شور
حسين ʚʚɞɞ يا ابا عبدالله
حسين ʚʚɞɞ يا ابا عبدالله
حسين ʚʚɞɞ يا اباعبدالله
٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭
مــــــــــــن يهل عاشور يجدد عزانه
تدري هــــــاي الخدمه بالرگبة امانه
بالمواكب اخـــــــــدم واسمه خادم
ريت بــــيد المهدي كون يرف لوانه
محبتك خدمتك
عندي ملبوس الشرف ثوب الخدامه
يا ملك تمتلك
تــــــرفع الخادم مـــلك هاي العلامة
تــــــرفع الخادم مـــلك هاي العلامة
حسين ʚʚɞɞ يا ابا عبدالله
٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭
ألطم تسبيح العشك صـــــاير وردنه
بصوت عـالي بالمجالس كلنه صحنه
احــــنه غير حسين ما عـدنه وسيله
بـدفتر الخدمه حبيب يسجل أسمنه
موكبك كوكبك
وبأمان الله نعيش بفضل خيرك
يا كمر يا بدر
يا حبيب گلوبنه و شعدنه غيرك
يا حبيب گلوبنه و شعدنه غيرك
حسين ʚʚɞɞ يا ابا عبدالله
٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭
بمقتلك يحسين نذكر خيمه خيمه
يـــوم عـاشر نقـرة بالقصة الأليمه
حسين عاري وبالسيوف مگطعينه
عــــيون مهرك شاهد كل الجريمه
بالسمه فاطمه
القميص تـــــــــنشره و تقيم العزاء
فدوة اروح للجروح
مــــــا تطيب وانــت جرحك كربلاء
مــــــا تطيب وانــت جرحك كربلاء
حسين ʚʚɞɞ يا ابا عبدالله
٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭
ركضة طويريج عدنه الركضه واجب
المهدي بدموع الحزن يسأل يراقب
گلي يالميمون ظهرك ليــــــش خالي
وبعزائك صــــــار كل واحدنه راهب
واليضد خل يصد
هالشعائر تنفدي بــــــدم الركاب
ما نمل ما نچل
بالطم ارواحــــنا نفضهـا ثواب
بالطم ارواحـــــنا نفضهـا ثواب
حسين ʚʚɞɞ يا ابا عبدالله
٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭
حسين مصباح الهدى احيا الضماير
عايش بأعماقنه كـــل لحظه حاضر
كـــون بسم حسين نسمه عـــوابس
الضحى لاجل الدين نعميله النواظر
انطي عين للحسين
أتمنى جسم قبلك تگطعة البواتر
والضلع ينشلع
وصدري قبلك كون داسته الحوافر
حسين ʚʚɞɞ يا ابا عبدالله
٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭
تاجــــر ويحسين يــــــــا نعمه التجارة
ربــح مضمون وابــــــــد مــابي خسارة
عمــري لاجل حسين فدوة انا أرد أبيعه
للفقير حـــــــــزام ويـــــــــشد انكساره
يا ضوه واحتوه
گلبي عاشك تدري ولهان بهواك
يا هوه يا دوه
يا طبيب اجروحي ما عندي سواك
حسين ʚʚɞɞ يا ابا عبدالله
٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭
يم ضريحك انسه روحي ومـا نسيتك
عايش انــت بوسط روحي واعـتنيتك
انــــــــــت قران العشك وانت العقيدة
بشاربك يحسين كــــل احـنا بحميتك
يا ذخر يا فخر
يـم ضريحك طافن السبع الشداد
يا امل ما حصل
انـــــــت باب الجنه ياباب المراد
انـــــــت باب الجنه ياباب المراد
حسين ʚʚɞɞ يا ابا عبدالله
٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭
#قلم_غازي_الساعدي