#0006 ... Bulutlar suzadi moviyot uzra, Ko‘hna tilaklardan tilayman panoh. Yuragim to‘rida ismingni asrab, Tilimga shivirlab chiqaraman, oh. Turg‘azib qo‘yasan yerga qoqilsam, O‘chirilib ketar nigohim izi. Ko‘rinmay turibki shuncha yaqinsan, Ko‘rsam, qolarmikan menda men o‘zi. O‘ylayman – bu umrim senga tikilsa, Hammadan ulkanman, chindan ulkanman. Seni sog‘inchimdan shuncha baxt kulsa, Vaslingdan ne holga tushar ekanman?! @kitob_ombori