#كتابة_القصيدة_منذُ_عامين
حسين اه حسين اه
____________
اصرخ ياويل ..
انباك الحيل
طاح وصدره اجرجر من خيل الخيل
والشوف احتار
كل صوب النار
وبلا زلمه اوحدي اوياي ازغار ازغار
وبذاكه الفجر طلعت سبايه ولاذت بسدي
طگوهن عكب عينك وضربو راسك بضدي
حسين اه حسين اه
____
الهزله تميل
صوت صهيل
بعمر الورده نطگت وسفه ارقيه بسوط
وندير العين
لـ خوي حسين
راسه مهشم ينزف دمه برمحه وملچوم
دم وي الرمل عينه عمت عيني خذاه الدم
گضيت الرمح بيدي خلّصت الدرب بس شم
حسين اه حسين اه
____
ماضل حزام
دگو دمام ..
حدر راسه وصحت خويه ويردلي الصوت
راسگ جدام
فــروه زلام
لـچـم ثغره وبـده ينـزف جـرحـي ويـاه
مشونه بدرب بي شوك تسحك فوكه علويه
ترفه اچدام بنت حسين مو مالت يسر هيه
حسين اه حسين اه
____
فرونه السوگ
فرهود علوگ
واتـعـثـر وارد اوكف تـهـل الـعـيـن
الضيم الصار
لا جار ودار
طگو راسك كدامي ومرامه حجار
وكع رمحك ركضت اعليه رمل بعيونك الحلوه
صدك خوية خذاك الموت من عيوني بالگوه
حسين اه حسين اه
____
قصر وطبيت
براسك فييت
عن اطفالك لو عن الحر لو انتَ چبير
عگبك كل ماي
ماصار هواي
مايگ اكثر من الوادم بس شح اعليك
عطشنه وخويه يتعمدون الماي يشمره كدامي
ضحك ونسه وصريخ اطفال تناقض صارت ايامي
حسين اه حسين اه
____
#تمت#عباس_القلعاوي
