#چار_پاره_تبریمه دل خوانه هنیشم تا صواحی
شه ارمون جا دِدار هی کا هاکنم
همه گِنه ته ماهی ، آسمون من
شِه جانِ ماه ره، ونگا وا هاکنم
مره خو نَینه بی تِه، شه ندومبه
مه «حالِ دل» خرابَسّه چه انتی
غم و غرصه مه دورا وَر دَچیه
مه ارمونم کباب هسّه چه انتی
ته جا گپ زنده روزی صد کَش این دل
ونه اوسار مه دس جا سر هاکرده
مره بدجور زِمِر اشنه دنیا
کِنه چش مِره دربه در هاکرده
خله سخته جدایی هی سوزمبه
چتی یاد بکنم شه ارزوره
ته ور ساعات دقه تنگ بونه مه دل
شه خیال کشمبه ته بکا بوره
خدای ِ دل مه وِسّه چه نسوته؟
مِنی که دردِ قِرت دمبه تیناری
گِتی غرصه نخر تا من درمبه
تره من چه ندارمه شه هداری
شه جا قهرمه دنیاره نخامبه
خله تومه مره سر بشتی تینار
اتی اشمارمه اساره، اتی ماه
برو دگرد برو ای بی وفا یار
#رویا_اسداللهی🇯🇴🇮🇳
@LafoorMyCountryبرای حمایت از ما، لینک بالا را
👆👆به گروه ها و دوستانتان فوروارد کنید.
