#طنز_تبری_گوشینیشبیمه اِتتا رُوز دَرِ کِندا سَر
اِفتابِ کِل گوشیِ جـا شیمه وَر
پی یِر مِره خَیله صِدا هاکِرده
تا دُوشِ سَر، گَلی رِه وا هاکِرده
مِن ناهُوکه، حَنتا خادی حوسِن غُول
خِل بَییمآ، گوشی جه بِیمه مَشغُول
ناغافلی مِه پی یِر ره لَج بَهیته
پَنجِ بِرار مه دیمِ لَد دَپیته
مه چِشِ سُو یِکدَفه بَپِّرِســّـه
پی یِر بَتِه، باز بَزِنِم یا وَسّه؟
زِلفِ کَفِن، دَشِن بَشِن چــه کندی؟
شِ کَلّه یِ می ره فَشِن چه کاندی؟
اَبرُو ره نَی، نَکان زِوُون دِرازی
بِدَردِ ته نَخانّه قِرتی بازی
دِمبَده اوُن گوشی یِ بِصّاحابّه
دَس بَوِرآ بَکِش کَلُوشِ کابّه
هِشته هاکِن، کلُومِ جِفتِ وِرزا
بَلو ئو بیلّه بَی، هِرِس بُو صحرا
مِن که مِه گُوشِ بِن تِلا وَنگ زُوئه
هَنتا کَشیده یِ صِدا زَنگ زُوئه
یاواش شِه خِدّه جِرآجُور هاکِردْمه
بِســاطِ حُــقّه بازی جُور هاکِردْمه
سه چار قَدِم خِدّه پِیی بَکشیمه
لُوچِه ره با زِوون هِیی بَکشیمه
دَس به کَمِر، سینه سِپِر بَهیمه
گموُن هَکن، شِه جانجه سِــر بَهیمه
شِ جانِ پِشته کُوب لَتی دَیْتمه
بَوتمه ئو دلِ قَــری بَیْتمه
جانِ پی یِر، دِینا جِوون بَهی یه
دیمّه هارِش، قِرمِزِ خُوون بَهی یه
وِرزایِ کار، بَخار بَخاسه دُوندی؟
چِمِر نَزِنده، بی حِواسه دُوندی؟
وِرزا دِیگه اَمِسّه کار نَکانده
دَشته تِوِه خارِ شیار نَکانده
تِرَکتورِ شِرنه یِ قِروُون بَویم
هَردِتایی وِنه قَدِر دُون بَویم
حُوسنَمُو ره گامبی شیار هاکِنه
وَرز هاکِنه، لَته ره خار هاکِنه
جانِ تِرَکتور شُوکاره مُوندِنه
چار باهارِ جُوندِکاره مُوندِنه
وِرزا مُونا، پِسَر پِسَر نِخوانِ
باه باهُوتِن، یا کِلِ سَر نِخوانِ
خَسسِگی اَصلَن وِره حالی نَنه
جانِ تَنِ قِد ونه خالی نَنه
هَر چی گُو دارمی بَی بَروش پی یِرجان
تَفری هاکِن، تِ شیک دَپوُش پی یِرجان
هَمینتی که پِیی شیمه شاب بِ شاب
یاواش یاواش بَدِزّیمه پِرِ قاب
هَر چی گُو داشتِمی بَرُوت بَهی یه
پَشِــلوار و قِوا بَدوت بَهی یه
✍ #کولایی@lafoormycountry🍁🍂🍁🍂🍁🍂🍁🍂🍁