شاعران پاوه 123 وزیر عبدی در سال 1337 در پاوه چشم به جهان گشود. دوران تحصیل را تا اخذ مدرک دیپلم در پاوه سپری نمود و سپس با مدرک فوق دیپلم آموزش ابتدایی به عنوان آموزگار به استخدام آموزش و پرورش درآمد. نسبت خانوادگی ایشان به میرزا عبدالقادر پاوەای بر می‌گردد و قریحه شاعری را از ایشان به ارث بردە است. ایشان ساکن پاوه و اکنون بازنشسته آموزش و پرورش است. اشعارش دارای مضامین اجتماعی، عاشقانه، وصف طبیعت و یاد و خاطرە دوران گذشته و در قالب کلاسیک هجایی و به زبان مادری است. دڵە بورێ جواو دڵە بورێ جواو ئیتر وەسێشەن ئادەی بورێ جواو دماو چن ساڵی بۆ ئێقرار کەرە ڕازی دەروونت ئاشکار کەرە تاکەی ئی ڕازێ هەمڕاە و یار بۆ ڕەفێقی شەو و لەیل نەهار بۆ تا کوو بزانان یاران ئەغیاران ئی چندٚەساڵە چەنیم ویاران زوان واز کەرە دەردتٚ بەیان کەر دەردی نەهانیتٚ تۆ ئاشکرا کەر ئی چندٚەساڵە خەم و پەژاره هەناسانی کاڵ سۆح و ئێواره هەر چەمەڕایی لەیلی بێ‌وەفا ئی ساڵ و ئەو سال هەر مەکەرد جەفا تۆ هەر مەسۆچیای بە ئەو دەردەوە خەم وە بانی خەم کۆتٚ مەکەردەوە خۆ سەبری ئەیوب نەدٚریان پەنەم دۆس هەر دۆسەی بێ گەردوون سەندٚ چەنەم جە دنیای ڕۆشن بێ سەیر و سەفام بی بەزەهری مار ژیانم تەمام ئاندٚەحەسرەتان بەردم نەتۆی دڵ فەتار فەتار بی ئازام بی وڵ وڵ ئیتر نەمەنەن تاقەت و تەوان با ئاشکرا بان ئێشان و زامان چن ساڵ من جە داخ فێراق مەناڵوو بەبێ مەیلی تۆ ئەیام مەویاروو مەیلەم دا بەتۆ منەت بار بێنێ ئەمن چن ساڵێ تەمەدٚار بێنێ بێ وەفاییت کەرد دەرحەق بەوەفام کاڵای خەم بڕیا یەکسەر وە باڵام بەشوو من مەیل و بەشوو تۆ ئازار بەشوو من وەفا بەشتٚ قین و قار سەبرم تەمام بی یاری بێ وەفا چینەی زیاتەر مەکەرە جەفا جەسەم بی بەخەم بیناییم بی تار ئازای ئەندٚامم بی فەتار فەتار بۆ بدٚیە جەستەیم دەروون کەیلی تۆ گریانم مەیۆ پەی بێ مەیلی تۆ سیاوی سەرم بی بەسفیدٚی مایەم بی ئێش و سای نا ئومێدٚی دنیا جەلای من تەمامەن تەمام بەو گرد ئومیدٚە نا بیم بەناکام عومرم دا وە سەر وێنوە فەرهادٚی بە نائومێدی و بەنامورادی خودٚا چن مەینەت بەردم وە دڵم بار دڵ نیاوان یانە و مەنزڵم دەک فەڵەک چەرخت چەمەر بۆ جارێ دەسم نیاوا باڵاو نگارێ بیناییت لێڵ بۆ کامتٚ ناکام بۆ زوانت لەنگ بۆ جەسەت پڕ زام بۆ هازەو زەنگۆڵیتٚ بەشکەم نەمانۆ قامەتتٚ چەمیۆ خودٚا چەمنت پسانۆ بەشکەم بینوونەتٚ بەهەزار دەردێ جەباڵەیتٚ نەوڕیۆ جەنگ و نەبەردێ بەکزی بینووی وێنەی هەتیمان پاسە نابەزەیت نامەنۆ پێمان کۆر و کەڕ بگنی شیویۆ وەهارت خەم و خەجاڵەت بەڵکەبان یارت تا ئاڕۆ مانی ئازارەکێشی بەجەور و جەفای بێ‌حەساو نیشی مەر هەر خودٚاوەندٚ حەقم بسانۆ عەزیز مەردەیی پەنەت بنمانۆ تیرەدۆ جەرگیت سۆ دۆ ئەو دڵیتٚ پەل پەل بۆ باڵاو قامەتوو گوڵیتٚ وەشی نەوینی غەیر جەخەجاڵەت بەڵکەرۆ چارەتٚ عەدڵ و عەداڵەت ئاوات بوازی تۆ پەرێ مەرگی بەڵ دۆچار بینەبەسۆتەو جەرگی بی بەخەزانەو دەرد و ناوەشی دایم زام بینی نەوینی وەشی وەختەێوە یاوا پی جورەبینووت لاشەت بێمار بۆ ئازات گرد فەرتووت شوکرانەو خودٚای باوەروو وە جا خەمی چن ساڵەم گردی دەۆ بەوا بەش ڕاحەت گیروو پی دەمێ و ساتەی ئەگەریچ بمروو نەوۆم ئاواتەی #عدنان_مرادی #هامفردان #شعر_معاصر_پاوه #شاعران_پاوه #مشاهیر_پاوه