View in Telegram
شاعران پاوه 128
عزیز عزیزی
سال ١٣٢٨ در نوسود از توابع پاوه چشم به جهان گشود. پس از پایان تحصیلات در نوسود به استخدام آموزش و پرورش درآمد. ایشان اکنون ساکن پاوه می‌باشند. در اشعارش مضامین اجتماعی و اعتراضی به چشم می‌خورد که در قالب کلاسیک هجایی می‌سراید.
حەقێقەت چێ شەوێو مەردوو نیاشا
خەموو ڕنەج بی برابەش پێمە داشا
بە قووتێوی کەمیچ دڵوەش بێ خێڵێو
نەمەن نانوو ھەژاریما ئەساشا
جوانی وەرمەنوو شیرین خەیاڵێو
بڕێو داشا و بڕێو ھەرگیز نەداشا
بە جرموو ئاشقی دوورێ جە خێڵی
غەریب کەوتێ جە شاروو لادەگاشا
وەتەن دیدەش خرۆشا پەی جییایی
کۆڵانێ غۆربەتی ڕاو سەرپەناشا
پەپوو ئامان دەسم دامان ھەناسێو
سڵام و دوور وەڵاتا بیاونە لاشا
کاوەترێوە ھەواڵێو نامە ئارێ
پەلوو باڵش بە مەڕیایی بەساشا
عەبا پۆش کەرد شەوەو زقمی نەمامێ
لەچەک ھۆردا نەمەن فێسوو کەواشا
شنەو شادی گما چۆپی مەزاتیش
پەژارەو پەرسە کەوتەن ئێگە ڕاشا
بەڵام تاویۆوە وەروەو پاو نیسارا
وەھار خاپوور کەرۆ چێخوو چەڵاشا
نەسیم بێ شک ئۆمێد یاوۆ بە مەقسەد
ھەراڵەو ئارەزووی مدیۆنە ھایشا
***
وریانی و زانا کناچێ ژیرە
عاقڵە و ئازا وردەو وەش ویرە
ئیراد مەوینوو جە جلوو بەرگیت
بەشکەم نەژنەوو ھەواڵوو مەرگیت
بە زۆر مەقنەعە نەکەری سەرە
بە جەبروو زۆری ھیچ نەدەی پەرە
شنەو ئازادی یاوان مەچەکیت
وەردە ڕووسەری بنەمە لەچەکیت
کەوا و سەلتەکەت پۆشاکی خانان
نەشئەو ئەتڵەسیش جە وەڵات شانان
سخمەت بە وێنەی جلیقەی فەرەنگ
بەرازەندەی تۆن مرمانۆ حۆت ڕەنگ
پووشین دارو گۆڵ مجیان ملتەرە
زڵفێ پەخشانێ شانەی شلتەرە
مێژوو شاھێدەن کەردەن گەواھی
فێسەکێ سەرەیت چوون تاجی شاھی
بە زۆر ڕووسەری نەکەری سەرە
بە جەبروو زۆری ھیچ نەدەی پەرە
فەقیانەت زەریف ئاڵاو ئازادی
وادەروو خەمیا نەمادوو شادی
ڕەژبەڵەک بێ وێت فەڕێوش نیا
خالق ڕۆی ئەزەڵ خاس پەی تۆ دیا
مێعمارەو ژیوا و دنیاو وێتەنی
پیلەو پەژارەی پەی وێت نەتەنی
ساحیب ڕێبازو ساحیب نەتەوە
شاد پۆشەو خوە فڕەدە کەوە
#عدنان_مرادی
#هامفردان
#شعر_معاصر_پاوه
#شاعران_پاوه
#ادبیات_گوران
#مشاهیر_پاوه
Telegram
هامفردان "شاعران پاوه"
به هر بیت شعر فرد می گویند و هامفرد به معنای شاعران آمده است
Telegram Center
Channel