خداوندا مه پیری مره وسه
مه دیّن زار و خواری مره وسه
وچه بیمه، گوتنه پیر بووشی
سر و همسرون ره، دست گیر بووشی
اسا دومبه که پیر بیّن چه سخته
خاطرات جوونی مره وسّه
اونگِدِر پیر بووشی جان نداری
دست اش وچونا توان نداری
تاریکی خنه آ، تیناری دیّن
دیگه چش مِرواری*، مره وسّه
دیگه مه دستا لینگ یاری نکنده
یاد قوت قدیمی نکنده
پلندر* گرنه آ پیکره شونه
دردا رنجا مریضی مره وسّه
دیگه چشا گوش همراهی نکنده
چش سو بوردِ، وِل وِلی نکنده
نشنامبه من، خونش وچه زائون
طعنه آ زخم زوون، مره وسّه
همه گوتنه وچه، پیر بووشی
عاقلا بالغ آ دستگیر بووشی
ندونّه که پیری دیّن، چه زاره
اتا ماله نشینی، مره وسّه
مه دل تنگ هسته آ بی تابی کنده
یاد رفقون قدیمی کنده
همش سرونه آ دلتنگی کنده
دیگه چش انتظاری مره وسّه
پریچ انده نسرو پر حرفی نکن
پیرون زار ره ته قلمی نکن
اگه دنیای خشی ره ته خوانی
جان مار دلخشی تره وسّه
✍ #جمشید_پریچیتقدیم به همه جان پیر و مارون که پیر بینه و دست اش؛ که نیاز به توجه و محبت ویشری دارنّه دست مریزاد خدمت همه عزیزونی ره که وشون جا نگهداری کنّه
مرواری: اسری، اشک چشم
پلندر: خوابیدن دست و پا
🇯🇴🇮🇳
@LafoorMyCountryبرای حمایت از ما، لینک بالا را
👆👆به گروه ها و دوستانتان فوروارد کنید.