شاعران پاوه 125 علی اشرف عزیز زاده سال 1338 در پاوە چشم به جهان گشود. دوران ابتدایی و راهنمایی و دبیرستان را در مدارس پاوە بەپایان رسانید پس از آن در تربیت معلم شهر کرمانشاە بەعنوان معلم موفق بەاخذ مدرک فوق دیپلم گردید و بەاستخدام آموزش و پرورش درآمد. علاقە بە شعر از دوران کودکی و زمانی کە پدر بزرگش شعر شاعران را برایش می‌خواند آغاز گردید وی سرودن شعر را از سال های 1350 آغاز نمود.سروده‌هایش بەزبان مادری سورانی، فارسی ‌بوده و در قالب های گوناگون شعر می‌سراید. او در شعر به زامدار تخلص می‌نماید. بە‌زاموو تۆوە ئه‌وگاره‌ن دڵوو من بەداموو تۆ گرفتاره‌ن دڵوو من ڕژارە ئاسمانی په‌ڕ هه‌ساره‌م! گوڵستانێوە په‌ڕخاره‌ن دڵوو من حه‌شات که‌ردە لوای قه‌درت نه‌زانا چ خه‌مناک ‌و بەئازاره‌ن دڵوو من چه‌نی کۆرپه‌و دڵی گژیای بەناحه‌ق نه‌زانات شێت ‌و لاساره‌ن دڵوو من؟ بەئه‌ڵماسوو دوو دیدٚه‌یت، پارە‌پاره‌ن خه‌مۆک ‌و وێڵ ‌و خه‌مباره‌ن دڵوو من تواسنات‌ و توات که‌رد و جیات ئاس جەچێڕ ساو تۆنە«زامدار»‌ەن، دڵوو من! *** هاوار هه‌ی ‌هاوار، کۆی خه‌مه‌ن بارم خه‌مه‌ن دڵبه‌ر و خه‌مه‌ن دڵدارم دڵم یه‌خسیروو سپاو خه‌مانه‌ن سه‌بروو من خه‌مه‌ن، خه‌مه‌ن قه‌رارم شه‌تڵه‌و بۆیسانوو عه‌مری، هۆرکیشیا وشک ‌و ژاکیای خه‌مه‌ن، گوڵزارم شار چۆڵ ‌و هاڵی، چوون ‌تۆ ته‌نیانان مه‌سکه‌نم خه‌مه‌ن، خه‌مه‌ن دیارم دڵته‌نگیم جه‌فاو ناڕه‌‌فێقانه‌ن! ڕه‌فێق هورزه‌وه، خه‌مه‌ن سه‌ربارم هامنێوەته‌ر، به‌بێ ‌تۆ سه‌رشی واته‌م هه‌رخه‌مه‌ن، خه‌مه‌ن گفتارم تۆ چه‌نی زامان سه‌ره‌ت نیاوه! منی «زامدار»یچ، هه‌ر خه‌مه‌ن یارم *** ئه‌ی ڕۆجیارو ئاسمانی په‌ڕ هه‌ورو‌هه‌ڵای بگنەبه‌رۆ ساڕێژکه‌روو گیانی په‌ڕ جە ده‌رد و به‌ڵای بگنەبه‌رۆ ئه‌وه‌جه‌م بەتین ‌و گه‌رما و باوه‌شه‌ی په‌ڕ جە مێهروو تۆن وه‌ڵێ خه‌زانوو ته‌مه‌نی‌و ڕێزاو گه‌ڵای بگنەبه‌رۆ وه‌خته‌ن جەوه‌نه‌دای بگنۆ دڵه‌ی شه‌یداو شێت‌و هارم سپێدٚەده‌م یاخۆ جەدماو بانگ‌وسه‌ڵای بگنەبه‌رۆ یانه‌و دڵیم چۆڵ‌ و هۆڵه‌ن، ڕچیان، کڕیوه‌‌ن، زمسانه‌ن ئه‌ی ته‌بیبی ئاگا بەزاموو موبته‌ڵای بگنەبه‌رۆ هاز و وزه‌م به‌خشەپه‌نه، پژگوارانو ڕۆحیم که‌رە کانوو ئه‌ڵماس‌ و یاقووتی، کانگه‌و تڵای بگنەبه‌رۆ خه‌زانوو عه‌مری ناڕاوه، پیری ‌و مه‌ینه‌ت دیارێنێ وه‌ڵێ ئانه‌ی، بوو به‌مشته‌ی، پێشه‌ و په‌ڵای بگنەبه‌رۆ #عدنان_مرادی #هامفردان #شعر_معاصر_پاوه #شاعران_پاوه #مشاهیر_پاوه