قناة خطباء المنبر الحسيني للقصائد

استشهاد  الامام جعفر الصادق عليه السلام .. كاني بمولاتي فاطمة الزهراء عليها السلام حضرت اللحظات الاخيرة وودعت ولدها المسموم . بلسان حال الشاعر


تجليبة

🏴🏴

اجت ل اوداع ابنهه فاطمه الزهره
اتنادي يلولد يمه اويه كل عثره

🏴🏴

لگتّه امسبلينه ايون عله القبله
وملتمّه بناته واخوته واهله
اسم الله لا تون يالصادق ادگلّه
تولاني الدهر كسره باثر كسره

✍  # ام محمد الحجاج

🏴🏴

ييمه بالگلب هامت هظايمكم
أجيت محزمه بحزاني وندبنكم
غربه بهالوطن ولمصطفى جدكم
شهر شوال زييد لمكم للحسره

✍  # رماد الخيام

🏴🏴


ييمـه ادگله ونك ذوب ادليلي
مصابك يصعب عليه وهدم حيلي
عزيــتنه جـرت من كربـــله  ويلي   
وجــروح الگلب خلّتهه ماتبــره

✍🏻  # ام عباس الحسیني

🏴🏴


مصايبكم تِهد حيلي واصيح الآه
إجيت أسال عن احوالك بعد يماه
كم غالي بعد غالي و أظل انعاه
لكن كربله بروحي أشد جمره


✍  # خادمة ابي الفضل

🏴🏴

حِضرتك بلممات وعاينت حالك
بونّات الاخيره تودعك عيالك
حدر كترك يجعفر لاذت اطفالك
مو مثل الغريب  السحگته العَشرَه

✍  # ام محمد الحجاج

🏴🏴

#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩

#اللحظات الأخيرة  بين مولاتي زينب عليها السلام وأمها الزهراء عليها السلام...

#وزن التجليبة

بــعيونــچ وداع امبيــن الليلـه..
أشم ريحة يتم والفرگه بالشيله..
⟥────────✤────────⟤

ونّاتچ ضعيفه وأنخطف لونچ
ونظرات الوداع امبينه بعيونچ
الهوی انتي ييمه اختنگ دونچ
تحاچي امها ودمعها زينب تسيله

✍🏻#ام_محمد_الحجاج
⟥────────✤────────⟤

تحاچيها وتجر حسرة بأثر حسرة
يطاري الفرگة احسها تگلها چن جمرة
شعبتي گليبي لتنظريلي هالنظرة
البُعد يكتل ييمه ومالي ابد حيله

✍🏻#ولائـية_وافتـخر (دعاء العامري)
⟥────────✤────────⟤

فــراكج يالحنينة والله مــا أحمله
ريت ويــاج أمــوت ولا أظل عدلة
ربــالــي الزمــان أبغيبتــج عـلـة
يظل مطروح حملي ومحد يشيله

✍🏻#آلّشآعرهً آلــــّعــلّويِـــه آلّمٌوسويِــــۿ
⟥────────✤────────⟤

هظايم فركتج مو هظمه يا يمه
وانا اعله الهظايم روحي متعلمه
وكل مصاب يجره للله بي حكمه
اصبر وحتسب وهمومي ثكيله

✍🏻#ام_فاطمة_الزهراء
⟥────────✤────────⟤

اهمومي ثگيله وشيبت راسي
فگدتج يالحنينه وأنتي أعز ناسي
وتدرينه زماني يم حسن جاسي
يارحلة عذابي بعدچ اطويله

✍🏻#رماد_الخيام
⟥────────✤────────⟤

يظل بيتچ عليّ موحش واصد للباب
واذكر عصرتچ يمه ابدمع سچاب
ما أنسى ونينچ والضلع منصاب
بس همّچ على ولادچ على العيله

✍🏻#خادمة_أبي_الفضل
⟥────────✤────────⟤

سمعيني يزينب يمه بوصيتي
صبر ثم الصبر لو دمعه هليتي
عينچ على اخوانچ همه عافيتي
اخوچ حسين من اينام لويله

✍🏻#ام_عباس_العبادي
⟥────────✤────────⟤

صعب فگدچ ييمه بيش اسلي الروح
العمر كله اخلصه بالبچي والنوح
شيطيب الگلب وجروحه لاهي اجروح
بعدچ يالحبيبه ياهو الأشكيله

✍🏻#خادمه_ام_الحسن_ام_مهدي_الفرطوسية
⟥────────✤────────⟤

#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩

#قصيده ليلة 19رمضان


سيف ابن ملجم على الهامه مضی
ويلي بلمحراب طاح  المرتضی
➖➖➖➖➖➖➖➖

صاح صايح اسمعه من السمه
الليله طبرو هامته حامي الحمه
طاح بلمحراب وايسيل الدمه
تهدمت الاركان واظلَّم الفضا

✍#علویه_ام_فاضل
➖➖➖➖➖➖➖➖
السمه فوگ الأرض رادت تطيح
صوت ناعي بالسمه ياذّن ويصيح
بمسجد الكوفه علي الليله جريح
هامته مطبوره والدم فيّضه

✍#ام_محمد_الحجاج
➖➖➖➖➖➖➖➖
اليوم بالمحراب مطبور الولي
ضجت الامـلاك تهتـف ياعـلي
والیتامه عليك ونــــها یعتلي
آه واویلاه تنعــــه المصطفى

✍#ام_عباس_الحسيني
➖➖➖➖➖➖➖➖
دمّه بتفايض امن اصوابه كلف
عله وجهه يسيل واويلي النزف
هامته من الجرح ما تنعرف
المحتم بي نزل وامر القضا

✍🏻#ام_محمد_الحجاج
➖➖➖➖➖➖➖➖
بدمه مزروع الحقد ناقص أصل
انشلت ايدينه على هذا الفعل
عيون كل الكون خلاها تهل
عالعقيلة الليل ريته لا گضى

✍🏻#ولائـية_وافتـخر (دعاء العامري)
➖➖➖➖➖➖➖➖
ولاسمعنه صوت جبريل الملك
غاصت الأكوان ونضج الفلك
تبؤ بمقعد  جــــهنـم هية الك
يالهدمت الدين واركان الهدى

✍🏻#رمـــــــــ✍🏼ـاد الخيام
➖➖➖➖➖➖➖➖

اشلون اوصف جرحك الماينوصف
صواب ابو الحسنين يادنيه كلف
هذا عالي الشان والبيه ينحلف
باب للحاجات كله موعظة

✍🏻#آلّشآعرهً آلــــّ؏ــلّويِـــــه آلّمٌوسويِــــۿ
➖➖➖➖➖➖➖➖

#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩