پشت پلک خنده ها(اشعارعبدالرضابازگیر)

#شعر لری
اربعین حسینی ۱۴۰۱

✍شعر و خوانش:عبدالرضابازگیر(فریاد)

@injahava_kamast

#شعر لری
#کلاسیک
#لک و لر(اصالت و وحدت)

لک وْ لُر قِومِئ گَپ دِه یِه تَبارَن
دِه یِه ریشَه، دِه یِه داآ ، بِرارَن

لک و لر پرچَمِش یِه رنگ دارَه
وِنَه هم غیرَتَه، هُمسنگ نارَه...

حکومت داشتَه قِومِ لر وْ لَک
ابوقَدّاره، زندییَه، اَتابَک...

اِصالَت دار وْ هُمدا کورِشِم مِه
نِژادِم کاسی وْ پُر شورِشِم مِه ...

✍شعر و خوانش:
عبدالرضابازگیر(فریاد)

@injahava_kamast

#شعر طنز لری گَنِم وْ سینَه(سن)
با ترجمه فارسی شعر در متن کلیپ۱۴۰۳

امسال وِه تُزَک گَنِمِئ وَنِم
سی سِوز کِردِنِش چَش وِ رَه مَنِم...

یِه رو رَتِم وا لا گَنِم کَذا
دییِم که یِه دَس بی ایی وِه کُلزا!
.
کُلزا بی یِنِش اَصِل وِه دِرَک
آخِر سَر بوعه بَکِنیش اِلَک

سینَن چِئ کِنِم ریختَه دِش گِرا
که وا بَردِ جنگ هم نِئ سُس کِرا

خِوَر دَن جهاد آوردَه سَمِئ.....
وووو.......

✍شعر و خوانش:عبدالرضابازگیر(فریاد)

@injahava_kamast

#شعر طنز لری همستر

مردِم ناامید دَس دِه پا دُرتِر
سرگرم بینَه وا گِرزَه همستِر

هَر کَن که بینی دَس وه گوشی یه
سِکه جَم کِنَه مشغول بازی یَه....

وَختِئ ها نِهات بیرَه هِئ چِنی
بویی وه رفیق گِرزه سر قِوی

اَر شُغِل بوعه کسی بیکار نِئ
شِو تا صو وِه قِئ گِرزِئ بِیار نِئ

اِی مردم ایقه بی پلامارَن
که پَل وه گرزه همستر یارَن


✍شعر و خوانش:عبدالرضابازگیر(فریاد)

@injahava_kamast

#شعر طنز (تلخند)لری
مرغ و هفی گِرونی ( ۱۴۰۳)

بَس که مرغ حُورِئیم نِزگ دِه دِلمو نِئ
سَرمو غِر یارَه وَر چَشمو کُل سِئ...
.
عِیدَم که اوما حَوِل حالِنا
قیمَتیا ها روُن هِئ ویرِه بالا...

کُل گِرتیمه سوء تغذیه
تو گویی مُقَصِر اِئ اِوضا کِیَه؟!

سالِ جدید (۴۰۳)که سال اِژدهاعَه
اِژدِها دوزِیا خوش اِشتِهاعَه

سَرمو کِروژنَه هَفی گِرونی
بِئ بِرو برگرد زِنَه نِمونی...

✍شعر و خوانش:عبدالرضابازگیر(فریاد)

@injahava_kamast

#شعر لری حضرت والا!!

#معیشت مردم وگرانی ها...

چِئ کِردِیت وِه اِئ مَردِم بِیچارَه؟!
که دِئ کسْ قُوَه چی سِئئیِه نارَه...

هَر کَنْ که بینی فِقط زور زِنَه
شاید که گِئیَه بَچُون سیر کِنَه...

حضرتِ والا!!!
سالِئ یِه مِئلُو مَسکنْ تو ساختی ؟!
هیچ خِوَر داری قافییَن باختی...!!

عَنی کومینَه اُه هَمَه وعدَت
رَتِیم وِه فِنا ،چِئ ها دِه کَلَه ت...

اَصِل وِه کُلی وَنیمو دِه کَل
هیچ مُشگِلِئ هَم نَکردی تو حَل..

دُریسَه؛مُشگِل هِئ وجود دارَه
امّا نه نِچِر کُلمو دِرآرَه...؟!

نِونِم نِونی که چی گِرو بییَه؟!
یا سیتْ مهم نئ اِوضا خیتییَه...

مَردِمِ اِیرو نجیب وْ خوُعن
نباید چِنی خوار وْ خَف بوعَن...


✍شعر و خوانش:عبدالرضابازگیر(فریاد)

@injahava_kamast

#شعر لری بآوَه (پدر)

بآوه دلگرمی وْچوُ پُشت وْ پِنات
بآوه یعنی تا وِه آخِر ها وِه پات

شُو وِه شونِت یا دِه کُل جا سایَتَه
او تَمومِ حاصِلِ سرمایَتَه.....

اِعتِبارِ تو دِه نومِ بآوتَه
افتِخارِ تو دِه نومِ بآوتَه....

✍شعر و خوانش:عبدالرضابازگیر(فریاد)

@injahava_kamast

#شعر لری گرانی

دِه چِئ بِوعِم که اَرزونَه گِرو نِئ
فِقط مَر جُو که اَرزوتِر دِه جُو نِئ!

چِنی بییَه زِنِئی سَخت وْ نَفَس گیر
که کس سفرَه وِ سینَه ،حُونِمو نِئ

گِرونی کارِئ کِردَه وا إِء مَردِم
که دآ هم وا بَچونِش مِهرَبو نِئ!....

تِنینَه چار چِمِک دِلمو وِه غُصّه
نَفَسْموتَنگَه تیکِئ آسِمو نِئ

✍شعر و خوانش:عبدالرضابازگیر(فریاد)

@injahava_kamast

#شعر لری جِگِردار(شجاع)

...جِگِر داری کُرِئ ها کَلّه شَق با
همیشَه لادِرارِ حرفِ حق با...
.
دِ مَظلوم اَر تو کِردی لادِراری
جِگِر داری،شَرَف داری، بِراری...

✍شعر و خوانش:عبدالرضابازگیر(فریاد)

@injahava_kamast

#شعر لری
#تلخند
برخی ازعلائم پیری (مُسنّ شدن)

وَختِئ جِهالو وِت گُتِن عامو
یا سی بُرِئ تِر بی ایی وِه حالو

وقتی جوان‌تر ها و جوانان ترا عمو صدا زدند ویا برای عده‌ای دیگر دایی محسوب شدی...

یا هَرشِو چَن قُرص وا یَک تو حَردی
دِه قلب وْ فِشار تا قَن وْ چربی...

یا هر شب چند قرص از قبیل قرص قلب و فشار و قند و چربی خون را با هم خوردی...


✍شعر و خوانش:عبدالرضابازگیر(فریاد)

@injahava_kamast

#شعر لری

#تلخند
قیمت گوشت-قرمز و...

سالِ نو ها یا بُواِیم دِلتنگِ گوشت
یایَه روزِئ که نِدینِیم رنگِ گوشت

...هادِشَم روزِئ بِیاری نومِ گوشت-
بیرَنِت، وِه جرمِ مِزّه دَنگِ گوشت!!

✍ شعر و خوانش:عبدالرضابازگیر(فریاد)

@injahava_kamast

#جشن نوروزگاه شهرستان دره‌شهر ۱۴۰۱/۱/۷

صیمِرِه چی نو عَروسِی دامُو پُر چین
جا وَنَه پاچَه کَوَر وا زلفِ مِشکین

شاقَه کِوگ وْ هوفَه باد وْ بالِ بازِئ
صیمِرَه سمفونیِ پُر رمز وْ رازِئ....

#شعر و خوانش:
✍عبدالرضابازگیر(فریاد)

@injahava_kamast
لینک پیج اینستاگرام👇لطفاًهمراهی کنید.
instagram.com/_u/abdolreza.bazgir

#غزل لری بهاریه

#شعر و خوانش: عبدالرضا بازگیر (فریاد)

#غزل لکی

تو که باینا وِهارا مای ،صفامای....

#شعر و خوانش: عبدالرضا بازگیر (فریاد)

✍ @CEYMARIAN
┈••✾•🌿🌺🌿•✾

#غزل
نگارِ «مهرگانی...»

#شعر و اجرا:
عبدالرضابازگیر(فریاد)

@injahava_kamast

#شعر_‌طنز
#مجازی

رفیقی دِه مَجازی کُل دِروُعه
که نارَه ارزش وْ چی آوه روُعه

دِلِت خُش نَکَه وِه قلب ❤️وْ کِلِک چُک👍
یِنو سی تو پَلامارِئ نِبوعه ....


✍عبدالرضابازگیر(فریاد)

@injahava_kamast


#دوست_فضای_مجازی

#دوبیتی لری
وِه یادت یا ....؟!

#خوانش :تیام گودرزی
#شعر:عبدالرضابازگیر(فریاد)

@injahava_kamast

دوبیتی

وِه لَکی وِم گُتی ....

#شعر وخوانش:
✍عبدالرضابازگیر(فریاد)
@injahava_kamast

لینک پیج اینستاگرام👇لطفاًهمراهی کنید.
instagram.com/_u/abdolreza.bazgir

#خط: استادعبدالحمید هاشمی
#شعر:عبدالرضابازگیر

#شعر لکی...ترانه

چِیمِت لِر دا دِلِم لرزِیا
وَه دِورِم گات دنیا لِریا

وُژِم گُم کِرد بِئ حِستا بیم
عَه روژَه که چِئمَلِت دیم

خِرِت بام کُل کَسونمی تو
اِنارِ نو دَسونمی تو....

گِرِئ چی کَل تو قَوعِت دا
نِشونی کِیئنی آوعِت دا

مَری وا گِرتِئ بین عِو چین
سِتِئ جِئرِم وَه یِه کِل دین

مَغارَه رِئ ،وِیَه رِه سینَت
هِویراتِ گُلِ پینَت..

مِجال اِئ مِه بِری یَه سِئ
کِلِک نیشون بی مَر نُوم° دِئ

تِرِک حُوردِئ انار لِو عِت
بِنَر زِیئم نوعَه دار شِوعِت

مَسِم کَه میلِم عَر میلِت
بِرِژ پِیکِ شِرآو سِیلِت

وَه سا گِیسِت بِکَن قِورِم
وَه رِزگا گُل بِنَر دِورِم...

✍عبدالرضابازگیر(فریاد)
@injahava_kamast
لینک پیج اینستاگرام👇لطفاًهمراهی کنید.
instagram.com/_u/abdolreza.bazgir