قناة خطباء المنبر الحسيني للقصائد

⚫️يتيمه بلا ابو ظليت
محتاره بهضم حالي
⚫️رقيه والگلب مفجوع
وصورة ذبحته گبالي
⚫️
آنه بت رسول الله
وبيت الوحي ربانه
عزيزه بجاه ابوي حسين
عشت بظله فرحانه
نورالعرش من نوره
وعطر الجنه بردانه
جود وخير بچفوفه
هيبه وغيره معروفه
وكل افعاله موصوفه

يا ذاك الدلال عليه
فطنت و عينه ترعالي
⚫️
يادار الهواشم ذيچ
تگصدها جميع الناس
نخوه وطيب ريحتها
باهل الكرم ما تنقاس
كل وافد يصل ليها
يرجع دوم رافع راس
تاليهه ابعدت عنهه
وبدور الخلت منهه
ظلمه وموحشه چنهه

آآ يادهري الخوان
المنه خابت آمالي
⚫️
طلعت ويه الاهل كلهم
وعماتي وخواتي وياي
بس اختي العليله هناك
ظلت مامشت ممشاي
وابوي الكربله بهمه
يسير المصرعه عناي
حسيت برعب وبخوف
عله حسين الگلب ملهوف
يمكِنّي بعد ماشوف

وجهه وآنه حيرانه
ومذهوله انشده بالي
⚫️
بليل هدعش ردت اوصل
لبوي وادري بيه عطشان
آه شلون من شفته
ذبيح وسحگته الجيمان
جروحه تسيل منها دموم
وعاري الجسم عل التربان
گلت اسگيه شربة ماي
يويلي گطعالي حشاي
وعمتي تصيح يابلواي

رقيه بساع ارجعييلي
تنده والدمع هالي
⚫️
لاچن من وصلنه الشام
يساره هناك يسبونه
فنه التدمع عيونه
يشَتمونه و يضربونه
بخرابه شلون نگضي ايام
ياوسفه يگعدونه
لن يتراوه باحلامي
ابوي هنانه جدامي
عمري وزهرة ايامي

يعمه اليوم اريد حسين
هسه گاعد أگبالي
⚫️
لنهم جايبين الراس
ياويلي بطشت خلوه
ماحسبت راسك بيه
كل ظني الاكل جابوه
اثاري بكربله جسمك
وراسك هذه هل گطعوه
حضنته وصحت يعيوني
اموت وياه خلوني
زرگه شوفهه متوني

لونك يالولي موجود
چا محد تدنالي
⚫️
{يبويه من گطع راسك
ومنهو السلب ثيابك}
يبويه شيبك اليزهي
أحمر شو صفه خضابك
يبويه چنت اسولف بيك
ماخاب اليدگ بابك
يبويه رد عليه جواب
گلبي عليك هام وذاب
دمعي يهمل وسچاب

ما اظن العمر باقي
الموت وياك يهنالي

#سمير_الصالحي
#النجف_الاشرف
‏https://telegram.me/ShaikhSameerAlSsalehi

🏴 فاجعة رقية بنت الحسين ع

طفله مدللـه ومسبيه تاليها
تموت اعله الطشت يم راس واليها

يم راس الولي تعدد هموم هواي
تگله انته الگضيت وما شربت الماي
تظل مطروح بالحر يابعد عيناي
وهذي العايله عمتي التباريها

هذي العايله شبعت قهر وهموم
بس ما غفت عينك بالسبي لهليوم
بلا رحمه ولا راحه وعزيز النوم
وما مش أهل غيره التنغر عليها

غيره المابگت وسط الخرابه تچل
گعدوهم ايتام ويه الحرم تعول
واهل الشام يوم الوصلوا تهلهل
وصلفه عيونها لمن تصد ليها

بليل اظلم الفزت بي رقيه تريد
والدها الحسين وذكرياته تعيد
ثار صياح حد ماوصل گصر يزيد
وگال اخذو الطشت بلچن يسليها

يسلي الطفله راس الوالد المذبوح
شافته وغدت ولهه وذهيله تنوح
تحضنه تصيح يابويه يروح الروح
ونار الهضم بالدلال تچويها

مهضومه وتحاچي الراس واويلاه
وتتمنى تموت وتنذبح وياه
ما بياش آنه اصبر على فرگاه
خلافه ياوسف عدوانه توليها

تگله من گطع راسك ينور العين
ومنهو الذي خضب شيبتك يحسين
عگبك ما كو عندي بس لطم وونين
البت خلاف ابوها منو اليحميها

بتك عاين الها شو زرگ لضلوع
من كثر القهر تشرب دمع وتلوع
وگلبها عله الحسين مگطع ومفجوع
ما تحمل هضم وزغيره تدريها

لحد ما خمد حسها وروحها ذابت
وعلي السجاد گال العمته ماتت
وزينب هيستها وصرخت وصاحت
هااا يحسين بتك ما تحاچيها !

شيفيد الحچي وهيه مشت وياه
وچانت گبل متعوده عله ملگاه
واتمنت تشوفه وهيه تترجاه
گضت ويلي وراس الغالي بيديها

#سمير_الصالحي
#البصرة_الموالية
#السيدة_رقية

#الامام_السجاد

⬛️🔳القصيدة-5-🔳⬛️
#ثمال_الباكين

🏴قد قضىٰ بالسُمِِّ زينُ العابدينْ
🏴بعد َ أسر ٍ  وقُيود ٍ  في  اليدين ْ

لهفَ  نفسي   إنّه ُ زين ُ العباد ْ
عاشَ  دهراً في  بليّات ٍ شِداد ْ
شاهدَ الويلات ِمن أهل ِالعِناد ْ
ورأىٰ قَتل َ أبيه ِ رأي َ عين ْ

طُبِعَتْ في قلبِه ِذكرىٰ الطفوف ْ
من   دمآءٍ   و رَماد ٍ  وسُيوف ْ
والأعادي جاوَزَت حدَّ ألألوف ْ
وهوَ يدري تبتَغي ذبحَ الحسين ْ

كيفَ ينسىٰ أسرَه ُ بين َ النسآء ْ
معَه ُ الأرضُ ادلَهَمت والسمآء ْ
ولَه ُ الحورآء ُ ضَجّت  بالبكآء ْ
كَتَفوها  معَهُ حتىٰ اليمين ْ

يشتَكي السبيَ ويشكو ظالِـعَه ْ
يالَه ُ ظُلماً   فهذي الجامِعَه ْ
حيث ُتؤذيه ِ فَيُرخي أدمُعـَه ْ
لم يَزَل ْ يذكُرُها حيناً  فَحين ْ

صابراً  مُحتَسِباً  ينعىٰ  أباه ْ
نادباً  إيآه ُ تجري  مقلتآه ْ
لا  ولم  تهنأ  بمآء ٍ شَفَتاه ْ
نائحاً للسبطِ في طولِ السنين ْ

ومضىٰ السجادُ بعدَ النائباتْ
حيث ُيُسقىٰ السُمَّ من أيدي الطغاة ْ
بالدما  عيناه ُ ظَلّت ساكبات ْ
لشهيدِ الطف ِ يبكي بأنين ْ

#سمير_الصالحي
#البصرة_الفيحاء


🏴الليله بالسم رحل زين اعبادهه
🏴خل تگوم الزهره تنعى اولادهه

خلي تنعى الزهره زين العابدين
العمره خلص حزن وبضيم وونين
ينحب ويبچي عله مصاب الحسين
هذا نسل الهادي خير احفادهه

نسل طه الگضه بالسم والچتل
من  بني اميه  ومروان  النذل
ومن بني العباس زادوا بالفعل
ابذبح  هاشم طَلّعت أحقادهه

ويلي عل السجاد من شاف الطفوف
تجمعت بيهه العده وشالت سيوف
وهو يعاين  للألوف ويه الألوف
يوم اجت ذبح الحسين  امرادهه

ذبحوا احسين وهله وحرگوا خيام
والعليل  يشوف بس نار  وظلام
والنساء اشردت وياهه الايتام
بلا ستر  ظلوا ابين  ارمادهه

ويوم گادوا عمّته وياهه الحرم
بجامعه مگيد ومنه يسيل دم
مچتفين بيسر ياوسفه انهضم
عجب هيچ يصير ببن اجوادهه !

ظل وحيد سنين راحوا كل هله
وتالي أهل الجور سمْ دسته اله
يكلف  الباقر  يگوم   يغسله
(عليه بوصّيـّة حسين  العادهه)*

آه للزهره وگلبهه الي انفطر
شلون عمله وياهه سواهه الدهر
بكل مصيبه  تحضر وتبچي بقهر
بعبره تبچي ولا يهيد افادهه

#سمير_الصالحي
#البصرة_الفيحاء


*وكان من وصيته ع
…..،.عن أبي حمزة الثمالي، عن أبي جعفر (عليه السلام) قال: لما حضر علي بن الحسين (عليهما السلام) الوفاة ضمني إلى صدره، ثم قال: يا بني أوصيك بما أوصاني به أبي (عليه السلام) حين حضرته الوفاة وبما ذكر أن أباه أوصاه به، قال:
(يا بني إياك وظلمَ من لا يجد عليك ناصراً إلا
الله )
💥الكافي للشيخ الكليني ره ج2ص331

#الامام_السجاد

◼️◾️القصيدة-3-◾️◼️

لا زالَ يذرِفُ دمعَهُ بأنين ِ
زينُ العباد ِ فحالُهُ يُشجِيني
قد شاهدَ السبطَ الحُسينَ وأهلَه ُ
مابينَ مَنحور ٍ وبين َ طعين ِ
لم يرتوِ الماءَ الذي حَرموهُمُ
وإلى الفُراتِ مُعاتِباً بِرَنين ِ
مالي أراكَ وقَد بَخِلتَ بِقطرَة ٍ
عَن خَيرِ خَلقٍ مِن بَني ياسين ِ
مُتذَكِراً صِورَ النِساءِ حواسِراً
إذ رُوِِّعَت بالسَوطِ والتَوهِين ِ
وَيصيحُ مِثلي مَن يُقادُ مُكبَلاً !
وأنا إمامُ الخَلقِ و التَكوينِ
حَتى مَضى في ليّلةٍ مَشؤُمَةٍ
والسُم ُ مَدسُوسٌ لهُ بِكَمين ِ
والباقرُ المفجُوعُ يَنحبُ مُذ رَأى
أثَرَينِ حِينَ الغُسلِ والتَكفين ِ
في ظَهرِهِ مَجَلٌ بِفعلِ جِرابهِ
قَد كانَ يَحمِلُهُ إلى المِسكين ِ
والقَيّدُ في عُنُقِ العليلِ مُؤَثِرٌ
وبِحُرقَةٍ يَشكُو ضَياعَ الدِين ِ
لهفي فكَم أدمَى البُكاءُ عُيونَه ُ
عُمُراً قَضاهُ بِعبرَةٍ وحَنينِ
سَجَادُكُم ناحَت عَليهِ مَلائِكٌ
و لِفَقدِهِ يَنعاهُ كُلُ حَزينِ


#سمير_الصالحي
#النجف_الأشرف

————————————-
⬛️◼️القصيدة-4-◼️⬛️

مِن بعدِ ما مَضَت بهِ الأرزآء ُ
وجَرت بعَرصةِ كربلاءَ دمآء ُ
ورأى الحسينَ توزعَت أشلاؤهُ
وبِخَيلِهِم طُحِنَت لهُ أعضاء ُ
ونساؤهُ فوقَ الهزالِ بلا وِطا
تُسبى وليسَ على النياقِ غطآء ُ
وهوَ المقيدُ بالسلاسلِ بينَها
زينُ العبادِ الطاهرُ البكاّء ُ
فَبرغمِ علتهِ تكَّفلَّ ظعنَهُم
مُتَجلِداً تَرعى لهُ الحوراء ُ
مابارَحَت تلكَ المآسيَ عينُهُ
لهفي عليهِ فقد علاهُ عنآء ُ
والحزنُ منهُ على أبيهِ شعارُهُ
ينعاهُ شَجواً والدموعُ رثاء ُ
حتى سَقَاهُ السُمَ أبناءُ الخَنا
وفعالُهُم بالطاهرينَ عِدآء ُ
أبناءُ عبدِ المُلكِ يا بِئساًلهُم
غالُوهُ والحقدُ الدفينُ جزآء ُ
فمضى شهيداً والقيودُ كشاهدٍ
وبجيدِهِ قد أثَرَّ الإدماء ُ

#سمير_الصالحي
#البصرة_الموالية


⚫️ نعي-نصاري

خل تفزع بني هاشم الليله
وتسل سيوفها بهمه وتجيله
الباقر يا وسف دمعه يهيله
عله السجاد مات بغدر مسموم

خلص عمره ينوح بليل ونهار
لجل حسين دمعه يسيل نثار
يتذكر عطش چبده الفلا صار
يصيح الله واكبر مات مظلوم

تشوف عيونه عماته وخواته
تهيج احزان گلبه وذكرياته
بعذاب وضيم خلص كل حياته
يا ويلي عليه اتحمل اهموم

عگب موته غده يغسله الباقر
شاف اثار جسمه وفكره حاير
اثاري الجامعة تفطر مراير
يوم برگبته بس تشخب دموم

#سمير_الصالحي
#النجف_الاشرف

#الامام_السجاد

⬛️🔳القصيدة-1-🔳⬛️

وأعظمُ من كلِّ الرزايا رَزيتي
          وزَيَّدَت البلوىٰ مع َالكربِ علتي
رأيتُ حُسيناً في العرآء ِ مُبَضّعاً
        ومقتَلُهُ يوم َالطفوفِ ... مصيبتي
وإني أنا زينُ العبادِ وهذهِ-
        بحبلٍ  إلىٰ الأعناق  ِتُكتَف ُ-عمتي
وجامعةٌ ويلآه ُفي الجيدِ أثّـرَت
        وظالعةٌ عرجآءُ في الظعنِ ناقـتي
فكُنتُ أنادي أينَ قوميَ قد مَضَوا     
         وأينَ   نِزار ٌ   من  لؤي ٍ  عشيرتي
{فيا ليتَ أمي لم تلدني ولم أكُن}
          يرآني  يزيدٌ  ليتَ  حانَت  مَنيتي
فجآئِعُنا والله ِوتـرٌ  ولم تزل ْ
             كشاهدة ٍ  في كل ِِّ آن ٍ ظُلامتي
ولن ينقضي حُزني علىٰ قتل ِوالدي
            وتجري  دمآءً للسبيّات ِ مُقلتي

#سمير_الصالحي
#البصرة_الموالية


⚫️ياويلي عله السجاد
                       گضّه العمر  بالاحزان 
⚫️من عگب  اليسر والهم
                           سار بولية العدوان 

شسولف عن  ابو الباقر
                    وآلآمه  الغدت كثره 
عليل وجسمه ظل منحول
                    ولجله نسچب العبره
عله مصاب الولي ننحب
                  نجر حسره باثر حسره 
آه اعله  الگضه  مسموم 
بدال الدمع نجري دموم   
حزنانه  السمه   هليوم   
يانار    القهر   والضيم
                    من عدها الچبد خلصان  

يوسفه راح ابو محمد
                لاچن شاف هضم وجور 
يصيح حسين خليته 
                 عطشان  الگلب مفطور 
من بعد الچتل داسوه
             وصدره مرضض ومكسور 
محزوز النحر دامي 
نايم  عالترب ظامي 
وراسه يلوح  جدامي 
من فوگ الرمح  ياناس 
                        وشفاهه  ترتل  القران 

ياشيعه  لون  تدرون
                   يوم  النوگ  جابوهن
عماتي  وخواتي  شلون
                      من رادو يركبوهن 
حراير والخدر عنوان
                     تالي بيسر يسبوهن 
صحت ياعمي ياعباس 
ياهيبه  ويرفعة   راس 
لحگ شوف هاالارجاس 
ما عدهم   رحم  ويلاه
                     عل الاطفال والرضعان 

أذكر  من  سروا  بينه
                  ومرونه عله  الأحباب 
حسين اعله الوجه مطروح
                 ياوسفه وسليب ثياب 
وزينب تنظر الهلحال
            ومن عدهه الدمع سچاب 
تصيح شلون ياعمه 
آآ  ياهضمة الهضمه 
خليني   أظل   يمه
گلتلها   لون   تبقين 
                     منهو  يباري  النسوان 

يوم اثلثطعش من جيت
              گاصد دفن ابوي حسين 
جسمه مگطع  بلاراس 
             حضنته وبس تهل العين 
لاچن خنصره  مگطوع 
                    وايدينه  بلا  چفين 
لن صوت النحر مسموع
گلبي   ياعلي   مفجوع 
عبد الله   تراهو   يلوع 
عله صدري دوسده بساع
                 تراني اعله الطفل لهفان

بعد شحچي اعله ذاك الگيد
            ورگبتي تسيل منها دموم 
آنه وعمتي  مچتوفين 
                  بحبال  الكفر والشوم 
آآ يا عملة اهل الشام
                 ماتنوصف هاي الگوم 
لاغيره البگت عدها
ويزيد الي يحشدها 
وبگصره   يواعدها 
وآنه لوحدي  ظليت 
                        لا وليان  لا   خوان 

أعيش بلوعه من اتمر
                      صورة كربله ابالي
لا اگدر اضوگ الماي
                   اويلوم اللايم بحالي 
ولا أنسه الفجايع ذيچ
                       تبقه وياي للتالي 
ما بطل البچي والنوح 
يظل مني الدمع مسفوح 
وبگلبي  چثيره  جروح 
وآنه من الالم موجوع
                   أعيش بمحنتي حيران

#سمير_الصالحي
#النجف_الاشرف
https://telegram.me/ShaikhSameerAlSsalehi

#دفن_الاجساد

◼️◾️القصيدة◾️◼️

ضُلُوعُ أبيِّ ِالضّيمِ يُؤلِمُ حالُها
حوافرُ تلكَ العادياتِ تنالُها
وظلَّ ثلاثاً بالعرآءِ وصحبُُه ُ
ضَحايا ترَوَّت مِن دِماها رِمالُها
حُسينٌ عَفيرٌ تُحرِقُ الشمسُ جِسمَهُ
وأظلَمَت ِ الدُنيا وغابَ هلالُها
ولم يَحظََّ في غُسلٍ وماوُرِيَّ الثَرىٰ
عليهِ هَوَت بعدَ السماءِ جبالُها
إلىٰ أن أتىٰ زَينُ العبادِ لدفنِهِ
وقد شاكَتِ الجِسمَ الشريفَ نصالُها
فَجَمَّعَ أشلاءَ الذبيحِ وخُنصُراً-
بِوَسْطِ حَصيرٍ -كانَ فيهِ اكتمالُها
وأنزلَهُ ملحُودةَ القبرِ وانحَنىٰ
لِتقبيلِهِ والعَينُ زادَّ انهِمالُها
فلم يرَ ثغراً طالَما كانَّ باسماً
وفيهِ شِفاهٌ لا يُقاسُ جمالُها
فَكم مرة ٍ قامَ النبيُ بِلَثمِها
ومٍخصَرةُ الباغِي هُناكَ تَطالُها
فضَّجَ يُنادي بعدَكَ الحزنَ سرمَداً
وياليتَ مني الروحَ حانَ ارتحالُها

#سمير_الصالحي
#النجف_الأشرف


———————————-
🌑 بحر طويل
عن لسان شريكة الحسين ع زينب ع ..

🏴لنوح اعله الغريب سنين
عمري وگلبي شيصبره
🏴حسين بكربله مذبوح
ظامي ومنگطع نحره


🏴 تمسي اعله الترب عاري
وغسلك صار من دمك
لا والد يجيك الْيَوم
ولا جد الوصل يمك
تمنيت الزچيه وياي
تحضنك وآنه أشتمك
لچن يحسين ماخوذه
غصب مسبيه متيسره

🏴عاده الميت يجهزوه
أويحضروله غسل واچفان
أويشيعونه اويزتــونه
الگبره ويحضر الدفان
بس انته يخويه ابگيت
طريح بحومة الميدان
تسحگ خيلهم ظهرك
والأضلاع متكسره

🏴ثلث تيام يابن امي
نايم ياشبل حيدر
تحوطك چثث أنصارك
والعباس والأكبر
أبحر الشمس ياويلي
سليبه اثيابك موذر
روحي شاغت وناديت
وينچ يمه يازهره

🏴ياوسفه أروح شلون
وكل همي أظل انعاك
أنوح وألطم الخدين
لحد ما أندفن وياك
صدگني يبو السجاد
ماأگدر عله فرگاك
بناتك وي غرب تمشي
وبيهن أبقه متحيره

🏴أمشي اعله الهزل للشام
وراسك يالولي گبالي
يصد ليه وأعاين ليه
واهو اعله الرمح يبرالي
تسيل دموع منه ادموم
أظن متفجع لحالي
بعد الخدر مچتوفه
ونار بگلبي متوجره

#سمير_الصالحي
#النجف_الاشرف


🏴عن لسان الإمام زين العابدين ع
🏴
من عگبك مصايب عَلي يـارات
ابقهر واعداك حيل وياي يـارات
يبويه بلحدك اني اندفن يـارات
ولا اشوفك وذر فوگ الوطيه

🏴
يبو السجاد انه السجاد بيداي
أموت وياك يا مظلوم بيداي
أوسدك باللحد يحسين بيداي
و گلبي عليك نيرانه سريه

#سمير_الصالحي
#البصرة_الفيحاء

#ليلة_القاسم

نعمَ الشبابُ شبابٌ مالَهُ مَثَل ُ
القاسم ُالشَهمُ نَجلُ المجتَبىٰ البطل ُ
لم تُـثنِه ِالحربُ عن تقديمِ مُهجَتِـهِ
هي َالعقيدةُ لم يحدُثْ بها خلل ُ
فالموت ُيَحسَبُـهُ كالشَهدِ إنَّ به ِ
نصرَ الحُسين ِ فَعَجّلْ أيُها الأجَل ُ
وعَمُه ُ ليسَ يَرضىٰ أنْ يُفارِقَـهُ
يَكفيّـه ِفلذَتُه ُوالصَحب ُإذ رَحَلوا
لكنّهُ عازِم ٌ يَبغِي القِتال َوقد
حانَ الوَداع ُومنهُ سالَت المُقَل ُ
بِـعِمّةٍ لأخـيهِ حيثُ عَمَمهُ
ولامـَة ٍ ومَضى للحربِ يبتهل ُ
كَفِلقَة ِ البدرِ والأعداءَ يَضرِبُهُم
وليس َفي قَلبِـه ِضَعفٌ ولاوَجَل ُ
والنعلُ مُذ قُطِعَت لم يخش َغَدرَتهُمْ
فَراحَ يُصلِحُها والقومُ قد وصَلوا
شُلّت يَـدُ ابنِ نُفَيل ٍوهو يفلِقُه ُ
في رأسِه ِ فتهاوىٰ وهوَ مُنجَدِل ُ
وجآءَهُ السبطُ كالثكلىٰ مُوَلَهة ٍ
وحال ُنكبتِه ِما ليس َ يُحتَمَل ُ
وحرقةٌ فيه ِ أودَت قَتل َ قاتله ِ
ثم ارتمىٰ فوقَه ُوالدمع ُ مُنهَمِل ُ
نادآه ُيا وَلدي مافيكَ آلمَني
بُعداً لـِشرذِمَةٍ أمثالَكُم ْقَتَـلوا
مُحدَودَب َالظهرِ ها قد عادَ يَحمِلُه ُ
نحوَ الخيام ِ ونار ٌ الوَجد ِتشتَعِل ُ
ورَملةٌ مُذ رأَتـه ُمُثخَناً صَرَخَتْ
قد ماتَ ياولدي في قتلِك َ الأمَل ُ
وأعوَلَتْ وَنَعَت والوجهَ قد لطَمَت
مَـنْ ذا يُصَبّرُها إذ خَطبُها جَلَل ُ

#سمير_الصالحي
#البصرة_الفيحاء
#كتبت_بعض_أبياتها_في_جوار_الأمير_ع



🏴 نعي مجردات

آنه بعازتك يمه يجسام
ردتك ذخر من جور الايام
جرحك أبد ماراح يلتام
عدّيتلك عام ٍ بعد عام
تكبر وازفك بين الاعمام
بس هلحلم يا وسفه مادام


#سمير_الصالحي


⚫️لوعة الأم الثاكلة ..

🏴أحلم دوم يوليدي ازفنك
🏴يالعريس ميت تالي اشوفنك

حلم أمك كبر لمن كبرت انته
أتأمل يجي يومك الناطرته
يبني جهاز عرسك كله حضرته
أشو نايم موذر جيتني لنك

تمنيتك ترد سالم يرفعة راس
واتنومس بطولك بين كل الناس
بهلاهل والورد أستقبلك والياس
صدگ بدماك ترجع بيها اغسلنك

كل ظني يجاسم افرح بعرسك
شاب وكل عمامك واگفه تزفك
يامحله من اخلي حنتي بچفك
ابوك الحسن وجهك يالولد چنك

يلوحيّد يوسفه وخابت ظنوني
چنت دنياي كلها ونور لعيوني
اموتن عگب موتك لو يخلوني
وانه بگبرك يبمه وبيدي احضننك

عله فگدك ييمه أبد ما أنلام
لشبابك يالولد گلبي يظل محتام
جرح الصابني خلافك فلا يلتام
بعجل ترحل وروحي أيست منك

يبمه لو شفت حزمة ولد يمشون
بنص السلف وانته بالترب مدفون
شلون انساك لتصدك ييمه شلون
ياشعرة گليبي و بيش اوصفنك

#سمير_الصالحي
#النجف_الأشرف


🌑 نعي - مجردات

ادور عل ابني بالميادين
مدري يعالم وين ماوين
وجهه بدر تضوي الوجنتين
والطول هيبه وماليي العين
جسام اسمه وعمه حسين
دلوني بالله اعليه يطيبين
شاب وعله امه كلش احنين
من فارگاني زاد الونين
لنحب عليه والطم الخدين

#سمير_الصالحي
#النجف_الأشرف
‏
———————————
🏴 الأم المفجوعة ( رملة ) وخبر
شهادة عزيزها القاسم ع
نعي __ مجردات

ظنيت من جابوك اليه
مجروح وجروحك شويه
سالم واطشن واهليه
واحنيلك اچفوفك بديه
أثاريك ميت يالشفيه
ويلاا يدهري الخان بيه

#سمير_الصالحي
#النجف_الأشرف
‏

#ليلة_الاكبر

ولم أنسَ حالَ السبطِ وهوَ مُوَدِعُ
شَبيهَ رسولِ اللهِ والعينُ تَدمَعُ
يُقَدِمُهُ للحربِ والقلبُ لاهب ٌ
وروحٌ لهُ كادَت من الجسمِ تُنزعُ
فخاطبَهُ أقبل بُنيَّ فإنَني
أراكَ ستَمضي لا أظنُكَ تَرجِعُ
فعانقَهُ للأرضِ يهوي كلاهُما
كَشبهِ الذي عندَ المُصيبةِ يُصرَعُ
وصاحَ بصوتٍ يابنَ سعدٍ قطعتَ لي
رَحِمي وهل نسلٌ لأحمدَ يُقطعُ !
فغاصَ عليٌ ضارباً في عدوِِّه ِ
وقد نالَهُم ضربٌ من الليثِ موجِعُ
وظلَّ حسينٌ شاخصََ العينِ مُمعِناً
بأنظارِهِ نحوَ ابنهِ وهيَ تَتبعُ
وقد جآءَهُ صوتُ الفراقِ مُسلماً
يُناديهِ أدركني وليتَكَ تَسمعُ
ومُهر ُعليٍ راحَ نحوَ عدُوّهِ
ليطعَنَهُ هذا وذاكَ يُبَضِِّعُ
وأقبلَ ملهوفاً لِيَرميَ نفسَهُ
عليهِ ونارٌ في الحُشاشةِ تَلذعُ
وخاطبَهُ في لوعةِ الحزنِ والأسى
عليكَ فؤادي يابنيَّ مُلوَّعُ
بنيَّ من الدنيا استرَحتَ وها أنا
من الهَّمِ والآهاتِ مُرَّاً أُجَرّعُ

#سمبر_الصالحي
#البصرة_الفيحاء

🏴 مقطوعتا نعي ٍ لمصيبة الأكبر ع
على وزن النصاري

شسولف عله الأكبر ساعة الطاح
اجاه حسين يصفج راحٍ براح
على الدنيا العفه خلاف الولد صاح
يبويه انشده بالي ولا بكه راي

يبويه ارحلت وانه ابكيت للهم
وتبدل كل نهاري وصار اظلم
وعليه الهضم ويه الحزن خيم
وانه يمك واشوفن فرحة اعداي

بهضني مصابك واحنالي ظهري
ومشه عكس المرام وياي دهري
تمنيتك ترد وانطيك عمري
وبوجه الاعادي توكف وياي

عليك الروح شاغت ياضوه العين
ولا اعرف اجيلك واتجه وين
عين عليك وعين اعله الصواوين
وعَلَي ضاگت الوسعه وگصت دنياي

دحاچيني من اسولف رد عليه
أبوك آنه وأشوفنك رميه
اگطعت شنهو السبب يالغالي بيه
يا هيبه الچنت للحرم حماي

شيفيد العتب يالغالي شيفيد
وعگب چتلك تراهو حيلي يبيد
ذخر ردتك إلي ومايصح بالأيد
العذر لله رحت ما شارب الماي

#سمير_الصالحي
#البصرة_الفيحاء

🏴عليك مني السلام أبه ياحسين

صاح بصوت بويه رحت عنك
تعال بساع ما تلحگ اظنك
اريد اشبع ييابه وداع منك
يبويه گربت مني المنيه

يگله ياعلي من جاني صوتك
انه تمنيت موتي گبل موتك
يافتشة عيوني وعود اخوتك
مااصدگ تروح وهاي هيه

يبويه من اگبلت هايم وفزاع
من فوك المهر ردت الزم الگاع
كل همي أحضنك ياعلي بساع
شبگتك يالولد بثنين اديه

اگعدت يمك يبويه والدمع خر
شفت طبراتك وگلبي تفطر
يالگبر صحت بويه الله واكبر
كل هذه الطعن ياريته بيه

ردتك عون الي وحملي تشيله
وحزن الصابني وهمي تزيله
بساعة طيحتى دمعك تهيله
بيوم الضيج اريدنك تچيه

شگل لمك يلكبر لو اجتني
تسايلني عليك وعاتبتني
وين ابني علي لو ناشدتني
أگلهه ابنچ گضه وراح امنديه

#سمير_الصالحي
#النجف_الاشرف
‏
🏴 موشح

🏴ياعلي الاكبر ينور عيوني
🏴امك انه بمصرعك فجعوني

آآه لو تدري ييمه بحالتي
من حنيني عليك خلصت چبدتي
دم عليك تسيل يبني دمعتي
حايره عگبك تره خلوني

عگبك بحيره اظل طول السنين
مساهره بذكراك ياشمعة العين
لون ليلي يطول ماابطل اونين
بطيحتك يبني تغير لوني

تدري من جابوك يمه الخيمتك
خضبيت الراس من دم هامتك
مگطعه اوصالك بظهرك طعنتك
ليله هذه ابنچ (علي) نادوني

نادت الحره العقيله شلون بيچ
والده وهم فاجده ويلي عليچ
صحت يازينب وصيتي بين اديچ
لومتت يم (اولدي )يدفنوني

گومي زينب نلطم لحال الشباب
خلي سكنه تنعه وتزيد العتاب
يامصاب الماشفت مثله مصاب
من البواچي مجرحات جفوني

ساعد الله فاطمه الزهره البتول
لو تشوف حسين مذبوح شتگول
خيل اميه تسحك بجسمه وتجول
ياوسافه من الولد حرموني

#سمير_الصالحي
#النجف_الاشرف
‏
——-————————
🌑 نعي __ مجردات

يبني علي رحت امنديه
وشمتت عداي اليوم بيه
(يا عمد بيتي و الثنيه)
ويلاه من هاي الرزيه
————————-
⚫️ مجردات

شيفيد العتب لو ردت اعاتب
لاتسمع كلامي ولاتجاوب
ومن الونين الچبد لاهب
حگ ارباي اريده وبيه اطالب
—————————
⚫️مجردات

احاچيك يبني يا شفيه
آنه امك حضنتك بين بديه
يلماضگت شربة اميّه
چبدك خلص سوده عليه
—————————
⚫️مجردات

يوليدي ياحلو الاطباع
خدك ترف وتنام عل الگاع
لاواحد يجيك بهمه فزاع
ربيتك ييمه والربه ضاع

#سمير_الصالحي
#النجف_الأشرف
‏

#محرم_الاصحاب

🌑 الانصار وألم السبط ع
⬛️◼️القصيدة-1-◼️⬛️
حلَّ البلاءُ وبانَ في الآفاقِ
وسِهامُ دَهري صَوبَت أعماقي
واللهُ قد أخذَ العهودَ بعلمِهِ
وأنا الذي لن أخلِفنْ ميثاقي
والغصنُ من زيتونةٍ غُرِسَت لنا
جارَت عِدايَ وأسقَطت أوراقي
وأرى العيالَ الظآمئينَ وليتَني
رَوَيتُهُم من دمعيَ الرَقراقِ
وقَسَت عليَّ النائباتُ فهذهِ
الأقمارُ قد أفَلت بغيرِ تلاقِ
يتسارعونَ الى المنونِ كأنهم
أسُدُ الشرىٰ لعرينِهم بسباق ِ
هذا صريعٌ ذاكَ تشهقُ روحُهُ
أسفي لهم لم يبقَ منهم باقِ
نادَيتُ صَحبي ياليوثُ تمهّلوا
نارُ ألأسى قد قررَت إحراقي
ووَدَدتُ أنَّ الموتَ عاجَلني وما
شاهدتُكُم تَسعَونَ نحوَ فِراقي
وقَضَوا وقلبي المستاهمُ بِلوعةٍ
ودموعُ عيني أقرَحَت آمآقي
#سمير_لصالحي
#النجف_الأشرف
‏

ُ⬛️🔳القصيدة-6-🔳⬛️

ها قد تجَمّعَ عندَهُ الأنصار ُ
فـهُمُ علىٰ نهـج ِ العقيدةِ سارُوا
وقَفوا مع السبط الحسين ِبَواسِلاً
وعلىٰ الطغاةِ بكُل ِِّ عزمٍ ثارُوا
تركُوا الحياةَ وطلّقُوا الدُنيا فلمْ
يَهِـنُـوا ومنهُم قد بَدا الإيثار ُ
وقلوبُهُم زُبَـرُ الحدّيدِ تَدَرَعُوا
صبراً لهذا لم يُصُبهُم عار ُ
عشِقُوا الشهادةَ في رحاب ِإمامِهِم
مُتآلفونَ صغارُهُم وكِـبار ُ
وبيوم ِ عاشورآ تجلىٰ حالُهُم
وطغىٰ عليهم في الوغىٰٰ الإصرار ُ
وحُسين ُيشحَذُهُم ألآ من ناصر ٍ
فَتَقَدَّمُوا وتَخّوَفَ الأشرار ُ
حتىٰ قَضَوا في كربلآءَ وإنَهُم
نعمَ الرجال ُ أشاوُس ٌ أبرار ُ
وعَليهِمُ ناح َالحُسين ُ بعبرة ٍ
ودُمُوعُه ُ لفراقِهِمْ مدرار ُ
ناداهُمُ ياصحبُ أبطال َالصَفا
حُزني عليكُم في فؤاديَ نار ُ
هلآ أجَبتُم يا كرامُ فأنتُم ُ
لظلامِ أيام ِ الأسىٰ أنوار ُ

#سمير_الصالحي
#البصرة_الفيحاء


🏴وين أصحاب الصفه وفرسانها
🏴ليش عفتوني بوسط عدوانها

ليش يا عابس ينافع يا برير
ياحبيب ويا سعيد ويا زهير
ليش عفتوني لوحدي بلا نصير
أبچيي اعليكم وسط ميدانها

يازلم ما سامعه بطاري الخوف
من نزلتوا گامت تميد الطفوف
واحد المنكم يعدونه بألوف
تشهد الكم كربله وكوفانها

تشهد بصولاتكم أرض وسمه
چنتوا لخيامي و لعيالي حمه
يـالفديتوا ارواحكم ويه ودمه
وسفه من اگضيتوا تاه عنانها

أنتم انصار الله مابيكم زلل
ينضرب بيكم يشجعان المثل
الكل من الكرار هالغيره انتهل
والورع والتضحيه وإيمانها

أنتم الأصحاب ياخير الاصحاب
شيب واطفال ونسه ونعم الشباب
والله من طحتوا وصفيتوا اعله التراب
حيف بيه تشمتت عدوانها

يالتركتوني وحيد بكربله
عليكم دموعي بحرگه سايله
شلون لو فرت عيالي بالفله
خلافكم يامر شمر وسنانها

من عگبكم حيل زادت غربتي
أهلي وانصاري گضوا يا لوعتي
اخذيني يسيوف ودَعجلي منيـّتي
وللشهاده اطلب بعد خلانها

#سمير_الصالحي
#البصرة_الفيحاء


🏴 أبوذية

يمن چنتوا حمه للدين ونصار
وَعَدكم يا ابطال الصفه ونصار !
مو گلتوا نظل وياك ونصار !
درع چا ليش نمتوا اعله الوطيه !

#سمير_الصالحي
#البصرة_الفيحاء

#الامام_الباقر

⬛️🔳القصيدة-4-🔳⬛️

ظلامٌ حلَّ في وادي البَقيع ِ
             دَمـاً تَجري لِوَحشَتِـه ِدُموعي
فهذا باقرُ العلم ِ استَباحُوا
             لـه ُ الحُرُمَاتِ بالسُم ِ النَقيع ِ
سَمّيُ المصطفىٰ عَلَمٌ تَقيٌّ
               لدين ِ الله ِكَالحِصن ِالمَنيع ِ
روىٰ الأخبار َ عن سَنَد ٍ وثيق ٍ
              لوالِدِه ِ إلىٰ الهادي الشفيع ِ
رأىٰ الويلات ِيومَ الطّف ِ مِنها
        حُسيناً وهو َمَرضُوض َالضُلوع ِ
وَقد رَفَعوا لـَهُ رأساً بِرُمح ٍ
               ويا لَـلّه ِ من جَسَد ٍ صَريع ٍ
وشاهدَ نسوةً فَرَت ْ بِرُعب ٍ
           وسَهماً جآء َ للطفل ِ الرَضيع ِ
وتُسبىٰ زينب ٌ لِيَزيد َ لكن ْ
          بلا خَوف ٍ هُناك َ ولا خُضُوع ِ
وهاهي َكربلا أضفَت عليه ِ
            مآس ٍ صار َ منها  كالجَزُوع ِ
يُحَدَث ُجابراً عنها ويبكي           
           بلا لَوم ٍعلى ٰالخَطب ِالفظيع ِ
ويَرحَل ُ بعد َ ألوان ِالرزايا
           علىٰ أيد ِالوَضيع ِبن ِالوضيع ِ
لِتُفجَع َ شيعَة ٌفيه ِفَـتَبـاً
             لِـقاتِلِه ِعلىٰ الجُرم ِ الشَنيع ِ

#سمير_الصالحي
#البصرة_الفيحاء



🏴نعي مجردات

تبچي الشريعه وكل العلوم
وركن الإسلام اليوم مهدوم
الباقر يموت بدس السموم

بساعة   مماته  يون  وينوح
وهاجت احزانه وكل الجروح
الباقر يصيح حسين مذبوح
شفته  سليب وذابت الروح

جعفر الصادق ويلي حاير
بحضنه گضه محمد الباقر
مسموم واصفر لونه صاير

#سمير_الصالحي
#البصرة_الفيحاء

#الامام_الباقر

⬛️ ◼️ القصيدة-2-◼️ ⬛️

يازائراً لِثرى بقيعِ  الغَرقدٍ
             أدِ   التحيةَ   عندَ   آلِ   محمدِ
وابكِ النفوسَ الزاكياتِ بحُرقةٍ
            فالنارُ من  ذكراهُم ُ  لم   تَخمُدِ
فإذا وقفتَ معايناً  لقبورِهم
         أطلِ العويلَ على الامامِ  المُرشدِ
الهاشميُ  الوالدينِ   محمدٌ
               ذاكَ  الذي سماهُ خيرُ  موحدِ
ولجابر ٍأوصى سَتُدرِكُ  شأنَهُ
             وتحيتي  أبلغ   لذاكَ َ  الفرقدِ
الباقرُ العلمَ  الذي عن جدهِ
           يروي الحديثَ  مؤَيداًً  وبمسنَدِ
مُذ كانَ طفلاً عانقَ الأحزانَ في
            طفِِّ العراقِ  وعينُهُ  لم  تَجمُدِ
وتجولُ ماساةُ السِبا بخيالهِ
           فيها بناتُ الوحيِ صرنَ بمرصدِ
ويرى الحسينَ الطُهرَ يُقطعُ نحرُهُ
           و القومُ  داسُوا  صَدرَهُ   بتعمُدِ
وبليلةٍ  ذاقَ  المرارَ  بغدرهِم
            دسُّوا  اليهِ   السُمَ  دونَ  تردُدِ
وضعوهُ في سَرجٍ ومنهُ تورَّمت
           قدماهُ     أبقتْ   حالهُ   بِتَسهُدِ
يُوصي بأن يُنعىٰ ويُبكىٰ جهرةً
          والنادباتُ   ينُحنَ  نوحَ  المُكمَدِ
كيما يدومَ الحزنُ للظامي الذي
          نزفت  دماهُ  ولم   تزلْ  بتجدُدِ

#سمير_الصالحي
#النجف_الأشرف

🌑 نعي __ نصاري

تفايض    يادمع    عيني      وتنثر
يگلبي  لفگد  ابو  الصادق    تفطر

بهضم  ياناس گضه  العمر مهموم
شاف مصاب جده  المات  مظلوم
يعاين   كربله   واشسوت   الگوم
بخيام   الحسين    النار      تسعر

تجول   بخاطره   فرة     النسوان
يشاهد چم سهم  صوّب  الرضعان
يوسفه  والعليل   بگيده    حيران
يصيح  اشهل مصيبه  الله   واكبر

عگب هذه الجره  ياشيعه  والصار
ما  بطل      النوح    بليل    ونهار
تاليهه   بسرج    سموه     الاشرار
طريح    يلوج    والونات     تكثر

غده  الصادق  عليه  يهمل  دمعته
ولا عم     البگه   ايسچن    عبرته
ابوه    وينچتل    صعبه     فرگته
يلوج    وينتحب   والگلب   فرفر

#سمير_الصالحي
#النجف_الأشرف

————————————-
⚫️ موشح

الليلة   مات   الباقر  بسم  الغدر
والگلوب مسعره    لفگد    البدر

ياوسافه  اعله الگضه بهم وحزن
بيد طاغي الجور مسموم  ويون
بالالم   واللوعه  چبده   الممتحن
وگلبه من ذاك السرج  يلهب جمر

باقر  علوم     اليسميه    الرسول
بالماثر فضله   باقي   وما   يزول
خل يگول الناصبي  وشما  يگول
ظلت   علومه   بعجايب   تنتشر

من فتح عينه اعله  عملة   كربله
شاف جده حسين ابن عقد الوله
مگطعه اوصاله   و عاري  بالفله
وشاهد   عياله   المذاعير   التفر

خل تگوم  بساع   تحضر  فاطمه
يم  ابو  الصادق  تهل  دمع  بدمه
تسأله   يا    حاله     أشد   ا تألمه
عمته  المسبيه   لو سوط   الشمر

#سمير_الصالحي
#النجف_الأشرف

🏴أبوذية

حزينه الأرض هاليله وظلماه
الباقر بالسرج سموه وظلماه
عليه انحب واجر حسره واظل ما
أبطل   النوح   ودموعي جريه

#سمير_الصالحي
#البصرة_الفيحاء

⬛️◼️القصيدة-3-◼️⬛️

أناخَ الركبُ في أرضِ الإباءِ
بثاني محرمٍ شهر ِ ِالعزاءِ
وإني قد شَمَمتُ القتلَ فيها
لإخواني وسبياً للنساءِ
كأنَ معالمَ الأحزانِ بانت
كأنَ الدمعَ يُمزَجُ بالدماءِ
وجالَ بخاطري قلقٌ قديمٌ
يُراودُني ويهتفُ مِن ورائي
بأنَ رزيةً لا كالرزايا
تكونُ بنِينوى أو كربلاءِ
تضجُ لهولِها الأملاكُ طُراً
مع الأفلاكِ تنحبُ في السماءِ
لملحمةِ الطفوف ِ وللمآسي
جبالُ الأرض ِ تهوي بانحناءِ
بكربِ بلاءِها قد هاجَ قلبي
لأَنّـا سوفَ نبقى دونَ ماء ِ
عُطاشىٰ والحسينُ بها صريعٌ
عفيرٌ قد قضىٰ وسَطَ العرآء ِ
ويهجِمُ جيشُ أبناءِ البغايا
لِينهبَ ثمَ يُحرقَ في خبائي
فوا ويلآهُ من سَبيّي وشَتمي
وآهٍ آه ِ مِن هذا البلاءِ
حسيناً سوفَ أصرَخُ ضاعَ خدري
و للعباسِ ِ يعقِبُه ُ ندائي
أغيثوا زينباً إذ ليسَ عندي
سوىٰ عتبي عليكُم أو بُكائي

#سمير_الصالحي
#البصرة_الفيحاء


🏴إجيت لكربله وتبرالي خُـّواني
🏴من هلّ المحرم يومه الثاني

طلعت من المدينه وكل اخوتي وياي
محشومه والناگه يگودها الوفاي
يباريني ويگلي يابعد عيناي
بيچ ابن الزچيه هواي وصاني

وصاني لحسين بخدمتچ زينب
والهه يابو فاضل تگضي كل مطلب
إختنه مدلله ومن السفر تتعب
چفيلچ ياام عون وهذا عنواني

شكرته وگتله خويه والنعم منك
وگلبي يهيد تدري من اشوفنك
ماتخلف وعد عباس اعرفنك
محسوده يخويه وانت ترعاني

حليبك طاهر وأمك تغذي بيك
بحب حسين أخييك دومهه توصيك
لتقصر ييمه حتى أرضه عليك
وما قصرت ابد بيك افتخر آني

ماحسيت لن حسين يتحسر
أثاري المهر يوگف نوب يتعثر
اسمعت كربله صاحوا والگلب فرفر
وشاطت روحي منهه وهاجت احزاني

نزل يشتم تراب الغاضريه وناح
وگال هنا يزينب تزهق الأرواح
يچتلوني وانصاري بالنبل وارماح
وسبايا هنانه تمسن بيد عدواني

واخوچ النفل يم المشرعه تلگيه
نايم والاعادي مگطعين ايديه
وراسه بالعمد يازينب مصوبيه
وسفه ميسره من بعده نسواني

اصرخت يحسين اموتن گبل موتك كون
ولا اشاهد بعيني راسك يگطعون
ولا اشوفن چفيلي عينه يطفون
هضيمه خلافكم شمر يتولاني

يبو سكينه أختكم لا تتركوني
بيتاماكم واراملكم تچفلوني
عگبكم بالبواچي يعمن عيوني
عجيبه الضيم من الزغر خاواني

عقيلتكم يخويه وعندي كومه اعتاب
معقوله انسبي وآنه بت داحي الباب !
بنت الزهره آني ويا عظم لمصاب
إلمن أشچي وشبيدي عله ازماني

#سمير_الصالحي
#كربلاء_القداسة

⬛️🔳القصيدة-5-🔳⬛️

وفوقَ تِـلآل ِ المجدِ طُـّراً تربَعُوا
علىٰ ذاكَ أهلُ العقل ِوالدينِ أجمَعوا
هُمُ الحقُ والإيمانُ والنورُ والهدىٰ
عليهِم يُصلي الله ُوالخلقُ تتبع ُ
وهُم عترةُ المختارِ طـهٰ وآلُـهُ
وكلُ مَديح ٍ بعدَ ذلكَ يُقطع ُ
دهتهُم رزايا فرّقتَهُم وهاهــُمُ
ضحايا غدَوا بين البقاعِ توزعوا
فكم أُشبِعُوا من آلِ حربٍ مَظالِماً
وجورُ بني العباسِ فيهِم لأفَظع ُ
فذا صادقُ القولِ الموقرُ جعفرٌ
إمامٌ عظيمٌ وهوَ للعلمِ منبَع ُ
لهُ شَهِدَت كلُّ المذاهبِ بالتقىٰ
وكانت إليهِ في الشريعةِ ترجِع ُ
بهِ فتكَ المنصورُ شُلّـت يمينُه ُ
يُجَرّعُهُ الويلات ِ ثمَّ يُلوّع ُ
ولمّا سقاهُ السُمَّ في عِنبٍ سَرىٰ
بأحشآءهِ والقلبُ منهُ يُقَطّع ُ
إلىٰ أن قضىٰ والكونُ ضجّ لموته ِ
وموسىٰ ابنُـهُ بالحُزنِ عيناهُ تدمعُ
أيا جعفرٌ نادىٰ عليهِ ووالدي
لأجلِكَ أعلامُ الحداد ِ ستُرفع ُ
وبعدَكَ أفآقُ المعارفِ عُطلَت
وفي قبرِكَ الأسرار ُوالعلم ُيودَعُ

#سمير_الصالحي
#النجف_الأشرف


⚫️ نعي - موشح
حال الإمام الكاظم ع

ياحسافه تموت يالصادق غدر
وتگضي نحبك بيد منصور الكفر
وابنك الكاظم فلا ظله صبر
يصيح بعدك نبقى والله بحيره

شنهو ذنبك تنسگي بسم نجيع
وانت فضلك ظاهر وعم الجميع
خايف اعله الناس من عگبك تضيع
لاچن الله العالم بتدبيره

لفرگتك ياوالدي اهتزت جبال
واظلمت دنياي من غاب الهلال
ودمعي دم لاجلك تراهو عليك سال
وهضمتي بهل اليوم حيل اچبيره

⚫️ نعي __ مجردات

آنه الزچيه وام الاولاد
كل گبر منهم صار ببلاد
منهم اليمي ومنهم ابعاد
ادورن عليهم والحزن زاد
مدري زماني مني اشراد
فَرّگ اولادي وگلبي ماهاد
——————
⚫️ نعي - مجردات

أدور بالقيع وابچي من دم
عله الصادق وچبده المسمم
مهدوم گبره وصاير اظلم

#سمير_الصالحي
#البصرة_الفيحاء

⬛️◼️القصيدة-2-◼️⬛️

أنينٌ في البقيعِ مع أنتحاب ِ
شجيٌ وهوَ من تحتِ التراب ِ
يُنادي يا بُني ٌَ إلي ٌَ عَجّل
بنوُ هندٍ تُهَدِِّم ُ في قِبابي
ألم يكفِ ِالأُلى ظُلمي وهَضمي
لِحَقي بل وعَصري خلفَ بابي!
ألم يكفِ ِالأُلىٰ إسقاط ُ طفلي
وكسرُ الضلعِ أو هَتكي حجابيِ!
فهذي قبةُ المبكىٰ تهاوَت
وزادَت لوعتي حُرَقاً لِما بي
وأبنائي قبورَهُمُ أباحُوا
فبئسَ الجرمُ من قوم ٍ ذئاب ِ
مراقدُهُم بُنيَّ غَدت رميماً
جِـنانٌ كيفَ آلَت للخراب ِ
أيا مهديُ أندبُ حينَ أبكي
معاتبةً ألآ فاسمع عتابي
انا الزهرآءُ أمُكَ أينَ ثاري !
آلآ فانهض وأبلغني جوابي
فنَوحي للحسينِ مدىٰ الزمانِ
ونَعيـّي للرضيعِ مع الرباب ِ
وتذرفُ مقلتايَ على الكفيل ِ
ولطمي للعقيلة ِ والشباب ِ
وهذا اليومَ نار ُالحزنِ هاجت
وقلبي ذابَ من هولِ المصاب ِ

#سمير_الصالحي
#البصرة_الفيحاء
‏

⚫️ نعي -- موشح

آه يالمهدي شيصبرك عل الجره
وانه ادري النار بيك موجره
مادريت امك الزهره محيره
يوم هدموا دوركم ظلت تنوح

تصيح ابو محمد ييمه ياحسن
ياعلي السجاد زيدتوا المحن
أنحب اعليكم وون طول الزمن
وهاجت اعله الباقر وجعفرجروح

جروح ذاك الباب ماطابن بعد
وچتل محسن ويلي ماانساه أبد
لو مصاب حسين يولادي الأشد
انذبح ظامي وعليه شاغت الروح

بيت الاحزان البناه حيدر بديه
وامك الزهره الي چانت تعتنيه
منهدم يالمهدي ياويلي عليه
ذكريات ولا اظن منك تروح

#سمير_الصالحي
#البصرة_الفيحاء
‏https://telegram.me/ShaikhSameerAlSsalehi

🏴من القصائد الأولىٰ التي نظمتها في ذكرىٰ فاجعة تهديم مقبرة البقيع والتي قرأها جملة من الخطباء وفقهم الله تعالى ٰ ..
⬛◾القصيدة-3-◾⬛

خَسفٌ بيثربَ زلزلَ الأركانا
والرُزءُ فينا هيّجَ الأشجانا
أحفادُ آل ِأميةٍ من حِقدهم
نهبُوا البقيعَ وهدّمُوا البُنيانا
تباً لهاتيكَ النفوسِ بجُرمها
هَتكتْ حريمَ المصطفىٰ عُدوانا
تلكَ القِبابُ الشامخاتُ تدكدَكتْ
لهفي لها ماذا جنّت لِتُهانا
مثوىً لأبناءِ البتولِ بغَـرقدٍ
فيهِ الزكيُ وذكرُه أبكانا
وعليٌ السجادُ ثمّ محمدٌ
ولجعفرٍ حُرَقٌ غَدت نيرانا
أم قبةُ المَبكىٰ لفاطمةٍ بها
كانت تَبثُ الوَجدَ والأحزانا
أسفاً لأقدسِ بقعةٍ مما جرىٰ
كالطفِ تبقى للأسىٰ عُنوانا
آهٍ لها مِن وَقعةٍ حَلّت بِنا
ونقولُ يامهديُ هاكَ عَزانا

#سمير_لصالحي
#البصرة_الفيحاء

🌑نعي __ مجردات

وين الذي يوصل غرينه
ويصيح حيدر ياعلينه
يا حيد يَمنّجي السفينه
يا بطل خيبر يا ولينه
تدري اشصاير بالمدينه
ولية كفر بويه انولينه
وهذا البقيع امهدمينه
ولا واحد الينغر علينه

#سمير_الصالحي
#البصرة_الفيحاء
‏
—————————————-
🌑نعي__ مجردات

يا فاطمه يم الاقمار
گومي بعجل شوفي الصار
اگبور ولدچ غدت طشار
بارض البقيع البيهه اسرار
يا حيف من عملة الكفار
ظلت يزهره بس الاثار
وان چان وصلتچ الاخبار
نوحي وهلي الدمع نثار
وزيدي ونينچ وابچي باعبار

#سمير_الصالحي
#البصرة_الفيحاء

⬛️◼️القصيدة-4-◼️⬛️

الموتُ باباً للمدينةِ أقفَلا
ولها الستارَ عن الجريمةِ أسدَلا
والعلمُ أوتِمَ والمعارفُ عُطِلت
والحقُ ضاعَ وللمصيبةِ أعوَلا
والعدلُ يبكي والشريعةُ أُزهِقت
ف(عليُ)في المحرابِ خرَ مُجدَلا
فعلا الصراخُ من الملآئكِ في السما
وبحقهِ (جبريلُ) قولاً رتَلا
وآهٍ لأركانِ الهدايةِ هُدِمت
و(العرشُ)حزناً للوصيِ تَزلزَلا
وعليهِ (زينبُ) أظهرت لشُجونِها
أبتاهُ عُذراً للرحّيلِ تَمهَلا
وأراكَ تمشي للمنونِ مُسارعاً
ووداعُك المشؤومُ جِسميَ أنحلا
قد كنتَ لي ظلاً ألوذُ بجنبِه
أبتاهُ تعلمُ في غيابِكَ نُبتلىٰ
ياأيها (الكرارُ) سكّن عبرةً
ماكنتَ ترضى ان يُشاهدَها الملا
أنت الذي بعدَ(البتولةِ)كنتَ لي
كهفاً من الارزاءِ فيَّ تَكَفلا
أبكيكَ دهري(عَندَماًً)*بمدامعي
والقلبُ بعدَ الفقدِ لن يتحَملا

* العَندم = نبات يُصبغ به كالدم
#سمير_الصالحي
#البصرة_الفيحاء


⚫️ نعي- مجردات
🏴 ينفع ليلة 20

تنوح اليتامه عليك وتون
كل منهم بهل يوم محزن
لفتك وللتوديع تعلن


#سمير_الصالحي
#البصرة_الفيحآء
—————————-
⚫️ نعي- مجردات
🏴 ينفع ليلة 20

چنه بامان وكلنه بحماك
وشلون ابن ملجم تدناك
والموت ياحيدر تعناك
وبروحتك تتشمت اعداك
وان چان رايح الله وياك
ودع يبو اليمه يتاماك
تصعب عليهم حيل فرگاك

#سمير_الصالحي
#البصرة_الفيحاء

⚫️ نعي - مجردات

يانعم الأبو يالطيبه ذاته
ياحيدر المعروفه صفاته
حيف النذل يگطع صلاته
رايد يگصرهه حياته
وتتشمت اعداه بمماته
وتتلوع خلافه بناته

#سمير_الصالحي
#البصرة_الفيحاء


🌑نعي - مجردات

راح العزيز الغالي وسفه
وكل الخلگ حيدر تعرفه
ذاك السخي العطاي چفه
و الچان للأيتام ملفه
وفرگة الوالي احاه كلفه
ورسومه عني شلون تخفه

#سمير_الصالحي
#البصرة_الفيحاء

🏴عن لسان العقيلة زينب ع المفجوعة بوالدها ..

🏴تغيب شلون يابويه و تخليني
🏴حزنانه وعليك ايكت دمع عيني

دمع عيني يسيل وحالتي حاله
محشومه چنت ومدللـه ابجاله
گلبي من القهر مگطوعة اماله
يخيمه الچانت بظلهه تفييني

المثلك ماحصل والد ابد بالكون
ينورعيوني وبموتك طفت لعيون
كل واحدمن اولادك صبح محزون
افراگك بالگلب نيرانه تچويني

حنين انته علي وشيعوض اغيابك
خلافك گلي شيصبرها احبابك
وهذي ايتامك تناطر عله بابك
اجت للدار اواسيهه وتواسيني

افطرت گبل الخلگ ياحيدر الكرار
ومصابك كلف مثله ابد ماصار
ياشهر الصيام اشخلَفِت آثار
تلوعني بقت أيامي وسنيني

علي باچر يجيني العيد وانته بعيد
والناس بفرح واحنه حزننه يزيد
ما اريد اليعايدنه ابد ما اريد
اريد الوادم بموتك تعزيني

نظل بعدك ترانه بحيره يالوالي
فگدناك بعجل ياوالدي الغالي
وزينب آني لوتدري اشجره لحالي
مِكِـدره وصورتك هيه التبچيني

#سمير_الصالحي
#البصرة_الفيحاء

#دخول_الشام



وراحَت بناتُ الوحي ِّللأسرِ حُسّرا
وشمرُ الخنا للشام ِفيهنَّ قد سَرىٰ
وفوقَ نياقٍ عُجّفٍ دونَما وِطا
رَكِبــنَ فأينَ الهاشميونَ يا تُـرىٰ !
وزينبُ بعدَ الخدرِ تُمسي سبيةً
وعباسُ جنبَ النهر ِ ثاوٍ وما دَرىٰ !
بأنّ اختَهُ مابينَ باغٍ وشاتمٍ
مُعَنّفةٌ والسوط ُ في المتنِ أثّـرا
وقد فارقَت سبطَ الرسول ِوجسمُهُ
طريحٌ عفيرٌ لا يزال ُ على الثرىٰ
فودّعَت ِ الإخوانَ لكن ْ رؤوسُهُم
تُرافِقُها والوضعُ يُدمي النواظِـرا
ليالٍ وأياماً تَسير ُ بغربة ٍ
ووجهُ ابنَة ِالزهرآ سريعاً تَغَيّرا
وسيقَت إلى قصرِ الطليقِ وإنّـها
لَـتخطو حيآءً ثم تمشي تَـعَّثُراً
ولكنّها تأبىٰ الخضوعَ لجورِهِم
وقد قرَرّت في الحالِِّ أن تتَصَبَرا
ومازادَها وَجداً سِوىٰ أنها رأَت
يزيداً ثنايا السبطِ بالعودِ كسّرا
فأنّت ونادَت يابنَ أمي ووالدي
وقلبٌ لها مُذ شاهدَتُه ُ تفَطَـرا
أخي ياحسينٌ ليتَ حانَت مَنيّتي
ولم أر َ ذا الباغي عليكَ قد اجتَـرا
تُعاتِبُه ُ عتب َالأخوة ِ قاسياً
لها الكون ُمن ذاكَ العتاب ِ تَكَدَّرا

#سمير_الصالحي
#البصرة_الموالية




⚫️ نعي مجردات

طبيت للمجلس اسيره
ومچتفه واني الاميره
بحبال خويه مستديره
لن النذل بايع ضميره
بگصره تطب وادم جثيره
تتفرج وما عدهه غيره
من شافني جناحي كسيره
مفجوعه والحاله خطيره
وسط الطشت راسك يديره
صديتله بحرگه چبيره
گتلك يبن خيرة الخيره
يحسين ياشيخ العشيره
لحگ تره زينب بحيره
خدري انهتك ماليش غيره
—————
⚫️بحر طويل
راسك يبن حامي الحمه
بالطشت خلاه
وبخيزرانه هل رجس
يضرب ثناياه
محد نغر من ساعته
ولحد تدناه
ياوسفه هاي الناس
لا مذهب ولادين

لني اشوفك ياحسين
ابن الزچيه
بعيونك تصدلي
وتذكرني بوصيه
حفظي يزينب عيلتي
اوياهم رقيه
وزين العباد برگبته
مگيد و الايدين

#سمير_الصالحي
#النجف_الأشرف
—————————-
⚫️ نعي مجردات

للشام جد السير بيه..........
وميسره لبن الدعيه .......
بحبال مچتوفات اديه ......
مامش بگت عندي تچيه ......
ولا ظل ولي ينغر عليه ...... ..
وين اخوتي سباع الثنيه ......
لا خُوان وآنه الهاشميه ......
وراسك يبن خير البريه .....
ابطشت الذهب جابو هديه......
صديتله بعبره جريه ......
ملزوم اَسمَعك هلشچيه ......
ترضه نطب ديوان اميه ......
وصاحو عليه خارجيه .....
لمن سمعت الشتم بيه .....
حنيت وبدمعه خفيه .....
گتلك يبن حامي الحميه ......
آنه الخدر عنوان اليه .....
وجدي رسول الله ونبيه ......
وعودي علي وامي الزچيه .....
يحسين أذوني اذيه .....
بگلبي تظل نارك سريه .....
—————-
⚫️بحر طويل
يحسين تدري بالخدر
راح ودلالي
وسفه عله زينب
تراني هذه حالي
مكتوب اظل بعدك
يخويه بغير والي
نمشي حرم وايتام وي اجناب ترضون

خويه الاشد واصعب
عليه فگد الاحباب
شنهو البصر يحسين
گلبي من الحزن ذاب
عن عيني يبن المرتضى
شخصك فلا غاب
يبن الزچيه الطاهره و يانور العيون

#سمير_الصالحي
#النجف_الأشرف
‏

#دخول_الشام

🏴الشام_والسبي

أروح ميسره ومچتوفه لارض الشام
وآني الچنت اميره وأهلي الحكام

محشومه چنت والخدر عنواني
فخر هاشم أنه وبجال خُواني
وسافه اعله الدهر تاليهه خلاني
سبيه وعل الهزيله بولية الظلام

على الهزل مشيت بلا ستر وگناع
وخدر بيت الوحي بطيحة الكافل ضاع
محد ينتخي ولحد يجي فزّاع
يفكني وما أظن ترجع بعد لايام

ما ترجع ايام الچانت ابالي
زينب آني محد شاهد اخيالي
وين اهل الرحم تتفكر لحالي
بت حيدر عجيبه بيا وكت تنضام

عجيبه انهضم واسمع كل حچي الشمات
اويصيحولي يزينب شو كفيلچ مات !!
وتسيل بحرگه من عيوني الدمعات
واعاين بس عليل اويه النسه وايتام

نساوين ويتامه وآني احاميهم
وعگب عباس صار الشمر حاديهم
ومحد لو بچوا ويلا ااا يخليهم
وجرح سبيي يعالم أبد مايلتام

هيچ اولاد حيدر روسهم برماح !
واشوف الشام گامت تعلن الأفراح
ويزيد الكفر من جابونا ظل مرتاح
وآني ملوّعه ومني الگلب محتام

#سمير_الصالحي
#البصرة_الموالية

#الدخول_الى_الشام

⬛️◾️القصيدة-1-◾️⬛️

وإني أنا بنتُ الخدورِ السوآترِ
ولم ترَ لي ظلاً عيونُ النوآظِـر ِ
وهاأنا ذا أُسبىٰ على عُجفِ نوقِهِم
وقد كنتُ أُحمىٰ من رجالٍ أكآبـر ِ
يُعنفُني هذا وذاكَ يَسبُني
وسرتُ مع الأعدآءِ مِن دونِ نآصر ِ
أميرَتُهُم أمسي عجيباً أسيرةً
ومن قبل ُبين الناس ِتُروىٰ مفاخري
فما أشَبَهَت كلُّ الرزايا .. رزيَّتي
ولم تجرِ في الدنيا علىٰ أي كافر ِ
وكنتُ إذا زرتُ البقيعَ تحِِّفُـني
رجال ُ نِـزار ٍكالصقور ِ الكوآسر ِ
ووالديَ الكرارُ يُطفي سراجَهُم
لـِئلا يُرىٰ ظلي وذا الليل ُساتري
فأينَ مضََوا عني حُماتي وفتيتي !
وهل قَبِلُوا أُهدىٰ إلىٰ شرِِّ فآجر ِ!
وهل هكذا يجفونَ زينبَ فخرَهُم!
وهل ياتُرىٰ يرضُونَ كسراً لخاطري !
وإني فما بارَحتُ نوَحي وحُرقَتي
على فقدِهِم تَهمي دموعُ محاجري
وبعدَهُمُ أنعىٰ وروحي حزينةٌ
وذكراهُم ُ دوماً تُهيّجُ مشاعري

#سمير_الصالحي
#البصرة_الموالية

⬛️◾️القصيدة-4-◾️⬛️

أنا السجادُ مغلولُ اليمين ِ
                  بجامعةٍ حديد ٍ قيدوني
أنا السجادُ في المحرابِ دوماً
             أنا البكّاء ُ للسبط ِ الحسين ِ
أعيشُ الدهرَ في حزنٍ طويل ٍ
          وعمريَ قد قضىٰ بينَ الأنين ِ
رأيتُم كيف َقادوني بقيدٍ
            وجامعة ٍ وحبل ٍ في اليدين ِ
أسيراً بين أبنآء ِ البغايا
          وإن أبطأتُ سوطاً يضربوني
أُحامي عن نسآءٍ ثاكلاتٍ
           وأيتام  ٍ تُساقُ   إلىٰ  اللعين ِ
عليلاً قد فُجِعتُ بقتل ِأهلي
       وحيداً في الطفوفِ بلا مُـعين ِ
وفوقَ مصآئبي أُسقىٰ ذعافاً
             بأيدِ الحقدِ عمداً يَقتلوني
سأرحلُ تاركاً ألماً وشجواً
              وآهات ٍ ودمعاً في عيوني
به ِشَيَّدتُ للباكينَ نهجاً
             حُسينياً قضَيتُ بهِ  سنيني

#سمير_الصالحي
#البصرة_الموالية

⚫️أبوذيات لشهادة إمامنا
زين العابدين وسيد الساجدين ع

🏴
يون وياه  كل  الكون لو ون
ضلوعه من رزايا حسين لوون
الباقر يوم مات  يصيح لو ون
عفتني ورحت وآنه اصفج بديه
🏴
عليل   وزيدتله  الضيم   علتاه
ويحامي عن حرم  وايتام علتاه
يعمه يصيح دوري بساع علتاه
أنتي  الكافله  وعندچ   وصيه
🏴
عسى ماي الفرات يگول لومار
ومثل   مصابنا   لا دار   لو مار
بكل مچان طاري حسين لو مر
تهيج  احزانه  من   يذكر   أبيّه

#سمير_الصالحي
#البصرة_الموالية