واحد صاحبي قريب مني جدا قعد ٥ شهور بيرتب لسفر وشغل ومكنش قايلي مع اني كنت عارف بس عملت نفسي مش واخد بالي ولما ظبط اموره جه وقالي حسسته اني اول مرة اعرف وفرحتله جدا واحد صاحبي تاني كان بيحب واحدة جدا وبرده مكنش قايلي ولما اتأكد من مشاعره ومشاعرها وانهم هيتخطبوا جه على طول وقالي وخدني أنا بالذات ونزلنا حجزنا القاعة ولاقيته بيحكيلي تقريبا التفاصيل عشان يفرحني لازم يكون رد فعلك احترام لرغبتهم فِ انهم يستعينوا ع قضاء حوائجهم بالكتمان حتي لو خدت بالك متحاولش تجبرهم انهم يقولولك سيب اللي عايز يخبي يخبي بلاش نقعد نسال وندور لان مش بالضرورة يكون خايف انك تحسدوا مثلا ممكن يكون عندوا تفاصيل ومش عايز يتكلم فيها أساساً لأي سبب و مش هيقدر في الوقت ده أنه يرد على أسئلتك خصوصيات ومشاعر الناس ملهاش علاقه بقربك منهم أو حُبهم ليك خالص طالما مبيضركش او بياذيك يبقي ملكش الحق تزعل منه ابدا عن أبي هريرة رضي الله عنه قال : قال رسول الله صلى الله عليه وسلم : ( من حسن إسلام المرء تركه ما لا يعنيه ) الخلاصة : أترك مالا يعنيك ..♥️