⬛️◼️القصيدة-2-
◼️⬛️نحوَ الحُسينِ فَسِر بِكُلِ وَقارِ
واسبلْ دُمُوعَ العينِ كالمدرارِ
والنعلَ فاخلَع ثُم طأطِأ وأنحنِ
وأمشِ الهوينى فوقَ ذاكَ الذاري
فبِكربلا جَسدٌ لهُ مُتَوَزِعٌ
تركُوهُ أياماً بِلا إقبارِ
في الأربعين َ هناكَ تأتي زينَبٌ
معَها رؤوسُ العترةِ الأطهارِ
جآءَت وزينُ العابدينَ بِجَنبِها
بعدَ السِّبا وقساوةِ الأسفارِ
مُذ لاحَ قبرُ السبطِ أهوَت فوقَهُ
تحثُو الترابَ بحرقةٍ ومَرارِ
أأخيّ نادَت ليتَ قبرَكَ ضَمَني
لو كنتَ تعلمُ فعلةَ الأشرارِ
من بعدِ قتلِكَ بالحبالِ يجُرُني
شمرُ وأُركِبنا على الأكوارِ
أسفي لخِدريَ كيفَ صرتُ أسيرةً
وأنا الأميرةُ يومَ كنتُ بداري
لم أبغِ بثَ نوائبي لكننّي
مضطرةٌ لأبوحَها أسراري
إن رُمتَ تسألُ عن رقيةَ فهيَ قد
ماتَت هناكَ بخِربةِ الفجارِ
ومَضَت إلى قبر ِالكفيلِ بعبرةٍ
تشكُو وتندبُ يابنَ حامي الجارِ
عباسُ جِئتُكَ بعدَما فارقتُكُم
والروحُ أحرقَها لهيبُ النارِ
إن لم نَعُدْ نحوَ المدينةِ إنني
أرجو المماتَ لِتنتَهي أكداري
#سميرالصالحي#النجف الأشرف
تمت اليوم12صفرالخير1441
الجمعة11_10_2019
⚫️ تجليبة
⚫بيوم الأربعين اول زياره الها
⚫تزور حسين والعباس كافلها
أجت زينب وسوت عل كبر لمه
تحضن بالتراب ونوب تشتمه
إلك رديت صاحت يا أبو اليمه
ولهانه وعليك دموعها اتهلها
تهمل دمعة مفارك يفيض أحزان
تصرخ يا عزيزي انته بكلب لهفان
لفيتك لا ولد لا والي لا خوان
وبصدري مصايب كود أحملها
مصايب كثره ياخويه شفت بعدك
وآلمهن عليه وجادني فكدك
طريح موذريك وراس ما عندك
برمح مرفوع وي روس اخوتي كلها
محتاره وعيالك بس حرم واطفال
لارض الشام ودونه بلايا رجال
صاحو خارجيه وهاي ما تنكال
عدو الله الشتمني وهو كايلها
يحسين وبناتك على الكبر كعدن
وحده تنوح وحده التلطم ويبجن
بس خويه اخبرك خبر لا تحزن
رقيه الما اجت والموت عاجلها
خطارك رجعت وياي روس حيود
راسك ويه راس البي اثر عامود
أبو فاضل أخيي الشهم راعي الجود
ذاك الكفل والميله يعدلها
خليني أروحن يم كمر هاشم
يم المشرعه العباس أظن نايم
يرد بينه لوطنه وي الحرم لازم
واكله انت الترجبها وتزلها
صعبه اعليه اعوفك يبن حامي الجار
وهاي اول زياره وروحي شبت نار
وفيت ودموعي عليك تجري انهار
يخو زينب الجنت إنت المدللها
شهر وزاد عشره الفاركيت بيه
ثره كبرك. يبو الغيره لنوح اعليه
كوم الظعن انته الجافله توديه
حرم وأطفال جا منهو اليوصلها
#سميرالصالحي#النجف الأشرف
تمت12صفر1441