O‘zbekistondagi Islom sivilizatsiyasi markazi

✨Навоийнинг Нью-Йорк музейидаги қўлёзмаси

Алишер Навоийнинг машҳур девон қўлёзмаси Нью-Йорк шаҳридаги Метрополитен музейида сақланмоқда. Бу нодир асар 1499-1500 йилларда Ҳиротда хаттот Султонали Машҳадий томонидан кўчирилган. У Навоий ва Машҳадий ўртасидаги ижодий ҳамкорликнинг сўнгги ёрқин намунаси сифатида тарихий аҳамиятга эгадир.

Қўлёзманинг таркибида 863 та шеър мавжуд бўлиб, улар орасида 818 та ғазал, 31 та рубоий ва бошқа шеърий турлар бор. Қўлёзма Навоий ҳаётининг сўнгги йилларида тайёрланган бўлиб, шоир ўз қўли билан унинг тартибланиш жараёнида иштирок этган бўлиши мумкин.

Метрополитен музейида сақланаётган ушбу қўлёзма нафақат илмий тадқиқотлар учун, балки Навоий ижодининг янги қирраларини очиш учун ҳам муҳимдир. Олимлар ушбу қўлёзма асосида Навоий шеъриятининг янада кенгроқ таҳлиллари ва хулосаларини ишлаб чиқмоқда.

Бугунги кунда Навоийнинг хорижда сақланаётган қўлёзмалари ўзбек маданий меросининг ажралмас қисми сифатида катта қизиқиш уйғотмоқда. Улар адабиётшунослар учун янги тадқиқот йўналишларини очиб беради ва Навоий ижодини дунё миқёсида танитишга ҳисса қўшади.

Батафсил филология фанлари доктори Афтондил Эркинов мақоласида ўқишингиз мумкин.

👉 Мақола

Ислом цивилизацияси маркази Ахборот хизмати

📱 Telegram 📱 YouTube 📱Instagram 📱Facebook 📱 Web-site