شاعران پاوه 134 سید سعداله خانەگایی این اشعار را از بیاض‌ آقای محمدخالدی‌مکی یادداشت نموده‌ام. از چگونگی زندگی سراینده آن اطلاعی به دست نیاوردم و تنها به ذکر قسمتی از این منظومه اکتفا نمودم. این مجموعه در سال 1328 هجری قمری نوشته شده بود. دەخیل های شەماڵ وێران ماڵەنان ڕەمەزان مەنەی عەید بەتاڵەنان هامسەران دیسان سفتەحاڵەنان غەریب و بێ‌کەس کۆی زوخواڵەنان عوقدەی خەم نەدڵ دڵ مەلاڵەنان هانا های مەردم نەخەیاڵەنان چوون دەرد فەرهاد ئەرمەن لاڵەنان شادی و عشق و زەوق گرد بەتاڵەنان قەمەر هلالی خەم هلالەنان چەوگان چەمیدە تاڵەتاڵەنان وێنەی من فەرهاد زامش ناوەردەن من جەو زیاتەر حەسرەتان بەردەن من جەو زیاتەر غەڵتان هوونم وێڵ و واوەیلای دەریای جەیحوونم من تەنیای غەریب وامەندەی دڵ تەنگ ڕەونەقم ڕەمەق چوون نەقش ڕووی سەنگ چەمەی هوون هەرس شانان نەجەرگم وەختەن بوانان یاسین پەی مەرگم وەختەن چوون مەجنون ماوام بۆ دوجەیل پەرێ گوم کەردەی خاڵ ئاڵای لەیل شەماڵ یەک ئمجار وە گشت وەفا و مەیل عەرزەی من هۆر گیر شۆ وە خزمەت لەیل مەواچە دوورەن تۆ وە نیمەشەو بە وێنەی جاران شۆ وە خزمەت ئەو جە نیمەشەودا بویەر گوزەر کەر عەرزەی زەلیلیم وە خزمەتش بەر عەرزەی زەلیلیم بوانانەوە بەڵ جواو خەیر بکیانانەوە بەل تەسکین بەخشۆ وە دڵەی خارم دڵەی کۆس کەوتەی پەڕ مەینەت بارم ئەر پەرساش ئەحواڵ مەینەت‌بار جەتۆ تۆ بۆ نەجواو های شەماڵ جەنۆ جەوساوە دیدەش جە دیدار تۆ نامەحرەم بیەن جە تەواف تۆ وێڵ سەر هەردان کۆساران بیەن عەقڵ و فام و هۆش جەیادش شیەن بەوێنەی مەجنوون نەسەحرای دوجەیل هەر لەیل لەیلشەن پەرێ خال لەیل مەجنوون خاستەر بێ هەر ساڵەی جارێ لەیلێ خێڵ‌خانەش بامای هەوارێ لەیلێ وە خزمەت ئەو شەرەفیاب بێ تا یەک ساڵ پەرێ مەجنوون قنیات بێ حاڵ ئەو بەدٚەن نەوینیش وە چەم جەو حالەتدا بۆ دڵەی پەڕ جەخەم ئەر بەی بوینیش جەی حاڵەتەدا نەزەر کەی وە دڵی کەم تاقەتەدا نیمەنەفەسێ یا هەن یا نیەن زایفی ڕەنگش زەعفەران بیەن نەیار نەیاوەر نەدڵ سۆز دارۆ خەمان بەر کەرۆ شادٚی بوویارۆ ئارەزووش دیدٚار بەژن باڵاتەن دایم نەخەیاڵ خاڵ ئاڵاتەن نەخاو نەخوراک نەخەندە دارۆ نەشادٚی نەشەوق نەشەکەت دارۆ ئەو شێوە و قامەت تۆ دیەن وە چەم پەی دیدٚەی ئازیز وە دیدٚەت قەسەم بیەن وە عەبدال وە هەردانەوە دەردەدار بیەن وە دەردانەوە دەرد ئەو چێشەن؟ دەرد دووری تۆن جەتۆ دوور کەوتەن تەن سۆچیای تۆن ئەڵبەت مەواچی یەپاییز ئامان فەسڵ وادٚەی وێش درەختان شانان خەیر وەڵڵا دووری ئەوەن بێ سامان دان ئەو درەختان وەڵگشان شانان خولاسەی کەلام ئازیز گیان تۆ عەرزەی ئەو خەیلێن تەمام نمەبۆ یاڕەب بەحاجەت ڕەسووڵ سەروەر بە سۆز سینەی سدێق ئەکبەر بەحاجەتی عشق فاروق عوممەر شادٚم کەر وە دین ئازیز دڵبەر یاڕەب بەحاجەت ئێمام عوسمان یانی مەشهوورەن جامێعولقورئان یاڕەب بەحاجەت کەڕاڕ حەیدەر شادٚم کەر وە دین ئازیز دڵبەر بەو شاهی شەهید حسەین مەزڵووم زەلیل وەدەسی شمر شەڕی شووم یاڕەب بەحاجەت ئێمامان یەکسەر شادٚم کەر وە دین ئازیز دڵبەر #عدنان_مرادی #هامفردان #شعر_معاصر_پاوه #شعر_ادبیات_گوران #شاعران_پاوه #مشاهیر_پاوه