لفور سرزمین زیبایی

#تاج_و_تخت
شعر و خوانش
#کاظم_صداقتی_بورخانی
@lafoormycountry

🌿❣🌿❣🌿❣🌿❣🌿❣🌿
@lafoormycountry

#تاج_و_تَخت

لَتِ سَر۱ بَشورِن مِه شانس و بَختِه
اِتی دَیِّنا اِنتی تاج و تَختِه

مَگه اَشرفِ عالم من نَئیمِه
خِجیره خوارِ آدم من نَئیمه

نَتی تِه پیش مِه تُوم بِتّر دَنینِه؟
نَتی جز تِه مِه تُوم گَتّر دَنینِه؟

بَسوت بُو تَش دَکِت بُو مِه بِتیمّه
هَوِس نَکِردِبُو گَنّمِ تیمّه

مِرَتّا خِرنَخِرد راه دَر بَوِردِه
تِه گَنّم تیمِه پِشتِ سَر بَوِردِه

مِه دَسّه چِه دِماسی تو هِدایی
مِرِه کَپّل اینوَرِ کو هِدایی

مِرین دنیا دِلِه اورِک۲ دَوِسّی
مِه پِشتِ سَر لوشا کَلِک۳ دَوِسّی

راهِ سَر رِه شِلا شِپِر۴ دِکاشتی
لینگِه بِنِّ تَلی کِپِر دِکاشتی

خِداوندا اِتی دَیّنّه کورمِه
اِتی خُرد خُرد و رِز بَیّنّه کورمِه

اَتّا روز جِر بِرو بِنِه رِه هارِش
تِه مِه سَرسِلِه آ خِنِه رِه هارِش

هارِش بَوین چِتی سَر سِلِه دارمِه
شِه این دَیِّنِ جا من گِلِه دارمِه

اِسا که تِه دَری خِدایی کِندی
تَش زَندیا بَلِم ۵ هوایی کِندی

بسوزِن اِی خِدا تا فِل۶ بَواشِم
مِه عقلا هوشّه بَی تا خِل بَواشِم

مِه سَر بَخِردِه سَنگِه من شِه دومبِه
مِه کار همیشِه لَنگِه من شِه دومبِه

اَگه من سَربِرا بَوّم دِوارِه
تِه دلِ دِلبِخا بَوّم دِوارِه

قَسِم خِرمِِه تِه گَنّم جار نَشوئم
تِه باغ و لَتِه یِ هِدار نَشوئم

#برگردان:

روی تخته بشورند شانس و اقبال مرا
اینگونه زندگی و اینجور تاج و تخت را

مگر من اشرف خلق عالم نبودم
آدم خوبِه خوب من نبودم

نگفتی نزد تو بهتر از من کسی نیست؟
نگفتی بجز تو بزرگتر از من نیست؟

آتش می گرفت و می سوخت شکمم
هوس دانه یِ گندمت را نمی کرد

مرا یک خیر ندیده از راه بِدِر کرده
به دنبال دانه ی گندمت کشیده

چرا دست مرا گرفتی و تاباندی
اینگونه پرتابم کرده ای به این سمت کوه

مرا در این دنیا بند (زنجیر) کرده ای
پشت سرم لوشا کَلِک( درب) را بسته ای

سر راه من موانع گذاشته ای
زیر پایم بوته هایِ خاردار کاشته ای

خداوندا اینگونه زندگی را نمی خواهم
اینجور کوچک شدن ( تحقیر شدن) را نمی خواهم

یک روز بیا پایین و زمین را ببین
خانه و کاشانه یِ مرا نگاه کن

نگاه کن ببین چگونه منزلگاهی دارم
از این دنیایم گله دارم

حالا که تو داری خدایی می کنی
آتش می زنی و بَلِم ( دوده) هوا می فرستی

بسوزان ای خدا تا خاکستر شوم
عقل و هوش مرا بگیر تا دیوانه شوم

سرم به سنگ خورده خودم می دانم
کارم همیشه می لنگد می دانم

اگر من دوباره راهم را پیدا کنم
دوباره دلت خواهان من شود

قسم می خورم سمت مزرعه ی گندمت نروم
اصلا اطراف باغ و مزارع تو نخواهم رفت

#توضیحات:

لَت: تخته
لَتِ سَر بشورِن: در گذشته و شاید هم در این زمان جنازه را روی تخته های پهن به اندازه ی قد آدم گذاشته و غسلش می دهند.
لَتِ سَر بَشورِن= نوعی نفرین نیز می باشد.

۲- اورک= بستن افسار به درخت یا هر شیئی که بتواند حیوان را در جایش نگه دارد.
معمولاً افسار اسب را اگر به درخت یا هر چیز دیگه ای ببندند می گویند: اسبِ اورِک هاکرده.

۳- لوشا کَلِک= درب چوبی بسیار ساده

۴- شِل و شِپِر= درختچه ها و گیاهان بسیار انبوه که مانع رفت و آمد شوند.

۵- بَلِم= خاکستری که همراه آتش و دود به سمت بالا می رود.

۶- فِل= خاکستر

✍ #کاظم_صداقتی_بورخانی

@lafoormycountry
🌿❣🌿❣🌿❣🌿❣🌿❣🌿❣