Кушербаевга мурожаат

Кўприк тезроқ янгиланишини сўраймиз➖Деҳқонобод

Мурожаатчи: Биз Қашқадарё вилояти, Деҳқонобод тумани, Чашмирон МФЙ, Шашмирон қишлоғидан мурожаат йўллаяпмиз.

Ҳудудимизда 2000 дан ошиқ аҳоли истиқомат қилади. Ҳудудимиздаги кўприк ачинарли аҳволда. Бир нечта бола шу кўприк сабаб ногирон бўлган, яна бири вафот этган.

Кўприк масаласида Қашқадарё вилояти ҳокимига бир неча маротаба мурожаат қилганмиз. Вилоят ҳокими туман ҳокимига топшириқ берганди. Лекин туман ҳокими ҳалигача ваъдасини бажармади.

👉 @Kusherbayevga_murojaat

Янги пирамида Хоразм аҳолисини соғиб ичмоқда ➖Урганч

Ассалому алайкум!

Хоразм вилояти аҳолисини бир пирамида соғиб ичмоқда.

Бу пирамидани офислари
Урганч шаҳридаги "Urganch Karvon Shopping Center" гипермаркетида ва "Hamkorbek Biznes Sentr"да жойлашган .

Мен "Greenleaf" пирамидасини  офисига алданиб бориб, 4 млн 700 минг сум пул тулаб, ишга киргандим. 2 та одам топиб келсам, хар бир топган одамим учун 50$ дан 100$ ҳисобимга тушар экан.

Ундан ташқари нархи арзон фирманинг парфюмерия маҳсулотларини қиммат бахода сотиб одамларни алдай бошладим.

Вакт ўтгандан кейин бу фирмани ПИРАМИДА эканлигини тушундим. Пулимни қайтариш учун сўраганимда пулимни кайтариб беришмади.

Шунинг учун бу фирма ниқобидаги пирамида тўғрисида сизларга маълумот бермоқчиман. Зора буни ўқиганлар шу каби фирибгарларга алданиб қолтшмаса.

"Greenleaf" пирамидаси  турли касалликларни даволайдиган дорилар ва парфюмерия маҳсулотларини реклама қилади. Дорилар таркиби оддий, арзонроқ аналогини истаган дорихонада топиш мумкин.

Уларнинг таъсирида, бир муддат тетиклашгандек бўласиз, аммо шифо топмайсиз.

Компания дорилари Хитойдан келтирилар экан. Тантанавор тақдимотлар, машина ютуқлари, саёҳатлар ўтказилиб янги иштирокчилар қармоққа туширилади.

Пирамидага кўпинча ишсиз уйда дтирган хотин-кизлар алданиб кириб қолмокда. Пирамидага киришга пул тополмаганлар эса "TBC" банкидан 49% лик кредит олиб "Greenleaf"га аъзо бўлмоқда.

Урганч шаҳар ИИБга, прокуратура органларига бу пирамида устидан кўп шикоятлар келиб тушган. Лекин ҳалигача жиноят иши қўзҳатилмаган.

Бу пирамида "Гуанчжоу", "АИФ" каби ўзбекларни миллионлаб долларга туширган фирмаларнинг давомчиси ҳисобланади.

Мени ҳам кўпчилик қатори Урганч шахар ИИБга пирамида устидан шикоят қилиб, пулларимни олиб беришларини сўрагандим...

Хоразм вилоятидаги алданган аёллар номидан мурожаатимиз шуки, ушбу иш назоратга олиниб, қонуний чоралар кўрилсин.

Шахноза Абдуллаева,
Хоразм вилояти, Урганч шахри

👉 @Kusherbayevga_murojaat

Bugun butun respublika tarix o'qtuvchilariga yordam kerak!

Assalomu alaykum!

Biz o'qituvchilarga yordam bering. Bugun butun respublika tarix o'qtuvchilariga yordam kerak.

9.11.2024 yilda tarix fanidan atestatsiya o'tkazildi. Deyarli ko'pchilik 60 ball ham ololmadi.

Biz atestatsiya savollardan norozimiz. Biz tirik jonmiz ,texnika emas. Biz o'qituvchimiz, ma'lumotlar ba'zasi emas. 20-30 ta kitobni so'zma-so'z yod ololmaymiz.

Ko'pchilikning yoshi 40 dan oshgan. Inson xotirasi texnikaning imkoniyatidan ko'ra cheklangan. Bizga kitobiy tilda ped. mahorat kerak emas. Shundoq ham har kuni darsga kirgan o'qituvchi bu ped. mahoratni qo'llamasa ishlay olmaydi.

Savollar o'ta qiyin. Bunga o'xshagan savollarni biz ham tuzib beramiz kitobga qarab, o'zlari yechib bersinchi bir.

Iltimos shularni vazirlikka yetkazishda biz tarix, balki barcha o'qituvchilarga yordam bering.

Jabborova Shoira Purxonovna, Samarqand viloyati, Paxtachi tumani, 33-maktab tarix fani o'qituvchisi.

👉 @Kusherbayevga_murojaat

Qonun bu tadbirkorga tegishli emasmi? ➖Jizzax shahri

Bu video Jizzax viloyati Jizzax shahar Sayxon mahallasidan olingan.

Nega oddiy odam kochada daraxtni bargini yoqib yuborsa tabiatni zaxarlagani uchun jarima to'laydi? Nega oddiy odam shag'al tosh turpoq ortgani uchun jarima to'laydi?

Lekin har kuni yuzlab moshina toshni maydalab atmosferani buzayotgan "katta akalar"imizga qonun chora ko'rmaydi?

Qnunda bu kabi asfalt zavod va tosh maydalaydigan drablka aholi yashash xududidan 5 km 10 km uzoqlikda ishlatilishi, toshni changimaslik uchun yuvib foydalanishi ko'rsatilmaganmi?

Nega qaysidir tadbirkor tufayli bu atrofda yashaydiga mahalliy aholi burun tomoq va ichki azolari kasallanib shifokorga ko'p murojat qilish kerak?

Savol ko'p, jabrlanuvchi ko'p, qonun buzulishi ko'p. Lekin, javob yo'q, "adolat kuychisi" yo'q, qonun yo'q.

Aliyev Vali Qayumovich

👉 @Kusherbayevga_murojaat

Svetofor ishlashi uchun kimdir "avariya" qilishi shartmi?➖Mirishkor

Assalomu alaykum!

Qashqadaryo viloyati, Mirishkor tumani, Jeynov shaharchasidan murojaat yoʻllamoqdamiz.

Jeynov - Mirishkor tumanidagi avtomashinalarning eng serqatnov joyi hisoblanadi.

Shunday boʻlishiga qaramasdan ushbu svetofor 8-10 kundan buyon ishlamaydi. Haydovchilar esa juda qiynalyapti.

Shu svetofor ishlashi uchun kimdir "avariya" qilishi yoki odam oʻlishi shartmi?

Jeynovlik haydovchilar.

👉 @Kusherbayevga_murojaat

Бир машина шағал олса чора кўрадиганлар, бунга келганда нега жим? ➖Қуйи Чирчиқ

Тошкент вилояти, Қуйи Чирчиқ тумани Сурум маҳалласи ҳудудидаги ўрмон хўжалигига қарашли бўлган ушбу ер майдони "Maxima agro Claster" МЧЖга шоли экиш учун 30 йилга шартнома асосида ажратиб берилган.

Бироқ шу йилнинг 30 октябрь кунидан бошлаб бир гуруҳ номаълум шахслар зўравонлик билан бу ер майдонидан қум шағал қазиб олиб чиқиб кетишмоқда.

Биз бу борада бир қатор идораларга мурожаат қилмоқдамиз. Бироқ фойдаси. бўлмаяпти.

Бизга шоли учун берилган ерни кавлаб қум шағалини очиқчасига қонунбузарлик билан олиб кетилишига ҳамма кўз юмиб турибди. Геология вазирлиги ҳамон жим.

Бир машина шағални ноқонуний олса дарров чора кўрадиганлар нега буларга келганда жим?

Икром Эргашев

👉 @Kusherbayevga_murojaat

Болалар лой, ботқоққа ботиб мактаб ва боғчага боролмаяпди➖Деҳқонобод

Биз Қашқадарё вилояти, Дехқонобод тумани, Ойдин йўл МФЙдаги 66 та хўжалик 264 нафар аҳоли номидан мурожаат қилаяпмиз.

Маҳалла ичида қазилган жарлик борлиги учун болалар боғча ва мактабга лой, ботқоққа ботиб боролмаяпди.

Кўчамиз туман ҳокимлигидан 2 км узоқликда жойлашган бўлса-да этибордан четда қолиб кетганмиз.

Сув ўтиш йўлларга эскироқ бўлса ҳам ЛАТОК ётқизиб кўчага тошли жағал қилиб беришларини илтимос қиламиз.

Қашқадарё вилояти, Дехқонобод тумани, Ойдин йўл МФЙ аҳолиси.

👉 @Kusherbayevga_murojaat

Bosh vazirimiz topshiriqlari bajarilmayapti➖Buvayda

Murojaatchi: Assalomu alaykum, Rasul aka!

Men Farg‘ona viloyati, Buvayda tumanidagi umumta'lim maktablarida ishlaydigan HUQUQ fani o‘qituvchilari nomidan yozyapman.

O‘zbekiston Respublikasi Bosh Vaziri A. Aripovning 05.04.2024 kunidagi topshirig‘iga muvofiq, umumta'lim maktablarida ''tarix'' va ''huquq'' fanidan dars berayotgan pedagoglarning tegishli malaka toifasi ''tarbiya'' fani uchun ham tatbiq etilishi belgilab qo‘yilgan.

Lekin yangi o‘quv yili boshlanganligiga 2 oy bo‘lishiga qaramay, tuman MMTB tomonidan bu qaror ijrosi bajarilmayapti. Ya'ni huquq fanidan tegishli toifaga ega bo‘lgan o‘qituvchilarga tarbiya fanidan ham shu toifa bo‘yicha oylik to‘lanmayapti.

Ularning topib olgan gap ''baza toifani tortmayapti, bazada kamchilik bor''.

Turli xil bosimlardan holiroq bo‘lish uchun shaxsimni sir saqlayapman.

👉 @Kusherbayevga_murojaat

Boshlang‘ich ta'lim ustozlari attestatsiya jarayonidan norozimiz➖Guliston tumani

Shu yilning 4 oktabr kuni boshlangʻich ta'lim ustozlarini bilim va malakalarini tekshirish maqsadida boʻlib oʻtgan attestatsiya jarayonidan barcha boshlangʻich ustozlari norozimiz.

Men jarayonda qatnashgan blokimdagi savollarning 3 tasi notogʻri tuzilgan edi. U ham mayli faqat menda shunday 3 ta noto‘g‘ri chiqqandir desam, lekin minglab ustozlar qatnashdik. Ularda qancha chiqqan oʻzlariga maʼlum.

Ahir biz boshlangʻich ta'lim ustozlari boʻlsak, attestasiya spisofkasini koʻrsangiz 20 dan ortiq kitoblar edi. Bizga ped. mahoratni qoʻshishdi unga mayli koʻngan edik. Meyin 5-6 sinf matematika ona tilisi yana adabiyoti ham qoʻshildi.

Ahir biz buncha minglab maʼlumotlarni eslab qololmaymiz-ku. Bizda ham oila, bolalarimiz ishlarimiz bor.

Unga ham koʻnib oʻqidik. Testda 50 ta savol, lekin 150-200 talab test yechib chiqdik, moslashtirishlar juda koʻp. Unisiga ham koʻnib testlarni ishladik, lekin notogʻri tuzilgan testlar bor.

Shularni koʻrib chiqilishini soʻrab qolardim.

Akkulova Surayyo,
Sirdaryo biloyati, Guliston tumani.

👉 @Kusherbayevga_murojaat

Qachongacha o'qituvchi saviyasi quruq "oshiriladi"?

Assalomu alaykum!

Men Farg'ona viloyati, Oltiariq tumanidan Yunusova Mahfuzaxon Bahodirjon qizi, respublika fizika ustozlari nomidan yozyapman.

Maktablarda deyarli 80% fizika ustozlari ayol ustozlar. 31-oktabr kuni fizika fanidan navbatdagi attestatsiya jarayoni Farg'ona shahar 28-maktabda bo'lib o'tdi.

Bu testda qatnashgan viloyat fiziklaridan deyarli ulush hisobida 1-2 foiz odam toifaga o'tdi.

Shu 2-3 yildan beri test jarayoniga chet el kitoblari tarjima qilib bizga berilmoqda. Bu testlar tushishi haqida, manba haqida ustozlarga ma'lumot berilishi kerak emasmi? Adabiyotlar ro'yxatiga kiritilishi kerakmasmikin? Qachongacha o'qituvchi saviyasi quruq "oshiriladi"?

Ehtimol, bizni saviyasiz, shu testni ishlolmaysanmi, deb kulishingiz mumkin. Ammo juda ko'pdan beri faoliyat yuritayotgan, tajribali ustozlar ham bu jarayondan keyin ruhiy tushkunlikka tushib qolmoqda. Biz fidoyi bo'lishimiz bizga bo'lgan e'tiborda emasmi?

Ruhan tushkun odam qandoq jamiyatga lider insonlar tayyorlaydi?! Iltimos, test jarayonlari qayta o'tkazilib, darsliklar asosida tuzilishida ko'mak bering!

👉 @Kusherbayevga_murojaat

Majburiy ijrodan qarzdorligimni to‘lasam ham bittasi chiqyapti ➖Chiroqchi

Barakatopkurlar nimaga pulga to‘ymaydi bular. Meni obkomding xotini deb o‘ylayaptimi?

TETK barcha oshirib yozgan jarimasi-yu, pora o‘rnida tiqishtirgan so‘mmalarigacha yozib bo‘ynimga bosib, Majburiy ijroga bergan qarzmas qarzimni to‘lab qo‘ysam ham yana qarz deb kelyapti telefonimga sms kelayapti.

Bironta bir tushunadigan odam tushuncha berivorsin menga nima bo‘layotganligini bu yerda. Faqat pul yeyishmikan yoki tizimda dangasalikmikan?

Xo‘jamiyorova Zulayxo
Chiroqchi tuman Yashnabod mahallasi.

👉 @Kusherbayevga_murojaat

Biz ustozlar attestatsiya jarayonlaridan norozimiz➖Jizzax

Men Jizzax viloyatidanman.

31 oktabr kuni bolib òtgan Fizika fanidan Atestatsiya jarayonlaridan barcha fizik ustozlar norozimiz.

Mening aytmoqchi bolganim shuki, men jarayonda qatnashib juda kop masalaning tog‘ri javobini variantlar qatoridan topolmadim.

Iloji bolsa o‘zimning blankamni bazadan ochib berishsa isboti bilan taqdim etaman.

Qolganlar bilan o‘tsa bolardi-ku deyishingiz mumkin. Ammo shuning o‘zi bizga ishonchsizlik olib keldi.

Demak tog‘ri deb belgilaganimiz ham kampyuter tomonidan xato ketgandir. Ahir bu 4 Yoki 5 ta savol oliy toifa olish uchun kerakli baldir.

Yillar davomida uy yumishlari bilan birga atestatsiya uchun o‘zining farzandidan oilasidan vaqtini ajratib tayyorlanganlar qancha edi.

Ular rozg‘orlarini shugina bilan oz bolsada rozg‘ori-ku maylli maktabdagi obroyarichi shuni o‘ylab sizga murojat qildim.

Iloji bolsa xato va kamchiliklarsiz ustozlarga atestatsiya jarayonini muammosiz qayta tashkillashtirib berishda amaliy yordam bersangiz.
Biz sizga ishonamiz xalqimiz xizmatidan charchamang.

Farxodova Dilnoza Oybek qizi

👉 @Kusherbayevga_murojaat

Суд қарорига беписандлик қилишмоқда➖Термиз

Ассалому алайкум!

2024 йил 26 август куни фуқаролик ишлари бўйича Термез шаҳар туманлараро судининг ишга тиклаш ва компенсация тўлаш тўғрисидаги хал қилув қарори чиқди ва ижрога қаратилди.

Жавобгар Сурхондарё вилояти "Ягона буюртмачи хизмати" ДУК.

Мен демократик хуқуқий давлатимизда биз сайлаган депутатлар томонидан тасдиқланган қонунлар судлар томонидан чиқарилган қарорларга беписандлик билан қаралаётланига ҳайрон қолаяпман.

Сиздан қонун устуворлигини таъминлашда амалий ёрдам беришингизни илтимос қилиб сўрайман.

Фарход Чоршанбиев

👉 @Kusherbayevga_murojaat

DAV рақамли машиналарга ҳамма нарса мумкинми?➖Самарқанд

Йўл қоидаларини очиқчасига бузаётган мана бу 30 701 DAV рақамли машинага ҳамма нарса мумкинми?

Бу махсус машина бўлганида кўк-қизиқ ёниб турувчи чироқлари бўларди. Бироқ унақасиям йўқ. ГАИ ходимиям кўриб туриб ўтказиб юборган.

Ушбу ҳолатга чора кўришларини сўраймиз.

Шахсимни сир сақланг фақат.

👉 @Kusherbayevga_murojaat