نعي حق الشاعر علي الفرحاني
الله يرحمه
مشتاگه ربعك يل رحت بس الله يعلم بيهأ
ودمعاتنه عليك بحزن علاوي من نجريها
ملتمه يم گبرك وجت ما تگعد تحاجيهأ
فراگك كلف يكتل كتل بس احنه ما نحجيهأ
==
بل مگبره تنام شعجب مو هذا وكت لنومه
يا خويه گايلهأ لمثل كلمن يموت بيومه
بسنته بعدك يل ورد گلنه ياهو لومه
نحاجي الگبر بعدك حلو لو غيريت رسومه
==
تفاجأنه لمن سافرت والسفره هايه طويله
موتنه ابوك من لبجي مهدوم كلش حيله
تعبان من يوم الرحت ما نام ساعه بليله
يل جنت تحجيله شكثر ياهو لبعد يحجيله
==
مو سهله لو مات لولد شنهو ليضل بل والد
مو هوه روحه ومهجته وبگليبه گايم گاعد
عانيت بغيابه شگثر يا ربي ريدك شاهد
افرح لون شفت خوته بس گلبي فاگد واحد
==
كل ما يطر فجر صبح جيبولي گول وليده
ها ما كبر بعد الحلو ومجان ابوه يعيده
اتمنه ابوك يشاهدك بس هايه جدي بعيده
نام بتراب الگبر كل اليله روحي تريده
==
#سعيد_العگيلي. 34
