قناة خطباء المنبر الحسيني للقصائد

#الأربعينية_المقدسة
#طور_لمن_حدى_الحادي/ حضربني يالزهره
#وصول السيدة زينب ع عند قبر الإمام الحسين عليه السلام



خويه إلَك رديت     مهمومه تعبانه
لو تُنظر لحالي        مشتاقه ولهانه

قوم انفض اترابك     رديت إلَك توى
جِيتك ينور العين     حنيّت إلى الخوه  

وين الهله خويه      قوم وتلقانه
جينا ومدامعنا       تروي ممشانه
   
شو طابت النّومه     يبن امي يالغالي
رِيتك تِرد لَيّه          وتجبر  إلي احوالي

حرّ الشمس خويه       الغيّرها الواني
والسوط بمتوني        محنية خلاني

بقد حزني مشتاقة     أشتمن اترابك
واتمدّد بجنبك           وانعيلك احبابك       

إعذريني راح احكي    عالناقه خلوني
من كربله للشام          كم مرة بكوني


🖊خادمة أبي الفضل

#محرم_١٤٤٦
#اطوار_مختلفة
#لمن_حدى_الحادي
#السيدة_ زينب_ع تتحدث عن حالة بنات الإمام الحسين ع



يخويه إتبدّلت الإحوال   ما بين الأمس واليوم
والأصعب واشد محنه    بناتَك خايفه من القوم

بين النار وعجّ الخيل   بناتك ركضن ابهِمّه
شافن من بُعد منظر        جِسْمَك غارق بدمه
وواحد شايل الراسك      برمح خلاّه بلا ذمه
صاحن يا عدو الله          هاذا بالعرش مرسوم

واليجرح بعد ياخوي     ركضت للنهر طفله
تنادي عمها بو فاضل     وبعينه تصد نبلّه
يعمي طايح الوالي        تقله المدمع تهلّه
ومتني من الضرب مايل  عجيبه ما تفز وتقوم

✍خادمة ابي الفضل

#بعد شيجرح قلبك مولاتي يازينب؟؟
اكثر ما يُدمي قلب الغيور أن زينب فخر المخدرات ، عزيزة الهاشمين ، سيدة الإباء والستر والعفاف مشت دون حُماتها من كربلاء الى الكوفه ، ولكن بأي حال ؟؟

باليدينِ  ..  ساتراتٌ  ..  ساترات
و الحبال  .. حارقاتٌ ..  حارقات

#طور لمن حدى الحادي

لمّن حده بضعني....اللي ذِبح إبني
نفسه اللي يشتمني...ويضرب متن سكنة

والذابح ابن امي....يتشمّت بهَضمي
سَب والدي وأمي....وانه اخفي الونة

رافع رمح بي راس....نبض القلب عباس
من انظره الحُراس....ضربوه على جفنه

واحنه بحزن ماشين....شاهدنا راس حسين
شاهدته عين بعين....راسه يراقبنه

دمعي عمى عيني....عكب الولي احسيني
ابن امي يجفيني...يامصعب المحنة

✍الشاعرة زينب الخفاجي

#شهادة السيدة رقية ع
#طور_لمن_حدى_الحادي
#حالة السيدة رقية ع في خَربة الشام



وسط الخرابة اونين
هاذي رقيه . حسين
تبكي وتدير العين
مشتاقه حيل احضان

تشكي بحنين الصوت
طفلة وتريد اتموت
ونّها ما عاد سكوت
تشكي بقلب ولهان


كلما جفنها ينام
بيها تمر احلام
بوها إجى للشام
ونظراته كلها احسان

#ونامت رقيه وشافت ابوها بالحلم ولكن بأيه حالة ...؟💔

شافت ابوها تصيح
ومنها الدّموع تسيح
شو وينه راسه اذبيح
وجسمه دِمه وتُربان

قالتله خذني اوياك
ميته انه بلياك
بكل ونّه بويه انخاك
واذاني تروي احزان

#افاقت من نومها وهي تنادي أبه يا حسين
إريد والدي الحسين ..

شفته بحلم وياي
وباحضانه خَذني اهواي
يمسح دمع عيناي
حيل الأبو تعبان


🖊خادمة أبي الفضل

#أعظم -الله-اجوركم-بشهادة-النبي-الأكرم
#طور لمن حدى الحادي


يا مغسل الهادي
اتمهل على افأدي
لن فاطمه تنادي
والدي مكفنينه••
والدي مكفنينه••

يا موسد بلحدك
عطر الورد خدك
منهو الذي بعدك
والدمعه مذروفه••
والدمعة مذروفه••

الزهرة تون وتنوح
بويه عزيز الروح
عني ابد لا تروح
والدمعة مذروفه••
والدمعة مذروفه••

اتمهل اودعنّه
ولحظات اشمنّه
أريد اشوفنّه
والدمعة مذروفه••
والدمعة مذروفه••


🖊خادمة أبالفضل
قسم المنبر الحسيني/مجموعة الاخوات
t.center/manbarhoysayne1