O‘zbekiston Respublikasi Prezidentining 2024-yil12-dekabrdagi “O‘zbekiston Respublikasi Qurolli Kuchlari tashkil etilganligining 33 yilligi hamda Vatan himoyachilari kuni bayramiga tayyorgarlik ko‘rish va uni yuqori saviyada o‘tkazish to‘g‘risida”gi 62-sonli farmoyishi ijrosini ta’minlash maqsadida “Yangi O‘zbekiston armiyasi - mamlakat tayanchi, xalqimiz faxri!” shiori asosida Oʻzbekiston Yozuvchilar uyushmasi Surxondaryo viloyat boʻlimi tashabbusi bilan Termiz shahridagi Matbuot uyida "Xalq va armiya bir tanu bir jondir" mavzusida tadbir bo'lib o'tdi. Tadbirda ishtirok etgan O'zbekiston Yozuvchilar uyushmasi a'zolari: Haydar To'rayev, Yo'ldosh Mirzayev, Narzulla So'fiyev, Sharofat Jalilova, Donoxol Jumayeva; "Jayxun" klubi a'zolari: Abduvali Ahmad,  Abduxoliq Quvvataliyev, Dilnavoz Shafoatova, Shukrulloh Siroj, Jasmina Saidahmatova  hamda viloyatning olisu-yaqinidan kelgan mehmonlar ishtirok etishdi. Tadbirni O'zbekiston Yozuvchilar uyushmasi Surxondaryo viloyat bo’limi rahbari Mengnor Ollomurodov  bordi. Tadbirda so’z olganlar  Vatan va Navoiy haqida, Vatanimiz va dunyoda rivojlanayotgan adabiyot haqida fikr bildirdilar. Shundan so'ng shoir va adiblar tomonidan Vatan haqidagi go'zal satrlar tinglandi. Tadbirda ishtirok etgan barchaga  O'zbekiston Yozuvchilar uyushmasi Surxondaryo viloyat bo’limi tomonidan kitoblar sovg'a qilindi. Tadbir qiziqarli va mazmunli o’tdi. Muzaffar Qurbonov, O'zbekiston Yozuvchilar uyushmasi Surxondaryo viloyat bo’limi adabiy xodimi https://t.center/Surxonadabiyoti