قناة خطباء المنبر الحسيني للقصائد

#الاربعينية
#طور_الخضيب
#وكأني وصول السيدة زينب عند قبر الحسين ع وشكواها عنده



بضيم السّبي وحرق العبي .. جِيتك دمعتي تسيل
تعبانه يحسين الدّرب  .. مني اخذلي الحيل


صار الدّمع مثل الشّمِع .. بخدودي يكويني
وانه كبيره والحبل .. مشدود على إيدينيِ
ابكي بسكوت وما صحت .. الشامت يأذيني
ايصيحون يبت الخارجي  .. والسوط عليّه ايميل


سامحني خويه اتأخرت .. مروني ع الشامات
عِشت الشّماته والقهر .. والحسره والآهات
💔وبعد !!
خلوني بالمجلس أصد .. راسك يبو الكلفات
ما أحكي عن كل الشِفِت .. ولا احكي بالتفصيل


خَلني أخبرك بس مصاب .. عن وحشة الخربه
نِمنا على عاري الثرى  ..  واش حَرّها هالتُربَه
كل ساعة بنتك تِلتِفت  ..  والمدمع اتصُبه
وينه ابويه عَمِّتي .. عيني عَماها السّيِل


🖊خادمة أبي الفضل

#الاربعين

#الاربعينية
#طور_الخضيب
#وكأني وصول السيدة زينب عند قبر الحسين ع وشكواها عنده



بضيم السّبي وحرق العبي .. جِيتك دمعتي تسيل
تعبانه ياحسين اليسر  .. مني اخذلي الحيل


صار الدّمع مثل الشّمِع .. بخدودي يكويني
وانه كبيره والحبل .. مشدود على إيدينيِ
ابكي بسكوت وما صحت .. الشامت يأذيني
ايصيحون يبت الخارجي  .. والسوط عليّه ايميل


سامحني خويه اتأخرت .. مروني ع الشامات
عِشت الشّماته والقهر .. والحسره والآهات
💔وبعد !!
خلوني بالمجلس أصد .. راسك يبو الكلفات
ما أحكي عن كل الشِفِت .. ولا احكي بالتفصيل


خَلني أخبرك بس مصاب .. عن وحشة الخربه
نِمنا على عاري الثرى  ..  واش حَرّها هالتُربَه
كل ساعة بنتك تِلتِفت  ..  والمدمع اتصُبه
وينه ابويه عَمِّتي .. عيني عَماها السّيِل


🖊خادمة أبي الفضل

#لحن أومت بديها - الفايزي
#الاربعينية


ردينه من بعد اليسر لأهل الحميّه
جسمي نحيل من السّبي وعبره جريّه
وطولي حِنيته من الضّرب والصار بيّه
مو عادتك لمن اجي ما تقوم ليّه.

رديت الى كربله وبالقلب ناره
لو تنظر لحالتي شكثر محتاره
بين القبر والنّهر دمعي تِجارى
صعبه على خيتك تردلك سبيّة


رأسك يغالي سلوتي من كان وياي
جبته ارده للنّحر و اشربك الماي
واحكي سوالف مالحة الجرحّت عيناي
مشوني وانه مربطة يأشّرو عليّه


🖊خادمة أبي الفضل

#الاربعينية
#نعي شعبي عاشوري..عكراوي..
#حوار بين الحسين وزينب عليهما السلام.


هلا بضيفتنه يل كانت سبيه آه آه
تعالي وياي اسولف هالعشيه
نتذكر من كانت عيشتنه هنيه آه آه
ومن كانت إيدك لا تفارق إيديّه••

يزينب تذكرين بهذاك اليوم كنا
بصحن الدار وتظللنا فاطمه أمنا
فجعنا الدهر بيها وشتت شملنا
وانترس گلبك وگلبي بهموم الزكيّه••

بقينه يا زينب والعباس ويانه
نخاف من الهوه عليك لو لفانه
وابو الحملات يرفرف بسمانه
بشهر الصيام يوسفه خلانه بعزيه ••

#تجاوبه زينب عليه السلام:

عشرة عمرنه لا يوم ولا ثنين
انا عمري كله بس وياك يحسين
من بعد ذبحتك وسطوة البين
گادوني عالهزل خويه سبيّه••

حرموني من شم الهوه اليسري
منته الدوه والهوه الذي يجري
من گطعوا انفاسك انگطع عمري
خيال أمشي اتلوى مو بيديّه••

مشينه ومحروگة من عِدنه العِبي آه آه آه
وبعيوني نظرات الشَماته بدرب السبي آه آه آه
تتصدق الوادم علينا واحنه آل النبي آه آه آه
والاحبال من إيدي لإيد بنيتك رقيه••


🖊خادمة أبي الفضل
قسم المنبر الحسيني/مجموعة الاخوات