شاعران پاوه 132 فیصل هدایتی سال 1340 خورشیدی در روستای داریان از توابع پاوە بە دنیا آمد. پدرش مرحوم مجیدبگ متخلص بە ‌«عەدەمی» از شعرای همروزگار ماست. او بە زبان مادری و سورانی شعر می‌سراید و بسیار از قالب‌های شعر از جملە غزل را برای شعر انتخاب نمودە است. مثنوی‌هایش مضامینی چون عشق، وطن دوستی، طبیعت، درد و آلام مردم دیارش و توجە بە زبان مادری را در بر می‌گیرد. دڵم کەیلوو خەموو چەرخین شنەو شنیاش تەمام سەردەن لەشم زامش هەزار زاما، دەروونم سەدٚ هەزار دەردەن سەراسەر دەفتەروو ژیوایم نیا هیچێو چەنەش دڵبەر عەجەب چەرخێو هەتیمچەش هەن، ئەگەر دیت واچە نامەردەن ئەشق ڕاگایە دژوارا منیچ هیچێو مەوینوونە تەمام ژیوایم لوا سەرشی پێسەو مەشقین، گەمە و نەردەن شەماڵ مارۆش بوەو زڵفاش تەمام گیانم سڕ و ماتا ئەمن سەروەش بوەو مسکیش شەراو و بەنگەن و گەردەن؟ دڵم وەقرەش نیا ساتێو مەنیشۆ چێگە، تەکبیرم؟ مەواچی زاوەڕۆن وڕک و بەهانەش پەی بەیا کەردەن دڵەی شەیدام بێ ئاراما بیەن سەرعی بیابانی پێسەو مەجنوونەکەو نەجدی فەرادٚی پاک و بێگەردەن خودٚایا بەش بە لوتفوو وێت بیاونیم وەسڵەکەو یاری هەتا کەی سەرمەست دیلا ئەسیرت کەردەن و بەردەن سۆزوو شێعرێش جە سەرمەسیا بەڵام وەرگێرەکەش ماتا وێڵوو خولیاو سماین فەیسەڵ خەزانش کەردەن و زەردەن *** مزانیش ئاورد پەیکوو هەواڵی حافێزوو ئەشقی دڵوەشی حاڵی هەناسەو سۆحی و شنەو قەدٚپاڵی دانش ئارایش وەیوەو ئێساڵی دیای چەماوچەم گۆشەو خاڵخاڵی من و تۆ و شێعرە و سۆزوو شەماڵی بۆژانە و سۆسەن شەوبۆ سەرکاوی چنوور و نەرگس هەزبێ و ڕیوای خوڕەو قەڵەوەزی و هاژەو شەتاوی سووری وەنەوشەی و هەڵسەو شەراوی کەپرەما بەرمێ ئەو سەروو یاڵی من و تۆ و شێعرە و سۆزوو شەماڵی کاشمە و ڕیواوی چا سەرکەشاوە سۆسەن و نەسرین ئینای جە ڕاوە شروی و مێڵەوی شن شن شنیاوە ئاواتێ مەردێ چووزێ کەراوە سیاوچەمانەو غەزەڵەو ساڵی من و تۆ شێعرە و سۆزوو شەماڵی چێڵی و بەق پێوە کەوتێ دڵداری قەرارشا بێنا دۆڵەو نساری ڕەنگەڕەژیلێ و سۆسی و گواری جریوە و جووکەو پەشتەو هەواری حەیفا بێ تویەو پیاڵەی هاڵی من و تۆ شێعرەو سۆزوو شەماڵی هەنگوو خیاڵیم پەی هەنگەژاڵا ئاوارە مارۆ چا وردە خاڵا ئەدٚاو شێعرەکام، خەیمەو گۆراڵا تۆ دەمت بارە شەراوم تاڵا خەنەبەننانەن یانەو وێساڵی من و تۆ شێعرەو سۆزوو شەماڵی هەسارەم تا کەی چەم چەمەڕا بۆ تا کەی هاوارم بەزموو شەوا بۆ دردەکەی کاریم چی بێ دەوا بۆ قەوڵ و قەرارت ئارۆ سەوا بۆ بۆرێ وڕنمێش یانەو خیاڵی من و تۆ و شێعرەو سۆزوو شەماڵی #عدنان_مرادی #هامفردان #شعر_معاصر_پاوه #شاعران_پاوه #مشاهیر_پاوه