لفور سرزمین زیبایی

🌺🌸🌼🌺🌸🌼🌺🌸🌼🌺
@lafoormycountry

#تقدیم_به_هِنرِی کیجائون_مازِرونی

#ساروی_کیجا

اَتا یار بَیتِمه ساری به اون دیم
اِسبه سَرِ روئه ماهه وِنه دیم

اَگه صد کَش مِره نَوینه دِلخواه
چِشِ اَصری بونه وارِشِ تیم تیم

#جویباری_کیجا

شِه یاره بِلاره جویباری هَسّه
هِنِرِ بارِ مارِ واری هَسّه

تیناری تیناری نشا نِشِنه
مِزیرِ مرد مونّه کاری هَسّه

#سوادکوهی_کیجا

سوادکوهی کیجا مَمرِزِ چِلّه
نامه ره دِمبدا اون وره پِلّه

صَفه به صَفه ره خوندِمبّه دلور
الهی تی بلا بَنده می دِلّه

#قائمشهری_کیجا

قائمشهری کیجا اَرمونِ می دل
تِره که نَوینِم تنگ گیرنه می دل

اَگه دور و وَر ره لیلی بَهیره
هیشکی ره غَیرِ تِه نِخوانه می دل

#بابلی_کیجا

دل خوانه بابلی می نومزه بَوّه
گلِ ونوشه ی هر روزه بَوّه

اون گِدِر که شومبه قبرِ میونه
می نماز و قرآن و روزه بَوّه

#امیرکلایی_کیجا

مِه نومزه ی سِره امیر کلائه
چادر به سر شونه بِلِن بالائه

رقم رقم شه دس اَلِنگو دارنه
تا لینگِ گِردنه مَشتِ طلائه

#بابلکناری_کیجا

بورِم بابلکناری یار بَهیرِم
وَچونِسّه خِجیرِ مار بَهیرِم

هِنیشیم بال به گِردِن تا صوائی
وِنه وَر دَواشِم قِرار بَهیرِم

#آملی_کیجا

آمِلِ پِلِ سَر گِذِر هاکِنِم
آمِلی کیجاره نَظِر هاکِنِم

اَگه خِدا بِخواد پَعییز امسال
شِه نومزه شاهیه محضر هاکِنِم

#محمودآبادی_کیجا

بورِم محمودآباد دِلوَر بَهیرِم
نا دلور بلکه تاجِ سر بَهیرِم

دِتایی راه بوریم دِریوی کنار
ذوق هاکِنِم خِشالی پَر بَهیرِم

#نوری_کیجا

نوری کیجا تِره خاهون بَهیمه
تی وِسّه بی سر و سامون بَهیمه

مِره بَوِردِنه نوشهرِ پاسگاه
اسیرِ دَسّه نامردون بَهیمه

#مازرونی_کیجا

مازِرونِ کیجا هِنِر باره
زِمسٌون دِله فصل بهاره

وِره داری نا وِشنائی تا تِشنا
تی خالی سفره ی شوم و نهاره

#هادی _اکبری وسطی کلایی

@lafoormycountry
🌟💥🌟💥🌟💥🌟💥🌟