قناة خطباء المنبر الحسيني للقصائد

💫 #الإمام_الحسن_المجتبى_ع
💫 #طور_الفراق
💫 #صفر_1442_هـ

والله فجعة..حلت اببيت الرسالة
والله فجعة..عالحسن واللي جـراله
والله فجعة..حتى عرش الله بچاله

              ـ ◕~◕~◕ ـ

شهالمصيبة..سيـد الشبــان ينســم
شهالمصيبة..و هو للمجروح بلسم
شهالمصيبة..امن الالم چبده تگسم

              ـ ◕~◕~◕ ـ

يمه تنحب..بت علي وتهمل دمعهــا
يمه تنحب..زينب و تلطم ضلعـها
يمه تنحب..ونتــه اتهيج وجعهـا

ـــــــــــــ ◕~◕~◕~◕~◕ ـــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

▪️ لسان حال الامام الحسن (عليه السلام)، يخاطب أخته زينب (عليها السلام) لما رأت كبده الشريف في طشت أمامه.
▪️ #الإمام_الحسن_المجتبى_ع
▪️ #السيدة_زينب_ع
▪️ #طور_أمانة_هالوصية

يــــازينب لا تنــــوحيــــن
على امصابـــي لتبچيــــن
إذخــــريهــــا دمــــعتـــچ
يخويه لطيحة احسين

آه ~ زينب زينب زينب
آه ~ زينب زينب زينب

ــــــــــــ ❈ ❈ ❈ ــــــــــــ

الحسن ايده عْلى صدره
بــده يسولــف بحســرة
مســـح دمــــع العقيـلة
و دليــله يجــــري عبــــرة

آه ~ زينب زينب زينب
آه ~ زينب زينب زينب

ــــــــــــ ❈ ❈ ❈ ــــــــــــ

يگلهــــا صبـري يختـي
لأجــل چبــدي نِحَبتـي
اويه طشت الراس اخونه
تراهــو ايهــون طشتـي

آه ~ زينب زينب زينب
آه ~ زينب زينب زينب

ــــــــــــ ❈ ❈ ❈ ــــــــــــ

اجرحچ يختي مــا ريـــد
تروحـي امربّطــة الإيـد
أمامـچ راس الحسيــن
يضربــه اگبالــچ ايزيـــد

آه ~ زينب زينب زينب
آه ~ زينب زينب زينب

ــــــــــــ ❈ ❈ ❈ ــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

▪️ #الإمام_الحسن_المجتبى_ع
▪️ #أبوذية 👇

دمعتي اعليك من تهمل وسلهــه
اگلهه يا محب عنـدج وسلهــه
مصــابك ذوّب المهجــة وسلهــه
صدگ بالسم رحت يبن الزچية

ـــــــــــــــــــــ ❈ ❈ ❈ ـــــــــــــــــــــ

▪️ #لطمية 👇

يـــامجتبى نبچيــــك بدمــــوم والهم
ننصب مناحة عليـك هاليـوم بالهم
بهــذا المصاب نـواسي الحسين بالهم
بهــذا المصاب نـواسي الحسين بالهم

ـــــــــــــــــــــ ❈ ❈ ❈ ـــــــــــــــــــــ

سيـــد الشبـــان انت و ابــــن حيـــدر
و الامام الثانــي بالنــص انت تُذكَـــر
انت و حسيـن الشهيـد النـام بالحــر
امكــم الزهــرة العلّــي سمّاهـا كوثــر

جــدك رســـول الله و يسمّـــوك بالهم
والــــدك حيــــدر مايعرفــــوك؟ بالهم
يا حيـف اجتّك غــدرة البيــــن بالهم
بهــذا المصاب نـواسي الحسين بالهم

ـــــــــــــــــــــ ❈ ❈ ❈ ـــــــــــــــــــــ

يا أبــو محمــد نريـــد اليــــوم يمّــــك
نــواسي بدمــوع القهر للزهــرة امّـــك
بالبقيــــع الگبـــرك نطوفـــه و نشمّــك
يا ذنب ننشد يغـالي الطـاغي سمّـك

تقـذف چبدتـك گمت و تصيح بالهم
زينب غـدت كالطيـر الجريح بالهم
والله بمصــــابك تهمــل العيــن بالهم
بهــذا المصاب نـواسي الحسين بالهم

ـــــــــــــــــــــ ❈ ❈ ❈ ـــــــــــــــــــــ

يالحســــن ياسيــــدي ارد اعتـــذرلك
ابچي لمن ينگضي كـل دمعي لجلك
ابذكـرك مقصّــر أنــه لكـن احـن لك
بكل طريقة و كل وضع رايـد اوصلك

اوصل الـى گبــرك المهـــدوم بالهم
وسط الگلب دوم انت مرسوم بالهم
تفـديــك حتـى عيـوني الثنين بالهم
بهــذا المصاب نـواسي الحسين بالهم

ـــــــــــــــــــــ ❈ ❈ ❈ ـــــــــــــــــــــ

نواسي هــذا اليــوم اطفــالك الأيتــام
وبدمع مسفوح نحچــي ويـه جســام
نگــــله الله يعظّمــه لأجــرك بالإمــــام
وانت برض الطف ذبحتك وي الاعمام

رملة اصبحت ثكـلى و تناديــك بالهم
عمـــك تكسّر ظهــره اعليـــك بالهم
انعـاد اعله عمــك نفس الونيــن بالهم
بهــذا المصاب نـواسي الحسين بالهم

ـــــــــــــــــــــ ❈ ❈ ❈ ـــــــــــــــــــــ

المهدي ابهــذا المصاب اليـوم اعزّيـه
و اعـله عمــه المجتبى لازم أواسيــه
قلبه حامل كم مصاب اللي يهم بي
همــك و همنــا بظهــورك ربنــا يجليه

وبطلعتــــك تنصــــر المظلــــوم بالهم
ثــار الشهيـــد الـــراح مسمـــوم بالهم
ثــار الخــذوا راسه الـــى يزيــد بالهم
بهــذا المصاب نـواسي الحسين بالهم

ـــــــــــــــــــــ ❈ ❈ ❈ ـــــــــــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

#الإمام_الحسن_المجتبى_ع
#أبوذية

تعيد آلام فقد امنــا علينــه
وفقد المرتضى الوالد علينا
ينكبة وحلت الساعه علينه
فقدك يالحبيب اشعمل بيه

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

▪️ #الإمام_الحسن_المجتبى_ع
▪️ #طور_فائزي

نواسي البتول الطاهرة بالحسن هاليوم
نــذرف دمــوع العيــن للــراح مسمــوم
نتمنى نوصل قبره اللي صــار مهــدوم
انشَيّٰده ونقيم ابحضرته ماتــم سويــه

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

▪️ حوار بين الحسين :ع: وأخيه المجتبى "ع".
▪️ #الإمام_الحسين_الشهيد_ع
▪️ #الإمام_الحسن_المجتبى_ع
▪️ #طور_الفراق

💔 #الحسين_ع :

آنه اجيتك
يالحسـن يا اغلـى ناسـي
آنه اجيتك
دهري حيـل اويــاي قــاسي
آنه اجيتك
اگطعَــوا يــا خويــه راســي

ـــــــــــــ ✾ ✾ ✾ ــــــــــــــ

ضمني خويه
و ضمد اجروحي يمظلوم
ضمني خويه
شيل سهمي وامسح ادمـوم
ضمني خويه
شد جرح نحري يمسموم

ـــــــــــــ ✾ ✾ ✾ ــــــــــــــ

💔 #يجاوبه_الحسن_ع :

گله خويه
آنــــه ريت اتسمــم اردود
گله خويه
ولا اشوف ابن امي ممدود
گله خويه
جبـدي صار اعليك ممــرود

ـــــــــــــ ✾ ✾ ✾ ــــــــــــــ

شفتك آنه
جسمك مدمّــم بالاطفوف
شفتك آنه
الجيوش تحوطك اصفوف
شفتك آنه
گلبي صار اعليك ملهوف

ـــــــــــــ ✾ ✾ ✾ ــــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

▪️ #الإمام_الحسن_المجتبى_ع
▪️ #طور_الخضيب

هذا النبي سيد البشـر
              يجــري الدمــع هاليــوم

و وياه اشوف المنتظـر
              ينحب علــى المســمــوم

كلمن يواسي ام الخــدر
              كــن و الگلب مهـمــوم

والبضعـة يَــم المصطفى
              يجبـر كسـرهـا شلــون

اه يامسموم اه يامسموم اه يامسموم
        
ـــــــــــــــ ◕~◕~◕~◕~◕ ـــــــــــــــ

يجبر كسر ذاكه الضلع
              لـــــو كسـرة الـــدلّال

كسرة ابنهـا المنصــرع
              بالطــف تــهــد اجبــــال

لــو كسرة اگليب الحسن
              عَ شفافه دمـه انـهــال

آ يـــا گلب ام الحســن
              نــادى النبــي محزون

اه يامسموم اه يامسموم اه يامسموم

ـــــــــــــــ ◕~◕~◕~◕~◕ ـــــــــــــــ

✍ بقلم الشاعرة زينب الخفاجي
🗓 12 ذو القعدة 1440 ﮪ

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

#طور_الجفيري
#الإمام_الحسن_المجتبى_ع

زينب اجــــت يـــــمْ الحسن
شافت نِحَــــل منّــــه البَـدن
صــــارت تحاچيــــه ابشجن
خويه الحسن خويه الحسن

ــــــــــــــ ✾ ✾ ✾ ـــــــــــــــ

يـــاريـــحة امــي الـزهـــــرة
بعيــــونـك انــــظر عَبـــــــرة
شنهــــو ابـــدليـلك يــجـــره
خويه الحسن خويه الحسن

ــــــــــــــ ✾ ✾ ✾ ـــــــــــــــ

ليش اعلى بطنــــك يــــــدّك
شاحب اشــــوفــــن خــــدّك
بهـذا الطشت شــــو چبـــدك
خويه الحسن خويه الحسن

ــــــــــــــ ✾ ✾ ✾ ـــــــــــــــ

تقـــذف چبـــدتك شــو وذر
ابداعــــة ابـــونا المنطبــــــر
لاتخفي عن اختــــك خبــــر
خويه الحسن خويه الحسن

ــــــــــــــ ✾ ✾ ✾ ـــــــــــــــ

گـــال لهـــا يــاخويه اصبري
لا تكسـِــرينه خــــاطـــــــري
سَمّــــوني لكــــن منحـــــري
سالـم ولاعظمــــي انطحــن

آ~يالحســــن__آ~يالحســـــن💔

ــــــــــــــ ✾ ✾ ✾ ـــــــــــــــ

✍ الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم