#منهاج_محرم_الحرام_1445هــ #استقبال_محرميا مولاي .. ارزقني الخدمه
يامولاي .. هاي اكبر نعمه
===========================
تــحظر يــاخادم واستقبل ايـــام الحسين بــنــوح
لتفوت مجلس بي دمعه بكل مجلس كونك مجروح
تحظر فاطم هذا المجلس خلي المجلس دمعه وروح
كــل دمعه تساعد تغفرلك هيج ذنوبك كـــلها تروح
يا مولاي .. خادم نصبني
يا مولاي .. والحرگه ارزقني
===========================
هاي ايام حسين تدنت خلي دموعك شاطي تصير
كطعوا عن حسينك شاطي ومايدرون بجفه الخير
هوه الحاكم وابن الحاكم يكدر جفه الكون يدير
لاجل عيونه بهاي الدنيا اكبر مجلس كون يصير
يا مولاي .. يمك ما ضايع
يا مولاي .. من خيرك شابع
===========================
العاشر كون ابالك حاظر بيك رماح وبيك سهام
وتواسي الحوراء بحزنك كون بليلك هم متنام
مولاتك مهضومه وزحمه تحديها الوادم للشام
بس صفي النيه واخدمهم تلكاهم بالشده حزام
يا مولاي .. لزينب بجيني
يا مولاي .. بالخيمه اجويني
===========================
ياخادم افهم موضوعك موضوعك ركضه بنص خيل
ركضت زينب يوم العاشر بس من زينب راح الحيل
تودع ماكدرت ع الناگه شبعت من الظالم ويل
لو تبجي برمح يطكوها مجويه ومتنام الليل
يامولاي .. يا محلاه اسمك
يا مولاي .. وسفه يصب دمك
===========================
كلمات
الخادم حسن الكريماوي
✍🏻#اللحن👇🏻
