بسمه تعالى ياعلــــي الـــدنيه صــــارت حزينه ومره بالأمـــس طه واليــوم فــگــــدت الزهره وداع الغــــوالي جــرح مايطيب *** چن عام الحزن والــهــم تكــرر مـن جديد ورد فگدت الهادي والزهـره ونهارك صار ليل اسود دموع التجري من عينك لغله اثنين فــوگ الـخـد مثل طــــوفان مــــايهده وحــــزنك ساحل وممتد عينك اتغمــض و تغـــفه بيهه الدمعه وتصحه وبگلبك احزان غياب البضعه بقت ذكــــريات الحـــزن ماتغيب *** ماتت و الضلع مكســـور وبعد مكسور خاطرهه صعب اعليك باب البــيت عگب الزهره تنظرهه تعــصر گــلبك وروحـــك تاذيــهه وتكـــدرهـــه صارت ذكره لحــــــزانك تــــبقه لـــو تغيرهه ؟ للمـــــنيه الــــوديــــعه بقــــت تــــتألم تــــدري بالباب يحــيدر ضلعهه اتهشم عله الزهره صارت تضج بالنحيب *** غـــيم الـــنايبات ايمــر عـــليك وتـــبقــه تتصبر وتخفي احـــزانك المره طبعــــك هــــذه ياحــيدر وفگد الزهره هد حيلك يقــــالع بابـــــهه الخـيبر ولان دمعك مـــطر ينزل جرحك ظل طري واخضر محني ظهرك جريح بجرح مـــــايشفه والجبل مـــن يميل المـــصايـــب كــلفه فگدت الــــزچيه وأبد موعجيب *** بقــــت بالـــــــدار ذكــــراهه وعـــطـــر تسبيح وتشمه ويتبده الــــــدمع عـــــــالخد وابــد مـــاتلـحـــگ اتلمه وتهضمك زينب امن اتصيح إلـــــچ مشــــتاگه يايُمه تــــواسيك وتـــــواســـــيهه گلب يشكي الگلب همه تبچي زينب صعب لو شـــفتهــه بعينك اشلون يوم الطفــــوف وذبيح حسينك ابألــم زينب تندبه وبدم خضيب *** راحت فــــاطمه الزهره وحــــزن خيّم عله اعيالك حال المجتبى وحســـين كـــــدر ياعــــلي حــــالك چــــــانو ولــدك براحه بجــــــال الزهره وبجـالك وبالجـــنه الشــــمل يلتم وتطيـــــب جروح دلالك من بعد مـــا يطـــبرك لعــيـن بــــهامك وبالحزن تنگضـــي أعله الزچيه ايامك ومن عنده راسك يحيدر يشيب *** تمت بفضل الله وتوفيقه، الحمد لله رب العالمين، اللهُمَّ صل على محمّدٍ وآلِ محمّدٍ وعَجِّلْ فرجَهم حيدر كريم جار الله الكربلائي الفاتحة إلى أمواتي وبالخصوص والدتي رحمها الله 2024م https://t.center/haiderkarem