عشاق القصائد الحسينية

ياوالي الضعن
بس انت الوطن
طايح ياجرح ماخله الي غير الحبل

امن اول ما طحت
بخيالي حرت
ياوالي اشكثر بيه حجي وجتي الهزل

طايح واتلازمن بعيوني دمعات
طايح ما اكدر ابجي اكبال شمات
طايح وي طيحتك في الخيم مات
طايح وطاحت اساميهه الاميرات

بخيالي بانت بيه حيرة واحسينا
النوك الهزل بس للاسيرة واحسينا


***

حيرة بمشيتي
وحيرة بدمعتي
وادريها التضل من دون اخو تبجي بصمت

جرحي وغربتك
صمتي وطيحتك
هذا اول سكوت الي فتك بيه وحرت


خوية ما احجي بس حجاني فركاك
خوية ما اكدر اتنفس بلياك
خوية جنت النفس اتشاركة وياك
خوية سمعني جلمة خوية انخاك

اتذكر بكلبك غلاتي واحسينا
معقولة ذبحو ذكرياتي واحسينا

**

منعوني الحجي
منعوني البجي
شلون التمنع من البجي وفكدت خدر



بكل لحظة التفت
حسبالي كمت
رواني الزمن روحه اخو وجية يسر

اطلع منك اروح بغير نية
اطلع ماخوذه من كلبك سبية
اطلع حتى الهوه اشتمه رزية
اطلع مهضومة من حبل البدية

لا ماتجتفني حبالي واحسينا
مجتوفة من طيحة خيالي واحسينا


****

صارت لو حلم
كل لحظة انصدم
اول طلعة الي وشفت المشي بلايه علم

اتأمل قبل
اصعد ع الابل
ما انزل اذا ماتنصب فوكي الخيم

راحت زينبكم الذبحو حلمهه
راحت محروك ماضيهه وخيمها
راحت بلا رايها وسابين اسمها
راحت مشي السبي مثكل جدمها

تكصر خطوتي شما ذكرتك واحسينا
فوك الترب مذبوح عفتك واحسيناه




***



بكلبي دمعي صب
والشام اقترب
كل ما نقترب خطوه انذبح من خطوتي

شيخلص العمر
كبل اسم القصر
بلسان الدمع احجيهه جا وين اخوتي

صارت طبيت ديرة الموش اوادم
صارت كلشي انذبح بس جرحي سالم
صارت بالشام مو ليل الهواشم
صارت ياعين التباري الفواطم

طاحت على عيوني المصايب واحسينا
تالي اليسر ضيم الخرايب واحسينا

#شهادة مولاتي ام المصائب زينب الكبرى عليها أفضل الصلاة والسلام


حمزة صباح الزيدي

الليله الله يعين كلبك يبو صالح
فاركت شمعت حياتك بالنوايح
الله كون يعين كلبك
فاركت وجه اليحبك
يابو صالح
_

فاكد النعمه الجبيره التممت معنى الدفوا
يابو صالح والله صعبه العايش وفاكد ابوا
عشره ويه الحزن عده وينحسب مثل الاخو
وانته فاكد
اغلى واحد
كافي تنحب
ماكو والد

بعد ما تكدر تعوظه ولا تشوفه
بعد لا توصل حنانه ولا جفوفه
ادعي من الله اليصبرك
فاركت وجه اليحبك
يابو صالح
____

انظافت لعاشور حسره ومدمع واخ وجمر
صعبه من تفكد عزيز وعايش وياك العمر
وانته من زينب اخذته وتممت معنى الصبر
ماتكابر
انته صابر
راح ابوك
وبيك عاشر

تحس روحك كلشي خاسر رغم واحد
تزغر ابعينه حياته الماله والد
بعد بيمن يضوي دربك
فاركت وجه اليحبك
يابو صالح
____

ما تفارك لحضه جرحك سابق بهاي زمن
الله كون يعين كلبك فاكد الليله الحسن
عيونك البيهن تشوفه هسه بفراكه بجن
سال دمعك
ساء وضعك
دمع باجر
من يودعك

راح تفكد يابو صالح اغلى نعمه
الما يخاف الله ويهابه دار سمه
عّلَي مُر هواي صعبك
فاركت وجه اليحبك
يابو صالح
__

مايحس بالفاكد اله الفاكد بعمره احد
وانته باول يوم عمرك عاشر وياك انولد
شفت كلشي بعمر واحد شنهي التشوفه بعد
خيمه راحت
جنها طاحت
ورده بس سم
جنها فاحت

الفاكد اتصير ابنظرته الدنيه ظلمه
حالك ابكثر البواجي ارجوك رُحمه

حزنك اعلى اهلك يغربك
فاركت وجه اليحبك
يابو صالح
____

كبل لا يخلص عمرنه عدنه يالمهدي امل
انته تاخذ ثار كلشي صار بالدنيه وحصل
ابد ما يبرد كلبنه وندعي من ربي العجل
تطفه نارك
يوم ثارك
من يمينك
حد يسارك

عجل اللهم عجل بانتظارك
للحسن وحسين والكل اخذ ثارك
خالقك للدين ربك
فاركت وجه اليحبك
يابو صالح
___
#لاتنسوا_صاحب_الزمان_من_دعائكم

#شهادة _الإمام الحسن العسكري عليه السلام

#اللهم عجل لوليك الفرج


حمزة صباح الزيدي

واصرو استكبرو استكبارا
ثم اذُو فــــــاطم ُ الفجارا
منزل الوحي وسـر اسرار
كـــان منها الادمـُع ِ مدرارا
يازهراء يازهراء يازهراء يازهراء
٭ ٭ ٭ ٭ ٭ ٭ ••••★•••• ٭ ٭ ٭ ٭ ٭ ٭
#شهادة_الزهراء_عليها_السلام
#قلم_غازي_الساعدي

👈🏻👈🏻جديد👉🏻👉🏻
قصيدة شهادة الكاظم
📝 عليه السلام 📝

بغدادُ جرحُ السجن لا يلتامُ
ما انفكَّ ينزف.. تشهدُ الأيامُ

جرحٌ بهِ فُجعَ الحطيمُ وزمزمٌ
وله بكى ركنٌ ونــاحَ مقـــــامُ

يا قلبُ دع عنكَ السرورَ ونُحْ أسىً
مات ابنُ جعفرَ فالسرورُ حرامُ

صبَّ المدامعَ من دمٍ لمُصـــــابِهِ
أو مُتْ شجىً! لو متَّ لستَ تُلامُ

فعليهِ صبَّ الدهرُ جامَ عذابِهِ
لــــم تُرعَ للمختارِ فيهِ ذِمـــــامُ

كم عذَّبوهُ بقعرِ سجنٍ مظلمٍ
سجنٌ قيودٌ وَحدةٌ وظـــــلامُ

يا لهفَ نفسي كيفَ رَضَّت ساقَهُ
حَلَقُ القيـــــودِ فزادتِ الآلامُ

لهفي لهُ والسمُّ في أحشائهِ
نـــــارٌ تشبُّ بقلبِهِ وضـــــرامُ

حتى قضى في السجنِ رهنَ قيودِهِ
نالت به ما أمَّلتْهُ لئامُ

📝📝📝📝ا📝📝📝📝
وكتبَ عبدُ ساداته الدر العاملي
الاثنين ٢٤ رجب ١٤٣٧ هجرية
📝العتبة الكاظمية المقدسة📝

#شهادة_الكاظم
#الدر_العاملي
#انشروا_تؤجروا