View in Telegram
Senga
Tong. Tomosha boshlaydi quyosh.
Uzilar oymomo parda tortgan ip.
Sen har kuni uydan chiqib ketasan
Adolat qidirib.
Ishxonaga borsang,
Kular hamkasbing:
"Nega xomush tortib qolding, ey inim?
Bu dunyoda Adolat bor.
U ham bo‘lsa mening xotinim".
Sen javob bermaysan qo‘ng‘irog‘imga.
Bandsan, bir daqiqa olmaysan tinim.
Sen yumushdan qaytib kelguncha
Faqat kutish bilan o‘tadi kunim.
Ish qog‘ozlarini takror titasan.
U yo‘q.
Uni kimdir olgan bo‘ladi.
Googlening aytishi bo‘yicha,
Adolat
Temur uzugida qolgan bo‘ladi.
Xayriyat, tugaydi sening ish kuning.
Bir qarab olasan posbon soatga.
Azizim, iltimos, bitta kulib qo‘y.
Bugun uchramading mag‘lubiyatga.
Mana ko‘tarilding zinadan.
Eshik qo‘ng‘irog‘in bosasan mana:
Sen sezmay qolasan qaytgan mahaling
Adolat qiladi TANTANA.
Kumush Abdusalomova
@kumush_abdusalomova
Love Center - Dating, Friends & Matches, NY, LA, Dubai, Global
Find friends or serious relationships easily