحضرتله آه امُه
تضمه لحِضنها وحاضره تبكي واتشمّه

ومنهم تِوذر لا أثر ولا ثاكله اتضمه
بس الوديعة اتعوضه وتنادي يا يُمّه

هاذي السّنة غِير المضت وبيها الحزن جلباب
جِينا الزيارة وبالمشي نذكرهم الأحباب

سِمعوا لبو اليمّه النِّدا وكانوا مثل الاصحاب
راحو بُدور امذّبحة ومثل الشّهد الِخضاب


🖊خادمة ابي الفضل

#الأربعين
#طور_زينب_إجت_لحسينها
#وقوف السيدة زينب ع الى قبر العباس ع



إنْهَض يا راعي المرجله
وين اليقِلّي يا هله
لُوني تِغَيّر عالبله
كلها الليالي كربله

ردِيت واجِيت بحَسرتي
رِيتك تعاين حالتي
مَسلوبه مني راحتي
وينك تِنَوّخ ناقتي

عميه عيوني ما اشوف
ساعة وَصَلناها الطُفوف
حَسَبْتَك تمِدّلي الكفوف
معتاده تنهض يالعطوف 

تدري الجرى عليّه شَقول (اعذرني يبوفاضل)
شمر الخنه صدني ويقول
مسبيّة يابِت البتول
ودرب السّبي عليكِ يطول

شحكي عن جروحي وعِدّ
سوط وشماتة وكم بعد
والذّابح بروحي اللّحد
ما يشبه لطولَك ابد



🖊خادمة أبي الفضل

#الأربعينيه_المقدسة
#طور_التغريد_الحزين
#وصول السيدة زينب ع عند قبر الإمام الحسين ع



نحيلة والوجه متعوب  ..  ومسير الشام غيّرني
إجيتك والقلب مكسور  .. بُعْدَك يالأخو هَدني
ما جفت دموع العين ..  تدري بالشمر طقني
رِجعت وروحي خلصانه  ..  عسى بقبرك ترى تخلني


خذوني امقيده ابقوه  ..  وانت منذبح يا حسين
عجيبه النّوق ومدامعها .. بِكيَت حالتي والونين
لا ساتر ولا رايه ..  وانا اتستر بكفوف اثنين
وإلك رديت بلا حيلي ..  تلقاني  يخويه الحين


تركتوني ما بين ارجاس  .. شفت الما يمر عالبال
واحد يضرب ابمتني  ..  والثاني يشد الِ حبال
غريبه والدرب وحشه .. المثلي  ما تصدها ارجال
تصدقوها الشمر حادي !! رافقني في ذاك الحال


🖊خادمة أبي الفضل

#الأربعينية_المقدسة
#طور_لمن_حدى_الحادي/ حضربني يالزهره
#وصول السيدة زينب ع عند قبر الإمام الحسين عليه السلام



خويه إلَك رديت     مهمومه تعبانه
لو تُنظر لحالي        مشتاقه ولهانه

قوم انفض اترابك     رديت إلَك توى
جِيتك ينور العين     حنيّت إلى الخوه  

وين الهله خويه      قوم وتلقانه
جينا ومدامعنا       تروي ممشانه
   
شو طابت النّومه     يبن امي يالغالي
رِيتك تِرد لَيّه          وتجبر  إلي احوالي

حرّ الشمس خويه       الغيّرها الواني
والسوط بمتوني        محنية خلاني

بقد حزني مشتاقة     أشتمن اترابك
واتمدّد بجنبك           وانعيلك احبابك       

إعذريني راح احكي    عالناقه خلوني
من كربله للشام          كم مرة بكوني


🖊خادمة أبي الفضل

#،الأربعينية_المقدسه
#طور_لفى_عاشور
#حسرة المحروم من الزيارة


▪︎...سيدي انتم القائلون : قبورنا في قلوب شيعتنا
وانا من شيعتكم محروم الزيارة .. مشتاق ازورك يا اباعبدالله ..لكن لو كان من الرزق المقسوم لزرتك..
وها يدي على قلبي أزورك من البعيد ...


أزورك سيدي من بعيد    وعيني اعلى البُعد زمزم
ما مكتوب إلي زياره     اعيش بحَسرتي محَرّم

آه يا مولاي    آه يا مولاي    آه يا مولاي


عنّك لا تبَعّدني               خيرك دايم افضاله
انه مفقود من الزّوار       اشحال الفاقد اشحاله
عليل وعلتي من الشّوق  ودُمُوعي تِشرح الحاله
عليّ مسدوده الزياره      ابكل ليلة إلك مأتم


مع المشايه ما مقسوم    اروح لكربله نعاي
ولا اصرخ يبو الأكبر       اواسي زينب بممشاي
"هنيئا لليزور حسين"     ويدخل للحَرَم بكاي
ويقله بلهفة المشتاق      بدونك آنه الميَتّم

#سيدي ما حال من حُرِم الزيارة ، وقد اعتاد ان يزورك في كل أربعينيه💔

إلك نقصد في كل عام    نواسي فاطمه الزّهره
وصوّر بعيوني تتراوح     من نوصل الى الحضره
واحد شايل الرايه          و واحد يلطم ويقره
وانا المحروم وتأوه      ودليلي  من الحزن هَدّم


🖊خادمة أبي الفضل

#طور_زينب_إجت_لحسينها
#لسان حال السيدة زينب ع



يا دافني الرأس عند الجثة إحتفظوا
بالله لا تنثروا تُرباً على قمرِ

لا تدفنوا الرأس إلا عند مرقدهِ
فإنّه روضةُ الفردوسِ والزّهر

#وكأني بمولاتنا زينب تخاطب راس الحسين قبل دفنه عند الجسد


يا راس اخويه المنذبح
شِفتك عجيبه عالرمح
بعيِنَك تباري للحرم
وانا اعاين للجرح

أذكُر عيونك سايله
ساعت ضربني حرمله
وبسوطه ورملي المتن
وهاذاني عِدت لكربله


راح اروي خويه بس امر
تدري الجرالي بالقصر
شِفتك وسط طشت الدعي
والظالم يصدني بنظر

شيبك عفير ومختضب
وبخيزرانه ينضرب
وتعاينه خويه الحرم
واشفافك ادمومك تصب

#بعد شو حالة الراس الشريف واللعين ينكثه بالخيزرانه

إعذِرني اوصفلك تره
اسنانك اويلي مكسره
والشيبه متروسه بدمه
وعطر الوديعه ابمنحره


🖊️خادمة أبي الفضل