فارگيناهم يدنيه وكلشي راح ولعمر يخلص بعدهم بل نياح راحو الحضن التراب بعد شيفيد العتاب كلشي راح كلشي راح == اه يفراگ الحبايب من يغيبون حسره تبقه بگلب كل خادم يخلون جانو بهاي المجالس من يحضرون نخدم وياهم سوه لمن يخدمون هسه وين بيا مكان ما رحم بينه الزمان كلشي راح كلشي راح == جنه نحضر مئتم ونلطم سويه نبجي عل مضلوم والراحت سبيه بل مجالس تحضر الزهره الزجيه تسجل اسمأء الجو نصبو عزيه بعد ما وصف الوضع تمشي مكسورت ضله كلشي راح كلشي راح == راحو عزاز النه بس فدوه البنينج وانتي لجل ارواحنه صطروه عينج فدوه كل اولادنه الزهرت سنينج وما نوفي قطره وحده من جبينج فدوه الحسين وحسن كل ولدنه بهل زمن كلشي راح كلشي راح احنه كل ميت ندفنه بمگبره ولرواح تضل تون وحايره اشلون بل عباس سبع الگنطره جثته ضلت عاريه وفوك الثره من عمت عيني الزمان راح البجفه الامان كلشي راح كلشي راح == الميت نشيعه ونغسله بل ادين زينب انتي اشلون غسلتي الحسين ام عون گلبج ادري بيه كلش حنين وين يحصل ماي بس گليلي وين ياكل بروحي. القهر صرعه طاحو على نهر كلشي راح كلشي راح == سعيد العكيلي. 37