نصيحة لأي حد لسه بيحاول يلتزم و مش عارف يبدأ إزاي و يسمع إيه فأنا من وجهة نظري شايفه إنك لازم تبدأ بالسيرة النبوية ده عشان السيرة هتعلمك إزاي تبقى مسلم صح بمعنى الكلمه لما تسمع عن أشرف الخلق سيدنا محمد ﷺ و إزاي كانت حياته و تعاملاته بره البيت و جوه البيت مع زوجاته و مع أصحابه انت تلقائي هتبقى نفسك تكون ماشي على هدي النبي ﷺ هتبدأ تلتزم في الصلاه و تحاول تصلي زاي ما الرسول ﷺ كان بيصلي بالظبط (صلوا كما رأيتموني أصلي) و هتصلي القيام لما تسمع إنه ﷺ كان يقيم الليل حتى تتفطر قدماه تعاملك حتى مع الناس هيبقى أحسن لأنك قدوتك هو أحسن الناس خُلق ، هتبدأ تبعد عن المعاصي و قلبك يستوحشها لأن السيره هتغيرك تلقائي بدون ما تشعر في البدايه ارشحلك تسمعها من أحمد عامر اسلوبه سهل و مختصر بعدها اسمعها بقى للشيخ سمير مصطفى -فك الله أسره- بجد هتبقى نفسك مشتاقه تسمع الرسول ﷺ اكتر و اكتر و أخيرًا للشيخ علاء حامد ما شاء الله عليه شارحها بالتفصيل و كل الأحداث الصغيره و الكبيره و يفهمها الصغير و الكبير . و السيرة مش بتتسمع مره ولا اتنين ولا تلاته ..طول ما انت عايش و بتتنفس انت محتاج تسمع السيرة عشان تظبط بوصلتك و تعيد تشكيلك كمسلم . ـ دانا دياب.