#حامد_سوتگندم ره بوينين دسسه به دسسه
حامد-ه بوينين پلنگ ٚ مسسه
چۊنکه خاسسه دهقۊن بون آزاد
شه زندگي جا چش دوسسه
بۊرده هاکرده دهقۊنا وه صحبت
باؤته هاکنين با هم محبت
بوين همه همديگر ٚ پشت
تمۊم بهۊوه شمه مذلت
هندا که دهقۊنۊن بهینه رۊشن
اربابۊن بهينه
حامد ٚ دؤشمن
پيغۊم هدانه أم جا ندار کار
هرچي که خاني اماها-ره بار
حامد جواب-ه هداوه اینجۊر
اما-ره بکۊشين تن نديمبي زۊر
تمۊم بهيه اربابۊن ٚ دؤر
اسا بهيه دهقۊنای ٚ دؤر
گلۊگاه ٚ دله دکليه جاندار
اربابۊن ٚ سره دارننه چي کار؟
نقشه دکشينه نابۊدي ٚ وه
أتتا جان ٚ وه صد تير ؤ تفنگ
بۊرين صدا بزنين باقر سيا
شیپۊر ٚ جنگ-ه وه بياره صدا
شیپۊر تئه صدا دير هاکرده دير
قاسملۊ
حامد-ه هاکرده تير
صحرا ؤ دشته ره وارش بشۊسته
آسمۊن-ه بوين سيا دپۊشته
دهقۊن ٚ چش ؤ دل دکته خۊن
بوين گلۊگاه ره غم بشۊسته
استاد
#ابوالحسن_خوشرو🇯🇴🇮🇳
@LafoorMyCountryبرای حمایت از ما، لینک بالا را
👆👆به گروه ها و دوستانتان فوروارد کنید.