مش دايمًا بالشطارة والمذاكرة الكتير وأكل الكتب ولكن بالهدوء والذكاء.. عشان كده وارد ناس تجيب تقديرات كويسة بمذاكرة ليالي الامتحانات، لو كنت هادي هتعرف تسترجع أي معلومة أو على الأقل هتخمنها صح أو تحلها بالاستبعاد، لو اتوترت لا هتعرف تحل اللي مذاكره ولا اللي ما تعرفوش! الدراسه والامتحانات هي اختبارات نفسيه يا تسيب أثرها فيك وتعلم عليك يا تطلع منها كسبان وسليم نفسيًا، الامتحانات مش نهاية المطاف ولا مقياس لأي شيء.. روق على نفسك واعمل اللي عليك حتى لو مش بشكل كامل ولكن أفضل من اللا شيء.. وربنا بيعاملنا بكرمه ولطفه والأيام بتعدي والامتحانات بتعدي وانت هتعدي زي ما غيرك مكنش فاكر نفسه هيعدي ولكنه عدى في الآخر..