#قصائد_محرم_١٤٣٩ (128)
#الانصار_عليهم_السلام (الأنصار سادات الخدمه)
بخدمة حسين
مثل الأنصار أبد ما شافت الأيام
بخدمة حسين
بالطفوف توصفوا سادة الخدام
بذلوا الاجله النفس
▪ نطوا للعالم درس
بخدمة حسين
****صفوة أنصار أبو اليمه بالخدامه
همه سادات اليخدمون الامامه
تركوا بطف كربله اوضح علامه
لدينه ليقدم دمه يحصل كرامه
قدوه الأنصار
بكربله ضحوا لتعظيم الشعائر
قدوه الأنصار
وبأسمهم تصدح أصوات المنابر
بتضحيتهم نلتمس
▪ نطوا للعالم درس
بخدمة حسين
*********قدموا اروع صور وبأحله خدمه
كل فرد منهم نطه للناس حكمه
وحكمته لمن وگع سجله دمه
وزعوا أنفسهم الأجل أبو اليمه
بالميادين
مزگوا ثوب الحياة ولبسوا اجفان
بالميادين
انكتب الهم بالمجد والفخر عنوان
سدوا عيون الشمس
▪ نطوا للعالم درس
بخدمة حسين
********تضل تفخر بيهم وتحجي المفاخر
نصروا الي ضل غريب بلايه ناصر
صفوه كتبوا ياحسين اعله المناحر
ورفع رايتهم حبيب ابنه مظاهر
عابس وجون
سور صاروا للحسين من الاعادي
عابس وجون
ووهب ثلاثهم رفع صوته وينادي
بحبك انغيظ الرجس
▪ نطوا للعالم درس
بخدمة حسين
******** يضل للمحشر يرف باقي علمهم
وبصحيفة فاطمه اتصدر اسمهم
بذكر الحسين اقترن بالطف ذكرهم
والخدم تبقه بحزن تحيي امرهم
والخدم دوم
تضل تذكرهم بدمعات الرزيه
والخدم دوم
تبقى تهتف يارجال الغاضريه
تنادي هاليوم وأمس
▪ نطوا للعالم درس
بخدمة حسين
********** بأجر بيوم الحشر الهم مكانه
ساميه وكل فرد منهم عالي شانه
لأن بالله آمن ابگلبه ولسانه
حفظوا بدمهم وصانوها الامانه
ندعي ياناس
الله يشملنه برحال أنصار الحسين
ندعي ياناس
انواصل بدرب السبط نربح الدارين
والمشه بي ينحرس
▪ نطوا للعالم درس
بخدمة حسين
خادم أهل البيت ع
الشاعر زيد الكاظمي
#الناشر_ميرزه_محمد_البصراوي