جعفري انتمائي ... للنبي ولائي
و أبچي إعلى لحسين ... صُبحي او مسائي
————— (١) —————م
من باب العلم جعفر .. تعلمنا أصول الدين
و احنا النتبع نهجه .. بين الماي بين الطين
أول أصل يتجسد .. تعلمنا البچي إعلى الحسين
و تعلمنا على اللطمه .. على الصدر او على الخدين
والحزن شعاري ... استعد لثاري
و أشفي صدر لحسين ... صُبحي او مسائي
————— (٢) —————
مدارس للحزن و النوح .. أسسها أبو الكاظم
أسس للدمع منهج .. مثل ما يبچي القائم
تغذينا إعلى منهاجه .. ألطم للضلع هاشم
يمكن أوفي للعتره .. يمكن انكتب خادم
أجري ابـ مصابي ... يمنتي كتابي
يومي كله لحسين ... صُبحي او مسائي
————— (٣) —————
مذاهب تتبع الوادم .. و آنا أتبع الدمعه
وأتبع جعفر
الصادق .. و مثله مأتمه أسعى
ذكر احسين يا شيعه .. يضوي بالگلب شمعه
و فقيه اليلهج ابذكره .. مرجع لازم انتبعه
مرجعي دموعي ... و لطمتي ابضلوعي
أسعي حول لحسين ... صُبحي او مسائي
————— (٤) —————
مثل ما أبچي إعلى احسين..على
الصادق بدا نوحي
أجر ونه بعد ونه .. و نبرة صوتي مبحوحي
شهيقي ونه للصادق .. زفيري منبع اجروحي
و شهقه من بعد شهقه .. احس انزع غصب روحي
ريت أموت أنادي .. يعتصر فؤادي
من أذكر ابن لحسين .. صُبحي او مسائي
————— (٥) —————
مثل ما حرگوا الــــ داره .. گلبي مشتعل نيران
أبد ما غاب عن بالي .. مشهد فرّت النسوان
صرت مثله أجري ادموعي .. كلما أشعر بدخان
و أحس صدري اختنق لنّه .. إمامي مختنق حيران
و أضرب إعلى هامي .. ليتني أبقى ضامي
و أبقى مثل لحسين .. صُبحي او مسائي
————— (٦) —————
مصايب كثره للعتره .. و لليوم المصاب ايزيد
إيد السمّـت
الصادق .. عادت سمّته امن اجديد
هدموا قبره يا شيعه .. و شملنا صار له تبديد
مصيبه اب عظمها چنها .. حزوا للحسين اوريد
للصادق أعلي وني .. مسلكي حُسيني
و ألطم على ابن لحسين .. صُبحي او مسائي
#شهادة_الإمام_الصادق#(٢٥)_شهر_شوال
عبد مُحمد وآل مُحمد
#مفضل_حبيب السهو
22- شوال-1440 هـ
القطيف