قصيدة ارشاديه لبداية محرم
قصيدة بدايتها
نعي✍کلمات ::خادمة يعسوب الدين ام ذو الفقار ألمانيا
┈┉━❀❥❃❥❀━┅┄ ┈┉━❀❥❃❥❀━┅┄ ┈┉━❀❥❃❥❀━┅┄ ┈┉━❀❥❃❥❀━┅┄
#نعي✍اتلگي ام عون والزينه دنزعيها
وضميها التراجي ولاااتلبسيها
و لخاطر رقية اليوم ذبيها
كون امكدره ابونه تلاگيها
#القصيدة✍اتلگي الزاكيه ودگي عله الهامه
يزينب جايه والروح محتامه
اتلگي الزاكيه والونه طوليها
ياهلال المصايب بين اعليها
تريد اليوم وين اللي يواسيها
تصيح بصوت شهري بانت اسهامه
┈┉━❀❥❃❥❀━┅┄ ┈┉━❀❥❃❥❀━┅┄ ┈┉━❀❥❃❥❀━┅┄ ┈┉━❀❥❃❥❀━┅┄
يشهر النايبه والنوح واللوعه
زينب حايره وتصيح مفجوعه
تلگيها بثكل واهموم مجموعه
تره ابهذا الشهر تفگدها لنشامه
┈┉━❀❥❃❥❀━┅┄ ┈┉━❀❥❃❥❀━┅┄ ┈┉━❀❥❃❥❀━┅┄ ┈┉━❀❥❃❥❀━┅┄
تره بهذا الشهر تفگد العياله
الله يعينها ويالعاشر اهواله
گومي استقبليها بدمعه هماله
لطمي عالغريب الطاحت ازلامه
┈┉━❀❥❃❥❀━┅┄ ┈┉━❀❥❃❥❀━┅┄ ┈┉━❀❥❃❥❀━┅┄ ┈┉━❀❥❃❥❀━┅┄
لطمي عالغريب وصيحي يالحره
عوفيه الضحگ والزينه والحمره
حزني عالحسين ، احسين مو شُهره
وصيحي احاه يامسلوب العمامه
┈┉━❀❥❃❥❀━┅┄ ┈┉━❀❥❃❥❀━┅┄ ┈┉━❀❥❃❥❀━┅┄ ┈┉━❀❥❃❥❀━┅┄
مسلوب العمامه وحالته هظمه
تره الزهرة تريدج دوم محتشمه
وزحمه بماتم المظلوم مبتسمه
ترى بحكمه اجت لينه الكمامه
┈┉━❀❥❃❥❀━┅┄ ┈┉━❀❥❃❥❀━┅┄ ┈┉━❀❥❃❥❀━┅┄ ┈┉━❀❥❃❥❀━┅┄
ترى بحگمه اجت والعقل يفهمها
الزهره رادت اتغطي الضحك سنها
تتعب حيل بالمجلس تعاينها
گلب الزاجيه هالزادن آلأمه
┈┉━❀❥❃❥❀━┅┄ ┈┉━❀❥❃❥❀━┅┄ ┈┉━❀❥❃❥❀━┅┄ ┈┉━❀❥❃❥❀━┅┄
تمت بعون الله وتوفيقه غير مبري الذمه من يحذف الأسم ويغير في الكلمات أو ينسبه الكلام لغير شاعرة مشكول الذمه
اهدي عملي هذا الى صاحب العصر والزمان عجل الله فرجه صدقه جاريه لسلامته
https://t.center/kjhgkkb