لفور سرزمین زیبایی

#اسا_شعر

کوهنه مِرس، کوهنه لَمِه...
پیتِ پار خَرینِ
وَنگِ وا

وونِه راه دَکِفِن
کوهنه ناشتی بَخرینَن؟

#برگردان (دگاردنی)

مِسِ کهنه، نمدِ فرسوده...
سمساری دوره گرد
فریاد می زند.

می شود که دوره بیفتند
فقر ماندگارمان را بخرند!!؟

✍ #ویشار


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

ننای تن نخاری دارنه چن روز
مه دل ای بیقراری دارنه چن روز

بهووم من شه جانِ مار قروون
ونه خسته تنِ بیمارِ قروون

زمونه پیر هاکرده مه ننا ره
ونه سختی بدی جانِ بلاره

بهارِ ما ته گلِ رو ره نارنه
ته خسته تنِ سکه سو ره نارنه

#ویشار

@lafoormycountry
❄️🌨❄️🌨❄️🌨❄️🌨❄️

#شعر_تبری

پییزِ ما بیه مه دل سروشته
صحرای ولگ و خالِ وا بروشته

شِکلم جم بینه دارِ سر سیوهه
شه پر ره اِچکلنه هیاهوئه

تیکا کَمِک کَمِک پرچینِ کنار
شه خِد ره جا دنه میونه ی خال

گِلام دارِ جا دس کشنه دلّه
لَت و لتکا نوینه رویِ گِلّه

وارش بروشته دشت او بهیته
بلبل و پاپلی ره خو بهیته

پییزِ زردِ دیم دییار بهییه
ونوشه معطلِ بهار بهییه

تیرِ ما چارقده گِر بزو گَلی
شَروینه ما دراِنه وِنه پَلی

پییز بوردا مه دل غم سرهایته
سرما لسِک لسِک مِره ورهایته

✍ #ویشار


@lafoormycountry
🍁🍂🍁🍂🍁🍂🍁🍂🍁

افتاب مله ره سو کنده دواره
ییلاقِ ورفِ او کنده دواره
بهاره ککیمار تتی نو کنده
ونوشه دل کهو کنده دواره

#ویشار
#براری_خلیلی

#خلیل_کلا

@lafoormycountry
🌟💥🌟💥🌟💥🌟💥🌟

ته که دنی خنه تاریکه شوعه
ته که دنی مه دل تنگه کهوعه

ته که دنی ویشه بلبل نخونه
بهاره ونوشه بی بک و بوعه

ته که دنی خشی معنا ندارنه
مه وسه روزِ روشن تارِ شوعه

ته که دنی لت و لتکا بمرده
همه دار و درخت خشک هایته چوعه

ته که دنی دیگر خو نارنه مه چش
مره خیالِ راحت ، آرزوعه

#ویشار

@lafoormycountry
🌟💥🌟💥🌟💥🌟💥🌟

ننای تن نخاری دارنه چن روز
مه دل ای بیقراری دارنه چن روز

بهووم من شه جانِ مار قروون
ونه خسته تنِ بیمارِ قروون

زمونه پیر هاکرده مه ننا ره
ونه سختی بدی جانِ بلاره

بهارِ ما ته گلِ رو ره نارنه
ته خسته تنِ سکه سو ره نارنه

#ویشار

@lafoormycountry
🌟💥🌟💥🌟💥🌟💥🌟

🌺🌼🌸🌺🌼🌸🌺🌼🌸🌺
@lafoormycountry

#شعر_تبری

زمونه سازگار نیه برارون
برار، برارِ یار نیه برارون

صفا بورده کینه جا ره بهیته
غصه تموم دنیا ره بهیته

اتا نالنه درد بی کسی ره
اتی دارنه نونِ دلواپسی ره

برار خوِر ندارنه شه برارِ
ندونه شه کسونِ حال و کارِ

سوار هسه پیاده را ندارنه
شه سِره خوِرِ وشنا ندارنه

گرونی لنج لوج هاکرده یکسر
فقیرِ روزگار بهییه بدتر

اتّا لاقمه نون هم خالی بهییه
پنیر وِنسّه مثقالی بهییه

کجه وینه فقیرون گوشتِ رنگِ
کسی نشنونه بیچارون وَنگِ

نخردی جا تاب و توان دنییه
گمون هاکن وشونه جان دنییه

وچونِ آرزو بهییه اینتا
اَتکمِه سِمشکه بهووه پیدا

نا اتا دَس لباسِ نو ره وینه
نا اتا تیم کبابِ بو ره وینه

خلاصه بیچاره فقیرِ دنیا
خشی ندارنه و غم هسه پیدا

✍ #ویشار

@lafoormycountry
🌟💥🌟💥🌟💥🌟💥🌟

هوای نرمِ وارش خانه مه دل
ته اون نم نمِ خونش خانه مه دل

پاییزِ زردی و ورف زمستون
تیکا میچکای مِجِش خانه مه دل

✍ #ویشار

@lafoormycountry
🌟💥🌟💥🌟💥🌟💥🌟

بزن لله مه دل نخاره امشو
کوتر وچه دَوِسّه بالِ امشو
هزارون فکر و خیال دور هاکرده
ته گپ و خنده ی دِمّالِ امشو

#ویشار

@lafoormycountry

🌺🌼🌸🌺🌼🌸🌺🌼🌸🌺
@lafoormycountry

#شعر_تبری

مه دل، ای مشتِ دلتنگی بهییه
سره چه بی چک و خالی بهییه

بشکسته چو کل و کنار بهییه
باغ و لته لَم و لِپار بهییه

پَلِم سر هایته دورسِرخنه ره
تناری دوش هایته بوم و بنه ره

خامه داد بزنم هوار هاکنم
باخته زندگی بیدار هاکنم

کجه بورده ببا اون کاسبی کو
بهار و پاییز و دشت و زَمی کو

کجه بورده بهارِ ماهِ تیمجار
ببایِ دَس بلو، مرز و نو و وار

چِتی بیّه زمین مشته نشا کو
برار و خاخرون شور و صفا کو

چَل و اوشِّم، پیله و خال چی بیّه
ننای قشنگ ِ کِرچال چی بیه

کِلومِ زنگِ تال صدا نکنّه
وَره مارِسّه ونگ و وا نکنّه

کجه بورده روجایِ خالِگِ مار
چتی بیّه کوتی، کَمل و اوخار

تابستون کتپه سرِ نرمِ وا کو
سماوارِ چایی جانِ ببا کو

علف پشته پشته ببایِ دوش کو
تیساپه لینگ نا چکمه نا کلوش کو

کجه بورده پاییزِ ماهِ نِفار
بینجِ تاشی کوعه ببایِ کنار

جینگاسر مشتِ کَر فییه لیفا کو
ببایِ سر صدا، اسبِ جینگا کو

کجه بورده کَرِ سر بینجِ خروار
دشت و سره ره طی کِرده چاربیدار

اغوز و خروانی پاییزِ ماه کو
بلنده روشای سر و صدا کو

کجه بورده دشو کله هیاهو
کلا و کِلوَچه مشتِ دِشو کو

ببا بورده ونه قران بمونِّس
ونه رحل و صدایِ جان بمونِّس

ببایِ دَوِسّه کنار له بورده
ونه دسِ دکاشته دار له بورده

خنه با بیکسی همدم بهییه
ننایِ تنگِ دل پر غم بهییه

ننایِ چش همیشه را بهییه
رَسّه خنه ننا تنها بهییه

ننایِ تن نخار و دل کو تنگه
نا اتا ادمِ سروشا ونگه

روزا ماه اشمارنه عیدی که انه
ونه کتپه خنه شادی که انه

همه جا بی چمِر بیه خموشه
مه گلی مشتِ برمه و سروشه

✍ #براری_خلیلی
#ویشار

@lafoormycountry
🌟💥🌟💥🌟💥🌟💥🌟

🌺🌼🌸🌺🌼🌸🌺🌼🌸🌺
@lafoormycountry

#شعر_تبری

پاییزه ولگ و خالِ وا بَوِرده
خونش بلبل و میچکا دمرده

دشت و صحرا شه سبزی ره دکوشته
آسمون مشتِ ابر بیته بروشته

ویشه ره سر هایته لختِ دار و خال
زردِ چادر دکشی هسّه خالخال

چِمر جونکا نِنه تلار سر
گوکزا سر ره دنگو شه مارِ وَر

ونوشه باخته تا عیدِ پیشی
جنگل و ویشه ره بیته خاموشی

آفتاب در بموهه زردِ بیسوهه
پاییزه تنگِ دلِ من کهوهه

✍ #ویشار

@lafoormycountry
🌟💥🌟💥🌟💥🌟💥🌟

🌺🌼🌸🌺🌼🌸🌺🌼🌸🌺
@lafoormycountry

#دلنوشته

این پاییز چه دردها که در خود پنهان دارد🍂🍂
چه کسی میداند که در این کوچ غریب چلچله ها، به کدام سوی پریشانی خود بال گشودند و بهاری دیگر باز آیا به همین آشیانه که در این جا به سکوتی سرد خو کرده بر میگردند؟!🍂🍂
و سکوتی مبهم زیر این چادر رنگارنگ
پاییز که پر از زرد و پر از نارنجیست
همه ی پهنه دشت و گذر و باغ را پوشانده🍁🍁🍂
جنگل انگار پر است از زردی و خزان
راز جدایی برگها را که از شاخه ها دل کندن به نمایش گذاشت.🥀🍂🍂

زوزه ی باد که از دشت گذشت باز هم زمزمه ی درد جدایی دارد که در این کوچ و در این فاصله ها، رازی باقیست.
🍂🍁🍂
✍ #ویشار

@lafoormycountry
🌟💥🌟💥🌟💥🌟💥🌟

امروزه آسمون مشتِ میهائه
مه نازنین امروز مه چش براهه
کوتِر خوِر هاده مه جانِ دلِ
منو ته عاشقی دل جا بداهه
#ویشار
📸 #احمد_ساجدی
#اسپرز

@lafoormycountry

🌺🌼🌸🌺🌼🌸🌺🌼🌸🌺
@lafoormycountry

#دوبیتی_تبری

تِلا وَنگ بزوهه سحَر بهییه
مه یارِ بوردنِ گِدِر بهییه

پِنِمازِ شوما بِموهه دلبَر
مه وَسّه اَتّا دَم ویشتر نَهییه

#برگردان

آواز خروس می آید و وقت سحر است
و وقتِ رفتن یارم رسید
سرِ شب امده بود دلبرم
ولی برای من از سر شب تا سحر یک لحطه بیشتر نشد انگار

#براری_خلیلی
#ویشار

@lafoormycountry
🌟💥🌟💥🌟💥🌟💥🌟

ته بوردِ راه چش کشمه نِنی
ابِر بومه وارش کشمه ننی
ته وِسّه روزِ ما ره بشمارم من
ته سنگِ دل ره تش کشمه ننی

#براری_خلیلی
#ویشار

@lafoormycountry

کوچه پر از تنهایی و آوازی از درد است
این خانه بی رنگ نگاهت دائما سرد است
تقدیر باریدن گرفت اینجا غم و اندوه
گلبرگ قلبم بی تو همرنگ خزان زرد است💔

#براری_خلیلی
#ویشار

@lafoormycountry

🌺🌼🌸🌺🌼🌸🌺🌼🌸🌺
@lafoormycountry

#دلتنگی

مه دل، ای مشتِ دلتنگی بهییه
سره چه بی چک و خالی بهییه

بشکسته چو کل و کنار بهییه
باغ و لته لَم و لِپار بهییه

پَلِم سر هایته دورسِرخنه ره
تناری دوش هایته بوم و بنه ره

خامه داد بزنم هوار هاکنم
باخته زندگی بیدار هاکنم

کجه بورده ببا اون کاسبی کو
بهار و پاییز و دشت و زَمی کو

کجه بورده بهارِ ماهِ تیمجار
ببایِ دَس بلو، مرز و نو و وار

چِتی بیّه زمین مشته نشا کو
برار و خاخرون شور و صفا کو

چَل و اوشِّم، پیله و خال چی بیّه
ننای قشنگ ِ کِرچال چی بیه

کِلومِ زنگِ تال صدا نکنّه
وَره مارِسّه ونگ و وا نکنّه

کجه بورده روجایِ خالِگِ مار
چتی بیّه کوتی، کَمل و اوخار

تابستون کتپه سرِ نرمِ وا کو
صماوارِ چایی جانِ ببا کو

علف پشته پشته ببایِ دوش کو
تیساپه لینگ نا چکمه نا کلوش کو

کجه بورده پاییزِ ماهِ نِفار
بینجِ تاشی کوعه ببایِ کنار

جینگاسر مشتِ کَر فییه لیفا کو
ببایِ سر صدا، اسبِ جینگا کو

کجه بورده کَرِ سر بینجِ خروار
دشت و سره ره طی کِرده چاربیدار

اغوز و خروانی پاییزِ ماه کو
بلنده روشای سر و صدا کو

کجه بورده دشو کله هیاهو
کلا و کِلوَچه مشتِ دِشو کو

ببا بورده ونه قران بمونِّس
ونه رهل و صدایِ جان بمونِّس

ببایِ دَوِسّه کنار له بورده
ونه دسِ دکاشته دار له بورده

خنه با بیکسی همدم بهییه
ننایِ تنگِ دل پر غم بهییه

ننایِ چش همیشه را بهییه
رَسّه خنه ننا تنها بهییه

ننایِ تن نخار و دل کو تنگه
نا اتا ادمِ سروشا ونگه

روزا ماه اشمارنه عیدی که انه
ونه کتپه خنه شادی که انه

همه جا بیچمِر بیه خموشه
مه گلی مشتِ برمه و سروشه

✍ خانم #براری_خلیلی
#ویشار

@lafoormycountry
🌹🌷🌹🌷🌹🌷🌹🌷🌹

🌺🌼🌸🌺🌼🌸🌺🌼🌸🌺
@lafoormycountry

#غزل_تبری

مثال ککی بهار بهیمه
ته که دنی چی زرد و زار بهیمه

دشت و صحرا بهارِ رو بهیته
بی ته ریشه خشک هایته دار بهیمه

ونوشه دسه دسه در بمو باز
ته ندییِنِ جا بیمار بهیمه

نفس انه شونه زنده که نیمه
ته که بوردی اِتی غمدار بهیمه

ته رنگ و بو دره هِلّا مه خنه
بی ته اینجه زندونی وار بهیمه

سیصد و شست و شش روز هم بهووه
بی ته این روزا مه تنار بهیمه

مه دل خانه کوتر بَوِّم پر هایرم
ته غم جا دَوِسّه بال بهیمه

اِسا دل بی ته خشی ره نوینه
بی ته بی ماهِ شویِ تار بهیمه

مه دل سفره نیه هر جا بوه باز
بی ته بلبلِ بیقرار بهیمه

✍ #براری_خلیلی
#ویشار

@lafoormycountry
🌺🌼🌸🌺🌼🌸🌺🌼🌸🌺