قناة خطباء المنبر الحسيني للقصائد

لعن الله ظالميك يا فاطمة
#اطوار_مختلفه
#هجوم_ الدار
#لسان حال الأمام الحسين ع عندما نظر إلى مصيبة أمه الزهراء ع وقد ترائت له مصيبة كربلاء: 



لفى عاشور بضلوعي  .. من هَجموا أيا زهره
ومِن شعلوا عليك النّار  .. خيامي اتوجَرت جمره
طفوفي مرّت اقبالي  .. كل صوره تِشب حسره
فدوه لكل ضلع بيكِ  ..  ودليلي عليكِ شو يصبره

#ليش سيدي اباعبدالله!!!

صوت أضلاعِك اسمعها  .. وهِي تتكسر بعصره
لن يدي على صدري  .. وحس بيّه انا الكسره
ودِماكِ السالت اعلى القاع .. لإبنك تصبغ ابنحره
وحزني بطيحتك يُمّه  .. ابد ما يوم بعد يبرى


#وبعد مولاي يا اباعبدالله ما الذي تراه وتسمعه اذا جنّ الليل ؟؟؟

#طور_مختلف

بسواد الليل أفز واسمَع  ..  ونينك والألم معصور
وتِصد عيني على زينب  ..  تقبّل خدك المسطور
اسمالله عليك يا يُمّه  ..  وتمسح ع الصدر مكسور
وبحُرقتها همست لي .. مثلها حالَك بعاشور

#لحن جاوبني يا علي


يخويه ويش تقول
يل وارث البتول
بصدرك تجي الخيول
وتطحن إلك ضلوع


وقبل الطعن تشوف
اخو اتوذره السيوف
ومنه النظر خُسُوف
من هسه هِل دموع

#بعد إش قالت زينب روحي فداها

وهمست إله بأمر
بعد ذبح النحر
امشي انا  إبأسر
وقلبي إلَك يِلوع

✍خادمة ابي الفضل

آآه  ..  آآه 
تقله خويه خويه

صرنا يتامى ابلايه جدنه
منهو الذي يمسح دمعنه
وياهو الذي يضَمِد جرحنه
كسروا ياخو زينب گلبنه

امي حچت لي خوية امرين
عن سَم الحسن بيد الملاعين
وعن طف وسيوف ونار صوبين
وحچت لي عن عظُم يومك يالحسين


يگلها خويه يزينب يومي مَيهم
امصاب الضلع والمحسن اعظم
بكسر صدر امي احس گلبي تحطّم
احسبي اليوم مات احسين بالهم

✍الشاعرة زينب الخفاجي

#إلى_أرواح_الشهداء_الأبرار قده
#اطوار_مختلفة
#للذين كانوا معنا في الفاطمية الماضية وكانت المجالس عابقة زاخرة في حضورهم .



يم حسين مولاتي شباب على الوعد ننعاه
كان بمجلسك ينعى ويواسي المِنقطع نحراه
وابوسْطْ الحسينية يلطم والحزن يغشاه
نِحسه اتألم ومنصاب و مسمار الضّلع اذاه


#وبعد شهيدنا من كان يسمع ما جرى عند باب فاطمة :


من يذكر ألم ضلعِك وكم مرة إندفع هالباب
من يذكر لهيب النار وجنينك هالوِقَع بعتاب
مِنه ينهدم حيله ويصرخ صوت يا داحي الباب
حقنا عالبتوله الروح تروح ونندفن بتراب

#مولاتي يا فاطمة ، كما أخذتي بأيديهم ، خُذي بيدينه:

بحنانك زهره ضميهم بعباتك كفني الاجساد
وإعذريهم اذا رِحتي تِلمي أوصالهم بالواد
مثل ما رَكضت الحرة تِدور وين أبو السّجاد
نغسِلهم بدموع العين وعليهم ينكسر الفاد


#لحن إسمع عتابي


وبالفاطميّه
بذيك المسيّه
الكانوا ويانه
صاروا ابوطيّه


النِسمع لْطِمهم
للزهره أمهم
وكسرت ضلعها
باعوا عمرهم


وإحنه الإجينه
ننعى الحزينه
ونبكي لفقدهم
ابدور المدينه


🖊خادمة أبي الفضل

#طور_يا_ مدلله
#طور_الجفيري
#ليلة_العباس ع



▪︎يُروى عندما هوى العباس ع نادى عليك مني السلام أخي ابا عبدالله ادركني ، أسرع إليه كالصقر الجارح وهو ينادي "إلى أين تفرون وقد قتلتم عضدي"



فوق النّهر طاح القمر
ونادى يخويه ابكل فَخر
جِاله ودموعه كالمطر
وظهره على عضِيده إنكسر


شاف الكفوف اموزعه
وسهم ابعيونه الواسعه
هوّن يا ربي الفاجعه
قال ويعاين مصرعه

شال الكفوف من الثره
وشمّها يا ويلي امعطره
بريحة أُخُوة ومفخَره
ويمسح دمومه وينظره

مثل الأمير بهيبته
مفضوخه ينظر هامته
وما ناسي لحظه وصيته
زينب امانه برقبته

#أراد الحسين ع أن يحمله إلى المخيم قال لا دعني في مكاني ..

خلني أرِدك للحرم
سكنه ورقيه بالخيّم
يخويه من طاح العلم
حال الحراير  إنهدم


يقله يبو اليمّه العذر
التمسه من ام الخدر
أدري بقلبها المنكسر
وحان لعقيلتنا اليسر

#وبعد ماذا قال لاخيه قبل أن تفارق روحه الطاهرة

اتمنی حُضنك يا حسين
وأشبع أخوه وي حَنين
لاكنّي خويه بلا إدين
والسهم ماخلالي عين


🖊خادمة ابي الفضل
🖊أم محمد الحجاج

لعن الله ظالميك يا فاطمة
#يقرأ_باطوار_مختلفه
#هجوم_ الدار
#لسان حال الأمام الحسين ع عندما نظر إلى مصيبة أمه الزهراء ع وقد ترائت له مصيبة كربلاء: 



لفى عاشور بضلوعي  .. من هَجموا أيا زهره
ومِن شعلوا عليك النّار  .. خيامي اتوجَرت جمره
طفوفي مرّت اقبالي  .. كل صوره تشب حسره
فدوه لكل جرح بيكِ  ..  وهاذي بدايتي الصعبه



صوت أضلاعِك اسمعها  .. وهِي تتكسر بعصره
لن يدي على صدري  .. وحس بيّه انا الكسره
ودِماكِ السالت اعلى القاع .. لإبنك خَضَبت نحره
غِفيت وصورتك بالبال .. ويصحيني الدّمع صَبه.


#وبعد مولاي يا اباعبدالله ما الذي تراه وتسمعه ؟؟؟


بسواد الليل أفز واسمَع  ..  ونينك والألم معصور
وتِصد عيني على زينب  ..  تقبّل خدك المسطور
اسمالله عليك يا يُمّه  ..  وتمسح ع الصدر مكسور
وبحُرقتها همست لي .. بعد ضِلْعَك أشد ندبه



🖊خادمة أبي الفضل

لعن الله ظالميك يا فاطمة
#يقرأ_باطوار_مختلفه
#لسان حال الأمام الحسين ع عندما نظر إلى مصيبة أمه الزهراء ع وقد ترائت له مصيبة كربلاء:



لفى عاشور بضلوعي من هَجموا أيا زهره
ومِن شعلوا عليك النّار خيامي اتوجَرت جمره
طفوفي مرّت اقبالي كل صورة تشب حسرة
فدوى لكل جرح بيكِ وهاذي بدايتي الصعبة.


صوت أضلاعِك اسمعها وهِي تتكسر بعصره
لن يدي على صدري وحس بيّه انا الكسره
ودِماكِ السالت اعلى القاع لإبنك خَضَبت نحره
غِفيت وصورتك بالبال ويصحيني الدّمع صَبه.


#وبعد مولاي يا اباعبدالله ما الذي تراه وتسمعه ؟؟؟


بسواد الليل أفز واسمَع ونينك والألم معصور
وتِصد عيني على زينب تنظر للجفن مجمور
تناديك بحنين وآه وتمسح ع الصدر مكسور
وبحُرقه هَمسَت ليّ بعد ضِلْعَك أشد ندبه.


🖊خادمة أبي الفضل

#يقرأ بالحان مختلفة
#تصوير وصول خبر شهادة السيدة زينب ع للحسين ع:



*#آه وازينباه ،،وكأني وبالخبر وصل الى إبي عبدالله الحسين،إلى من يذهب..؟من يعينهُ على هذا المصاب..؟*


إجى الحسين لبوفاضل قوم وياي ينور العين
ساعدني نروح الشام زينب ماتت ابهالحين

جسمي مِنقِطع راسه وانتَ للدرب دّلال
قالله الكفل أخته ودموعه عالوجن سيال
كفوفي مقطعه تدري ومنهو للنعش شَيال
من عاشر وانا خجلان شفتها وتصفق الكفين

#وبعد كأني بالعباس يكمل عن عتاب زينب له يوم مشت عن كربلاء:

فِجعني من مِشت عني بيوم الحادي ومالت
تقلي شلون يطيب النوم تعاتبني ودمع سالت
قوم الساع يبوفاضل وعدك وين إلي قالت
وسِهم العتاب عليّ اصعب من سهم الوِقع بالعين.

خادمة أبي الفضل