كان بحكي
و قال : بتعاملني احسن معامله م حصل شفته منها الكعب تصرفاتها زي الشفع لا هي كانت شافعه اصلا
🥺 لكن لمن اكون محتاج اسمع نصايح و تكون بتنصح فيني بحسها فجاه بقت اكبر مني مع اني انا الكبير لكن عقلها مليان شديد
♥️قالت : كنته دايماً بسعى اني اقيف جنبو و م اخليهو احتاج لي زول بتاتاً
😊 مع انو كان بعاملني كاني شافعه لكن برضو قدر م هو بشوفني شافعه الا و انو لازم اكبر عقلي ف لحظات
🖤قال : م كنا بنتشابهه ف بعض الحاجات و بعض المفاهيم الا و انها بتجي تشوف وجهه نظري ف الحاجه و غالباً بكون مختلفين و تقعد هي تنفعل
😂♥️ و تحاول تغير راي و انا اصلاً متعود علي اني ادلع اسمها و ف النقاش لمن اقول اسم دلعها بتفصل فيهو و ترجع تنفعل
😂♥️قالت : عندو مفاهيم كدا بعرفها براهو و عندو جمل كدا احي منها
😡 و لمن اقول اسم الدلع الهو بقولو لي فعلياً ببدا ابتسم براي و ف تفاصيل صغيره فيهو بحبها شديد
🥺😭قال : كنته بحبها كاخت و سند و صحبه
😍بس م حصل حبيتها ك حبيبه حتي هي م كان بتديني الاحساس حق انو ممكن ف يوم نكون مرتبطين
😔 ولا ادتني احساس انو هي ممكن تدخل ف علاقه ما ، ف كنته دايماً مانع قلبي من النقطه دي و قلبي مال لي غيرها
😁قالت : م عارفه لكن كنته بحس ب اني بغير عليهو شديد و دايراهو دايماً معاي و احاسيس كدا غريبه
😅 فهو ارتبط ب بت اهلو ، ومهما لو كان جنبي وحولي بحس انها خطفتو مني و بحس انو هو م لي خلاص هو اختار غيري و انا م لي مكان
🥲💔قال : مال لي بت اهلي الكنته بشوفها طوالي ف المناسبات و ب سبب و من غيرو
😍 لكن م دايماً بكون مرتاح م عارف ف شنو
💔 الشافعه كانت مبسوطه لي شديد و بتقول انو بت اهلي بتحبني و بتدعي ربنا اخلينا لي بعض
♥️ لكن فجاه اختفت بقت م الانا بعرفها حسيت و كاننا غريبين من بعض دا شنو و ف شنو و لي شنو م عارف بس عارف انو هي اسي ماف و حاسي انو م لي الحق اسالها
😔💔قالت : هي بتحبو انا لي اجرح قلبها في النهايه هي انسان و عندها مشاعر
😀 علاقتهم م كانت عاجباني من نواحي كتيره منها نواحي مايله لي احاسيسي و نواحي لي علاقتهم الفعليه ، انسحبته ... او اتجبرته علي كدا لاني حسيت بقى م لي مكان ف حياتو عودني انو المكان كلو لي فجاه القى معاي زول؟! يعني اسي حبيبتو دي شالت مكان و خلت لي مكان بس للاسف شالتو كلو او انا حاسه انها شالتو كلو
😭قال : نفسي افهم الحاصل لكن م عارف كيف حصل شنو ربنا يحميها وين م كان و يحفظها و يسعدها كانت ساعداني بس انا م مرتاح ف علاقتي دي هل انا بحب بت اهلي فعلاً ؟! ولا احتمال انا متعود علي وجود الشافعه بس هي اسي ماف ؟! ف تغير حصل فجاه و احاسيس كتيره بس م فاهمها
😔💔قالت : بتمنى ليهو كل خير
♥️ولقت نفسها فجاه قالت بحبو
😳 طوالي ختت يدها ف خشمها و قالت بينها وبين نفسها طول الفتره دي ساكته جايه تتكلمي اسي؟!
🙂 و بعدها بكت لحدي م نامت
#احببته_وانكرت_حبي_له😔💔
