🌺🌼🌸🌺🌼🌸🌺🌼🌸🌺@lafoormycountry#خشکه_چوخشک
چو بیمه مره تش بزنین
سرد روز کله ی کش بزنین
لش ندارمه اتا او وسه مره
چشمه نیه زرد او لش بزنین
سدر و کافور ره مه سرتن نمالین
چارتا پر نعنا ره مه نش بزنین
وقتی تابوته گیرنی دوش سر
شابه گت تر مثل آرش بزنین
مره زودتر دینگنین قبر دله
بعد از اون شونگه سیاوش بزنین
اتا تب اسری توقع نیه مره
امبا خنده وره غش غش بزنین
شل شلوار دکنین چکه سما
چکه با خوندش مهوش بزنین
مسه تام پلا ندین بمرده روز
من نخامبه دونه آبکش بزنین
تله او دیه اگه چارتا لیوان
یاد عصمت خاله دلکش بزنین
اگه انی مه مزار بیستا بهین
لله واره اونجه چن کش بزنین
لله دووه نا که رمضون پرسرو
جای اون رمضون اخفش بزنین
پش نداشته این کلای شاعری
تف به این کلای بی پش بزنین
شعری زیبا از استاد
#کیوس_گوران سوادکوهی، تحت عنوان وصیت نامه
@lafoormycountry🌟💥🌟💥🌟💥🌟💥🌟